1 Samuwiila 18:6 - Dewtere Laamɗo Fulfulde Burkina Faso

⁶ Gaɗa ko Daawda warnoo Filistiyankeejo oon ndeen, ɓe fuu iɓe koota. Rewɓe mburtake galluuje Israa'iila ina njima ina mbama faa ɓe njaɓɓitoo kaananke Sawulu e jimi ceynooji e tummbuɗe lenngoy e kolli.

1 Samuwiila 18:6 ပူးပေါင်းရင်းမြစ်များ

2 Samuwiila 1:20

Taa ngooynon ɗum ley wuro Gaat, Taa ngooynon ɗum ley laabi wuro Askelon, faa taa ɓiɓɓe Filistiyankooɓe rewɓe ceyoroo ɗum, taa ɓiɓɓe ɓe taadaaka ɓeen mantoo.

2 Samuwiila 6:5

Daawda e yimɓe Israa'iila fuu ina ceyii ina mbama yeeso Joomiraaɗo haddi semmbe muɓɓen. Iɓe njimira e sawtu kolli mawɗi e pamari, e tummbuɗe lenngoy e sii munkariiji leɗɗe sowre.

Wurtagol 15:20

Mariyama, sakiike Haaruuna debbo wo annabaajo. O hooƴi tummbugel pamarel, imo fiya imo wama. Ndeen rewɓe fuu mburtii, njokkii mo, ina piya tummbuɗe kamɓen du ina mbama.

Wurtagol 15:21

Mariyama yimi, wi'i ɓe: Njimanee Joomiraaɗo, sabo heɓii jaalorgal manngal. Pucci e waɗɗiiɓe ɗi fuu o faɗɗii ɗum'en ley maayo.

Ardiiɓe 11:34

Yefta hooti wuro muuɗum Mispa. Nde o yottotonoo wuro ndeen, ɓiyiiko surbaajo wurtii jaɓɓitii mo, ina fiya tummbuɗe lenngoy, ina wama. Tawi ɓiɗɗo oon tan o woodi. O walaa fuu ɓiɗɗo goɗɗo.

1 Samuwiila 18:5

Nokkuure fuu to Sawulu neli Daawda haɓana ɗum, Daawda gaynan faa Sawulu waɗi mo kawjotooɗo sordaasiiɓe. Ɗum na weli yimɓe fuu, na weli howruuɓe Sawulu du.