1 Samuwiila 16:1 - Dewtere Laamɗo Fulfulde Burkina Faso

¹ Joomiraaɗo wi'i Samuwiila: — Faa ndey ɓernde maa selata sunanaade Sawulu? Sabo miin, mi salake laamu makko dow Israa'iila. Hebbin luwal maaɗa nebbam de njahaa. Miɗo nele to gorko bi'eteeɗo Yesa jeyaaɗo wuro Baytilaama, sabo mi suɓanake hoore am kaananke e hakkunde ɓiɓɓe makko.

1 Samuwiila 16:1 ပူးပေါင်းရင်းမြစ်များ

1 Kaanankooɓe 8:16

«Gilla nyannde mburtinnoomi yimɓe am leydi Misira ndeen, mi suɓaaki galluure hakkunde lenyi Israa'iila to innde am nyiɓantee suudu. Wooɗi du, mi suɓaaki gorko faa laatoo kaananke yimɓe am Israa'iila'en ɓeen. Ammaa mi suɓake Daawda faa laatoo hooreejo yimɓe am Israa'iila'en.»

2 Kaanankooɓe 9:1

Annabi Elisey noddi gooto ley taalibaaɓe annabaaɓe, wi'i ɗum: — Kaɓɓinoɗaa kaɓɓorgol maaɗa, kooƴaa jolloyel nebbam ngel de njaha Ramot-Galaad.

2 Kaanankooɓe 9:3

Adaa jolloyel nebbam ngeel njoora dow hoore makko de mbi'aa mo: «Inan ko Joomiraaɗo wi'i: Mi suɓake ma faa laatoɗaa kaananke Israa'iila.» Caggal ɗuum, omtaa dammbugal de ndoggaa, taa ndaroɗaa.

2 Kaanankooɓe 9:6

Ndeen Yehu ummii naati ley suudu nduun. Jokolle oon rufi nebbam dow hoore makko de wi'i mo: — Inan ko Joomiraaɗo, Laamɗo Israa'iila wi'i: Mi suɓake ma faa laatoɗaa kaananke yimɓe am Israa'iila.

1 Kabaaruuji Laamiiɓe 11:3

Mawɓe Israa'iila fuu ngari to kaananke ley wuro Heberon. Toon Daawda haɓɓidi e maɓɓe amaana yeeso Joomiraaɗo. Ɓe njoori nebbam dow hoore makko, ɓe ngaɗi o kaananke maɓɓe fodde no Joomiraaɗo yamirnoo e hunnduko Samuwiila noon.

1 Kabaaruuji Laamiiɓe 28:4

De e noon fuu, Joomiraaɗo, Laamɗo Israa'iila oon suɓake kam hakkunde suudu baaba am faa waɗa kam kaananke Israa'iila de ƴuwdi am laamoo faa abada. O suɓake Yahuuda laatoo ardiiɗo. O suɓake suudu baaba am hakkunde cuuɗi Yahuuda fuu. Hakkunde ɓiɓɓe baaba am du, wo miin o suɓii faa o waɗa kam laamiiɗo dow Israa'iila fuu.

Romankooɓe 15:12

Annabi Esaaya du wi'ii: «ƴuuruɗo e lenyol Yesa warowan, oon ummoytoo faa laamoo lenyi adunaaru. Ɗi njowan jikke majji e makko.»

Ibraninkooɓe 11:32

Ɗume mbi'ammi katin? Wakkati o heƴataa kam faa mi haala kabaaru Gedeyon e Barak e Samson e Yefta e Daawda e Samuwiila, kam e annabaaɓe heddiiɓe.

1 Yuhanna 5:16

Ndelle, si won jiiɗo sakiike muuɗum ina waɗa hakke mo waddantaa ɗum maayde, o nyaaganoo ɗum Laamɗo, Laamɗo du hokkan ɗum nguurndam. De na woodi hakke gaddoowo maayde. Mi wi'aay nyaagoroɗon saabe hakke oon.

1 Samuwiila 10:1

Ndeen Samuwiila hooƴi jollooru nebbam, joori ɗam e dow hoore Sawulu, muccii ɗum, wi'i: — Nii Joomiraaɗo waɗiri ma hooreejo dow lenyol muuɗum cuɓaangol. Inan maande holloore ɗum:

1 Samuwiila 15:11

— Mi mimsitii ko ngaɗumi Sawulu kaananke sabo o tottitake kam, o waɗaay ko njamirmi mo ɗuum. Ndeen Samuwiila mettaa sanne, wullani Joomiraaɗo haddu jemma oon fuu.

1 Samuwiila 15:23

Ammaa muurtere na foti hakke ndaggadaaku, salagol du na foti bonanda jokkude tooruuji. Ley ko caliɗaa haala Joomiraaɗo, Kam du salake laamu maaɗa.

1 Samuwiila 15:26

Ammaa Samuwiila wi'i mo: — Mi yeccodataako e maa, sabo a salake haala Joomiraaɗo. Joomiraaɗo du salake laamu maaɗa dow Israa'iila.

1 Samuwiila 15:35

Samuwiila yi'aay Sawulu katin haddu nguurndam muuɗum faa maayi fay si ɓernde muuɗum metti dow makko sanne. Joomiraaɗo du mimsiti ko waɗi Sawulu kaananke Israa'iila.

1 Samuwiila 16:15

Howruuɓe Sawulu mbi'i ɗum: — Ndaar, ginnaaru bonndu ndu Laamɗo neli ina torre.

1 Samuwiila 16:23

Wakkati fuu nde ginnaaru ndu Laamɗo neli nduun wari dow Sawulu fu, Daawda hooƴan hoddu de hoɗa. Ndeen hakkillo Sawulu waaltoo, ginnaaru nduun du dillan to makko.

1 Samuwiila 17:12

Jamaanu Sawulu oon, tawi Yesa baaba Daawda naywii sanne. Wo o jeyaaɗo wuro Baytilaama ley leydi Efarata jogiiɗo ɓiɓɓe worɓe njeetato.

1 Samuwiila 9:16

— Jaango wakkati o, mi nuldete gorko jeyaaɗo leydi Benjamin. Njooraa hoore makko nebbam faa o laatoo ardiiɗo yimɓe am Israa'iila. O hisinan yimɓe am e juuɗe Filistiya'en. Mi yi'ii tiiɗallaaji yimɓe am, bullaali maɓɓe kewtii kam.