1 Samuwiila 2:8 - Dewtere Laamɗo Fulfulde Burkina Faso

⁸ O ummina talkaaɓe e sollaare, o wurtina waasuɓe e ley ndoondi, faa ɓe njooɗodoo e kaanankooɓe, ɓe ndona jooɗorgal teddeengal. Sabo kanko jeyi joƴƴinirɗe adunaaru, dow majje o joƴƴini adunaaru.

1 Samuwiila 2:8 ပူးပေါင်းရင်းမြစ်များ

Fuɗɗoode 41:14

Nden Fira'awna wi'i Yuusufi noddowee. Ɓe njehi law ɓe mburtini mo ley kasu toon. O femmbaa, o ɓoornii kaddule kese, de o yehi yeeso Fira'awna.

Fuɗɗoode 41:40

Wo aan dawranta ɓaade am. Yimɓe am fuu ɗowtanto ko njamirɗaa. Si wanaa jooɗorgal laamu am du walaa fu ko ɓurdumaami.

2 Samuwiila 7:8

Jonle, hollu maccuɗo am Daawda, «Inan ko miin Joomiraaɗo Jom Kammu e Leydi wi'i: Miin itti ma durngol cogge, yaari ma faa laatoɗaa hooreejo dow yimɓe am Israa'iila.

1 Kaanankooɓe 16:2

— Mi ittii ma e sollaare leydi faa mi waɗe hooreejo yimɓe am Israa'iila. De a jokkii laawol Yerobo'am, a nanni yimɓe am Israa'iila'en ley hakke faa mi tikkanii ɓe.

2 Kaanankooɓe 9:6

Ndeen Yehu ummii naati ley suudu nduun. Jokolle oon rufi nebbam dow hoore makko de wi'i mo: — Inan ko Joomiraaɗo, Laamɗo Israa'iila wi'i: Mi suɓake ma faa laatoɗaa kaananke yimɓe am Israa'iila.

Ayuuba 1:21

wi'i: — E ɓolum mburtinoomi reedu inna am, e ɓolum du coƴƴotoomi. Joomiraaɗo hokki, wooɗi kam du jaɓti. Barke woodanii innde Joomiraaɗo.

Ayuuba 2:8

De Ayuuba hooƴi keltel heeɗoore, na nyaancoroo ɓanndu mum, ina jooɗii ley ndoondi.

Tindinoowo 4:14

fay si jokolle oon wurtii kasu de laatii kaananke, naa rimaa wo talka de laamii.

Ibraninkooɓe 1:3

Ɓiyiiko oon na yaynira teddeengal Laamɗo. Alhaali makko ina foti e Laamɗo jaati. Imo heɓindorii huunde fuu e konngol makko jogiingol semmbe. Caggal ko o tilii laaɓinde hakkeeji yimɓe ɗuum, o jooɗii gere nyaamo Laamɗo jom manngu to dow kammu toon.

Yaakuuba 2:5

Sakiraaɓe am horsuɓe, kettindee! Talkaaɓe adunaaru ndu ɓeen, wanaa Laamɗo suɓake ɓe faa ɓe laatoo danyuɓe goonɗinal, ɓe naata e laamu Laamɗo mo Laamɗo aadii hokkude yiɗuɓe ɗum naa?

Holleede 1:6

O hokki en laamu, o waɗi en almaami'en faa ngollanen Laamɗo Baabiiko oon! Teddeengal e baawɗe ngoodan Iisaa faa abada! Aamiina.

Holleede 22:5

Jemma walaa katin. Ɓe ngalaa haaju e annoora lampal naa annoora naange, sabo Laamɗo Joomiraaɗo yayniranan ɓe annoora muuɗum. Ɓe laamoto faa abada abadin.

Holleede 3:21

Jaaliiɗo fuu, mi hokkan ɗum jooɗodaade e am dow jooɗorgal am laamu, hono no miin du njaaloriimi de njooɗodiimi e Baaba am dow jooɗorgal muuɗum ni.

Holleede 5:10

A waɗii ɓe jeyaaɓe e laamu e almaami'en gollanooɓe Laamɗo meeɗen. Ɓe laamoto adunaaru.»

1 Samuwiila 15:17

Samuwiila wi'i: — Arande a mawninaay hoore maa. Wo ndeen laatiɗaa hooreejo lenyi Israa'iila fuu. Joomiraaɗo waɗi ma kaananke dow Israa'iila. Wanaa noon naa?