1 Samuwiila 2:30 - Dewtere Laamɗo Fulfulde Burkina Faso

³⁰ Ndelle inan ko Joomiraaɗo, Laamɗo Israa'iila wi'i: «Mi fodanekeno ma, aan e suudu bammaa nduun ngollanon kam faa abada.» De joonin kaa inan ko Joomiraaɗo wi'i: «Taa ɗum laatoo! Yimɓe teddinooɓe kam ɓeen, kam'en teddinammi, ammaa huyfinooɓe kam ɓeen, njawete.

1 Samuwiila 2:30 ပူးပေါင်းရင်းမြစ်များ

1 Kaanankooɓe 11:11

Ndeen Joomiraaɗo wi'i Suleymaana: — Saabe no oonyoriɗaa ni, e ko a ɗowtanaaki amaana am e sariyaaji ɗi njamirmaami ɗiin, mi teetan laamu maaɗa mi hokka ngu golloowo maa.

1 Kaanankooɓe 2:27

Noon Suleymaana wurtiniri Abiyatar e golle almaamaaku Joomiraaɗo. Ko o wurtini Abiyatar ɗuum tabintinii konngol Joomiraaɗo ngol haalunoo dow kiita lenyol Eli, almaami mawɗo mo wuro Silo.

1 Kabaaruuji Laamiiɓe 17:18

Ɗume mbaawumi wi'ude ma katin dow teddeengal ngal kokkuɗaa kam ngaal? Aɗa anndi maccuɗo maaɗa.

Wurtagol 28:43

Wakkati Haaruuna e ɓiɓɓe muuɗum naatata ley Hukum Ceniiɗo naa du nde ɓe ngarata sakkirde faa ɓe ngaɗa gollal maɓɓe ley nokkuure seniinde fuu, ɓe ɓornoo ɗi. Si ɓe ɓornaaki ɗi fu, hakke majjum na waawi saabanaade ɓe maayde. Ɗuum laatanoo Haaruuna e ƴuwdi muuɗum yamiroore faa abada.

Wurtagol 29:9

Kaɓɓanaa Haaruuna e ɓiɓɓe muuɗum kaɓɓorɗi ɗiin de kippaa kufuneeje dow ko'e maɓɓe. Noon Haaruuna e ɓiɓɓe muuɗum kalfinirtee almaamaaku. Ɗum laatanoo ɓe kamɓe e ƴuwdi maɓɓe yamiroore faa abada.

Banndi 12:8

Jom caral kam heɓata manoore, jom ɓernde oonyiinde du, yawaade.

Banndi 4:8

Korsinaa hakkillo faa wooɗa, ndeen ngo mawninte, si a wuundake ngo, ngo teddinte.

Banndi 8:17

Miɗo yiɗi yiɗuɓe kam, filotooɓe kam njiitan kam.

Limle 11:20

Ɓe nyaaman ngu faa waɗa lewru, faa ɓe cawta ngu, ngu wurtoroo kine maɓɓe de ɓe tuuta. Ayyo, noon ɗum laatorto saabe ɓe tottitake Joomiraaɗo gonɗo hakkunde maɓɓe oon de iɓe mboya, iɓe mbi'a ko saabii de ɓe ndilli leydi Misira.

Limle 35:34

Ndelle taa tuuninon leydi ndi njooɗiɗon e muuɗum, e ɗo njooɗiimi, sabo wo miin woni Joomiraaɗo wooɗi du, miɗo jooɗii hakkunde yimɓe Israa'iila.

Yuhanna 12:26

Si neɗɗo ina yiɗi gollande kam fuu, jokka kam. Ɗo ngonumi fuu, ɗoon golloowo am du wonata. Baabiiwo teddinan gollanoowo kam.

Yuhanna 5:23

faa yimɓe fuu teddinira Ɓiɗɗo oon hono no teddinirta Baabiiwo oon ni. Neɗɗo fuu mo teddinaay Ɓiɗɗo oon, teddinaay Baabiiwo nulɗo mo oon du.

Yuhanna 5:44

Oɗon manundura, de on pilataako manooje ƴuurooje to Laamɗo gooto. Ndelle noy mbaawruɗon goonɗinirde?

Yuhanna 8:49

Iisaa jaabii, wi'i: — Mi wanaa gonduɗo e ginnaaru, miɗo teddina Baaba am. Onon, oɗon kuyfina kam.

1 Korintunkooɓe 4:5

Ndelle, taa caree fay gooto illa wakkati oon yottaaki, illa Joomiraaɗo waraay. Kam yaltinta ko suuɗinoo e nimre, kam ɓanginta anniyaaji ɓerɗe yimɓe. Nyannde ndeen, mono fuu heɓan to Laamɗo jettooje ɗe foti heɓude.

1 Piyeer 1:7

Torraaji ɗiin kollata goonɗinal mooɗon na selli. Hono no kaŋŋe taaynirtee e yiite faa ndaaree yalla wo dimo, onon du hono noon ndaartinorteɗon. Goonɗinal mooɗon du ina ɓuri kaŋŋe sabo kaŋŋe heddataako. Caggal oɗon munyi torra, on njettete, on keɓan darja e teddeengal nyannde Iisaa Almasiihu ɓangi.

Ardiiɓe 9:10

Ndeen ɗe mbi'i ƴibbi: — War aan kaa, laamoɗaa min.