1 Samuwiila 16:12 - Dewtere Laamɗo Fulfulde Burkina Faso

¹² Ndelle Yesa nulani mo o wara. Wo o jom ŋari boɗeejo, imo woodi gite ŋarɗuɗe. Ndeen Joomiraaɗo wi'i: — Umma njooraa hoore makko nebbam, sabo wo kanko.

1 Samuwiila 16:12 ပူးပေါင်းရင်းမြစ်များ

Fuɗɗoode 39:6

Ndelle ko o jogii fuu, o halfini ɗum Yuusufi. Walaa fuu ko o ndaaranta sanaa ko o nyaamata tan. Tawi le Yuusufi wo jom ŋari, belɗo ndaarude.

2 Samuwiila 23:1

Inan haalaaji Daawda cakitiiɗi, haalaaji Daawda ɓii Yesa, konngol gorko mo Laamɗo toowni, mo Laamɗo Yaakuuba waɗi kaananke, jimoowo jimi belɗi jeyaaɗo Israa'iila. Kettindanee mo:

2 Samuwiila 7:8

Jonle, hollu maccuɗo am Daawda, «Inan ko miin Joomiraaɗo Jom Kammu e Leydi wi'i: Miin itti ma durngol cogge, yaari ma faa laatoɗaa hooreejo dow yimɓe am Israa'iila.

1 Kaanankooɓe 1:34

Ngaɗon almaami Sadok e annabi Natan njoora nebbam dow hoore makko, o laatoo kaananke Israa'iila. Ndeen puufon luwal, mbi'on: «Kaananke Suleymaana, njuutaa balɗe!»

Wurtagol 2:2

Debbo oon reedi, rimi ɓinngel gorel. Nde o yi'unoo no ngel foti ŋarɗude fu, o suuɗi ngel faa waɗi lebbi tati.

Golle Nelaaɓe 4:27

Ɗum wo goonga, sabo ley ngalluure ndeen Hirudus e Pontiyu Pilaatu nanngunduri e Israa'iilankooɓe e lenyi goɗɗi faa kaɓa e Iisaa, golloowo maa ceniiɗo mo cuɓiɗaa oon.

Golle Nelaaɓe 7:20

Ley wakkati oon, Muusaa rimaa, wo korsuɗo Laamɗo. O muyninaa lebbi tati ley galle baabiiko.

Ibraninkooɓe 11:23

Saabe goonɗinal, saaraaɓe Muusaa cuuɗiri ɗum lebbi tati caggal rimeede muuɗum. Ɓe nji'ii o cukalel lobbel, de ɓe cuusii salaade yamiroore kaananke ndeen.

1 Samuwiila 16:18

Gooto hakkunde jokolɓe ɓeen wi'i: — Miɗo anndi goɗɗo. Yesa jeyaaɗo Baytilaama na woodi ɓiɗɗo baawɗo hoddu. Wo o cuusuɗo, baawɗo wolde, kaaldoowo e hakkillo, jom ŋari. Joomiraaɗo ina wondi e makko.

1 Samuwiila 17:42

Filistiyankeejo yi'i, taykii Daawda de yawi ɗum, sabo Daawda wo suka, boɗeejo, jom ŋari.

1 Samuwiila 17:55

Wakkati Sawulu yiinoo Daawda na wurtoo faa hawra e Goliyat ndeen, ƴami Abineer, hooreejo sordaasiiɓe fuu, wi'i: — Abineer, moy woni baaba suka o? Abineer jaabii, wi'i: — Mi hunorake nguurndam maa, mi anndaa.

1 Samuwiila 9:17

Nde Samuwiila yi'unoo Sawulu ndeen, Joomiraaɗo wi'i mo: — Inan gorko mo kaalanmaami haala muuɗum oon. Kanko laamotoo yimɓe am.