1 Samuwiila 17:51 - Dewtere Laamɗo Fulfulde Burkina Faso

⁵¹ Daawda doggi, darii jiimi Goliyat, itti kaafaahi makko, soorti ki e huulgo, wari mo de taƴi hoore makko. Nde Filistiyankooɓe njiinoo jaalotooɗo muɓɓen maayii ndeen, ɓe ndoggi.

1 Samuwiila 17:51 ပူးပေါင်းရင်းမြစ်များ

2 Samuwiila 23:21

Kanko du fiyi Misirankeejo kalahaldiijo faa maayi. Misirankeejo oon na tiigii labbo, de kanko kaa, sawru tan o wondi. Ndelle Benaya ɓattitii mo, teeti labbo e junngo makko de wardi mo ngo.

Ester 7:10

Noon Haman jorfitoraa dow leggal ngal moƴƴinanno Mordakay ngaal. Ɗum feewtini ɓernde kaananke.

Ibraninkooɓe 11:34

ɓe nyifi giiteeli ul'ultooji, ɓe ndaɗi e mbelndi kaafaahi. Ɓe tampii de ɓe keɓi semmbe. Ɓe laatii suusuɓe ley wolde, ɓe ndiiwi konuuji garɗi to maɓɓe ɗiin.

Ibraninkooɓe 2:14

Ndelle, ko tawaa sukaaɓe ɓeen wo teewu e ƴiiƴam, Iisaa du hawti e maɓɓe tagaadi ndiin. O waɗii noon faa maayde makko jaaloo jogiiɗo baawɗe maayde oon, ɗum woni Ibiliisa,

1 Samuwiila 17:50

Nii Daawda jaalorii Filistiyankeejo oon e piwlol e hayre. O fiyii Goliyat fiyande waroore. Kaafaahi fuu walaa e junngo Daawda.

1 Samuwiila 21:10

Almaami jaabii, wi'i: — Inan kaafaahi Goliyat Filistiyankeejo mo mbarunoɗaa ley Naɗɗol Leɗɗe Mawɗe. Inani ki ɗo, iki fiiliraa e kaddungal gaɗa to saaya almaamaaku wallintee. Si aɗa yiɗi fu, kooƴaa sabo goɗɗum fuu walaa. Daawda wi'i: — Ki walaa yeru. Hokkam ki.

1 Samuwiila 21:9

Daawda ƴami Ahimelek, wi'i: — Yalla aɗa woodi labbo naa kaafaahi ga naa? Mi hooƴaay kaafaahi am naa kaɓorɗe am fuu sabo nelal kaananke wo kenyiingal.

1 Samuwiila 31:9

Ɓe taƴi hoore Sawulu de ɓe ɓotti kaɓitirɗe wolde mum. Ɓe nuli nelaaɓe ley leydi Filistiya'en fuu, ɓe kumpiti kabaaru majjum oon ley cuuɗi dewal tooruuji maɓɓe e hakkunde yimɓe du.