1 Samuwiila 18:12 - Dewtere Laamɗo Fulfulde Burkina Faso

¹² Sawulu hulii Daawda sabo Joomiraaɗo na wondi e makko, de yoppi ɗum.

1 Samuwiila 18:12 ပူးပေါင်းရင်းမြစ်များ

2 Samuwiila 5:10

Daawda na ɓeyda semmbe wakkati fuu sabo Joomiraaɗo, Laamɗo Jom Kammu e Leydi ina wondi e muuɗum.

Matta 25:41

Caggal ɗuum, o wi'an wonɓe junngo makko nano ɓeen: «Mboɗɗee kam, onon huɗaaɓe Laamɗo! Njehee ley yiite duumiinge nge Laamɗo resani Ibiliisa e maleyka'en muuɗum ngeen!

Marka 6:20

sabo Hirudus ina hulannoo Yaayaa, ina anndunoo o gorko ponnditiiɗo, ceniiɗo. Ɗum waɗi de imo haybannoo ɗum. Si o hettindake haala muuɗum fu, hakkillo makko jiiɓoto, wooɗi du imo yiɗi hettindanaade ɗum.

Luuka 8:37

Yimɓe leydi Gerasa fuu ŋaarii Iisaa dillana ɗum'en leydi muɓɓen, sabo kulol manngol nanngii ɗum'en. O naati laana, o dilli.

Golle Nelaaɓe 24:25

Kaa nde Pool haalannoo haala fonnditaare e nanngitaare e sariya garoowo ndeen, Filiki huli, wi'i: — Joonin kaa heƴii! Yahu. Nde keɓindiimi fuu, mi nodditete.

Golle Nelaaɓe 7:9

Maamiraaɓe ɓeen kaasidii Yuusufi, conni ɗum Misira. Ammaa Laamɗo ina wondi e makko,

Ardiiɓe 1:19

Joomiraaɗo ina wondi e yimɓe Yahuuda. Ɓe ndiiwi jooɗiiɓe dow baamle ɓeen, ammaa yimɓe jooɗiiɓe nder naɗɗi, jogiiɓe torkooji pucci ngaɗiraaɗi njamndi ɓeen kaa, ɓe ndonki riiwude ɗum'en.

Ardiiɓe 16:20

Ndeen Deliila wi'i mo: — Samson! Filistiyankooɓe ngarii faa nannge! Samson fini ina miili katin daɗiran hono no arande ni. O miili o dimmboto tan, de o danna hoore makko. Ammaa o faamaay Joomiraaɗo dillii to makko.

1 Samuwiila 16:18

Gooto hakkunde jokolɓe ɓeen wi'i: — Miɗo anndi goɗɗo. Yesa jeyaaɗo Baytilaama na woodi ɓiɗɗo baawɗo hoddu. Wo o cuusuɗo, baawɗo wolde, kaaldoowo e hakkillo, jom ŋari. Joomiraaɗo ina wondi e makko.

1 Samuwiila 16:4

Samuwiila waɗi ko Joomiraaɗo wi'i. Nde o hewtunoo Baytilaama ndeen, mawɓe wuro ngoon ngari njaɓɓitii mo ina ndiwna kulol. Ɓe mbi'i: — Kori wo jam ngarduɗaa?

1 Samuwiila 18:15

Nde Sawulu yi'unoo huunde fuu ko o waɗi na gasa ndeen, huli mo.

1 Samuwiila 18:20

Ammaa Mikal ɓii Sawulu debbo ina yiɗi Daawda sanne. Nde ɓe kaalannoo ɗum Sawulu fu, ɗum weli ɗum

1 Samuwiila 18:29

Sawulu huli mo faa ɓuri ko arande ɗuum. Nii Sawulu laatorii ganyo Daawda foy.

1 Samuwiila 20:13

Ammaa si baabam muuyii torrude ma, de mi faaminaay ma, mi dillinaay ma faa kisaa fu, Joomiraaɗo hiitam kiite mawɗe. Joomiraaɗo wondu e maaɗa hono no o worrunoo e baabam!

1 Samuwiila 22:13

Sawulu wi'i mo: — Ko waɗi nyo'uɗaa kam, aan e ɓii Yesa? A hokkii mo buuru e kaafaahi. A rookanake mo Joomiraaɗo faa o muurtana kam o tuufinana kam hono hannden nii.

1 Samuwiila 28:15

Samuwiila wi'i Sawulu: — Ko waɗi de umminɗaa kam, aɗa mettinana kam? Sawulu jaabii, wi'i: — Miɗo wondi e torra mawɗo. Filistiyankooɓe na kaɓa e am de Laamɗo du toowtii kam. O jaabataako kam, wanaa e annabaaɓe wanaa e koyɗi. Ndelle miɗo nodde faa kollaa kam ko njeyumi waɗude.

1 Samuwiila 3:19

Samuwiila ina ɓeydoo manngu, Joomiraaɗo ina wondi e muuɗum, accaay haalaaji mum caama ɓolum.