1 Samuwiila 15:11 - Dewtere Laamɗo Fulfulde Burkina Faso

¹¹ — Mi mimsitii ko ngaɗumi Sawulu kaananke sabo o tottitake kam, o waɗaay ko njamirmi mo ɗuum. Ndeen Samuwiila mettaa sanne, wullani Joomiraaɗo haddu jemma oon fuu.

1 Samuwiila 15:11 ပူးပေါင်းရင်းမြစ်များ

Fuɗɗoode 6:6

Joomiraaɗo mimsiti ko tagannoo neɗɗo ley adunaaru. Ɓernde muuɗum metti sanne.

Fuɗɗoode 6:7

Ndeen o wi'i: — Mi fiɗɗan yimɓe ɓe tagumi ɓeen e adunaaru, kamɓe e kulle mawɗe e pamare e ladooje e leydi e pooli piirooji fuu, sabo mi mimsitii ko tagannoomi ɗum'en.

2 Samuwiila 24:16

Nde maleyka foortunoo junngo mum faa halka Urusaliima ndeen fu, Joomiraaɗo mimsiti, wi'i maleyka kalkoowo oon: — Heƴii! Ittu junngo maa. Wakkati oon maleyka Joomiraaɗo oon na woni to nokkuure ƴarorde Arawna Yebusiijo.

1 Kaanankooɓe 11:9

Joomiraaɗo tikkani mo sabo ɓernde makko tottitake Laamɗo Israa'iila ɓanganɗo mo kile ɗiɗi.

1 Kabaaruuji Laamiiɓe 10:13

Sawulu maayi saabe ɗowtanaaki Joomiraaɗo, reenaay konngol muuɗum, wooɗi du yoppii Joomiraaɗo de waɗowi ndaarngal to gollidoowo e ginnaaji. Joomiraaɗo du wari o faa hokka Daawda ɓii Yesa laamu.

1 Kabaaruuji Laamiiɓe 21:15

Laamɗo neli maleyka Urusaliima faa jippina masiiba oon. Ammaa wakkati maleyka oon wonnoo na halka galluure ndeen, Joomiraaɗo mimsiti bonanda oon de haaldi e maleyka kalkoowo oon wi'i ɗum: — Heƴii! Jippin junngo maaɗa. Tawi nelaaɗo oon na darinoo ɗakkol ƴarorde Ornan, Yebusinke.

Ayuuba 34:27

Sabo ɓe tottitake e jokkude mo, ɓe killaaka e laabi makko fuu.

Wurtagol 32:11

Muusaa ŋaarii Joomiraaɗo, Laamɗo muuɗum, wi'i: — Yaa Joomiraaɗo, saabe ɗume tikkere maaɗa ummanii yimɓe maaɗa de wo aan wurtiniri ɗum'en leydi Misira e semmbe maaɗa e manngu maaɗa?

Wurtagol 32:14

Ndeen Joomiraaɗo wayliti anniya bone mo wi'unoo waɗan yimɓe ɓeen.

Amos 7:3

Joomiraaɗo, mimsiti de wi'i: — Ɗuum waɗataa.

Yuunusa 3:10

Nde Laamɗo yi'unoo ko ɓe ngaɗi e yoppude laabi maɓɓe bonɗi ɗiin fu, acciti halkude ɓe hono no wiirunoo halkan ɓe ni. O waɗaay ɗum katin.

Yuunusa 4:2

O waɗi du'aare to Joomiraaɗo, o wi'i: — Yaa Joomiraaɗo, wanaa kanjum mbi'unoomi gilla mi dillaay leydi am naa? Ɗum waɗi ndoggirmi Tarsis law. Sabo miɗo anndi wo a Laamɗo keewɗo moƴƴere e yurmeende, a jom munyal, keewɗo njinngu, a accitoowo nulude halkere.

Matta 24:13

Ammaa tinnitiiɗo faa yottii timmoode fu, kam hisintee.

Matta 5:44

Miin kaa miɗo wi'a on: njiɗee wayɓe on, ndu'anoɗon torrooɓe on.

Luuka 6:12

E ley balɗe ɗeen, Iisaa wurtii, yehi dow waamnde faa du'oo. O waali imo haalda e Laamɗo.

Ibraninkooɓe 10:38

«Ponnditaniiɗo kam wuurdan goonɗinal, ammaa si yeccitake, ɓernde am yardataako ɗum.»

Yoosuwa 22:16

— Inan ko kawrital yimɓe Joomiraaɗo fuu wi'i: «Ɗume woni jamba mo ngaɗuɗon yeeso Joomiraaɗo, Laamɗo Israa'iila o? Ko nyibanɗon ko'e mooɗon hirsirde ɗuum, on luttii Joomiraado hannden. On muurtanii mo.

1 Samuwiila 12:23

Min kaa, mi yiɗaa selude du'anagol on. Si mi waɗii noon fu, wo hakke to Joomiraaɗo. Mi jannginan on laawol lobbol ponnditiingol.

1 Samuwiila 13:13

Samuwiila wi'i Sawulu: — A waɗii puuyndam! A jokkaay yamiroore nde Joomiraaɗo, Laamɗo maaɗa hokki ma ndeen. Si a waɗiino ɗum fu, o joƴƴinanteno laamu maaɗa dow Israa'iila faa abada.

1 Samuwiila 15:10

Ndeen haala Joomiraaɗo wari e Samuwiila, wi'i:

1 Samuwiila 15:3

Jonkaa yahu, fiyu Amalek'en, kalkaa ko ɓe njogii fuu. Taa accu fay huunde, mbaraa gorko e debbo, suka ƴaakoy e keccoy, nagge e mbaalu, ngeelooba e araawa.»

1 Samuwiila 15:35

Samuwiila yi'aay Sawulu katin haddu nguurndam muuɗum faa maayi fay si ɓernde muuɗum metti dow makko sanne. Joomiraaɗo du mimsiti ko waɗi Sawulu kaananke Israa'iila.

1 Samuwiila 15:9

Ammaa Sawulu e sordaasiiɓe muuɗum accii kaananke Agak oon e yonki, wooɗi du ɓe kalkaay ko ɓuri woodde ley dammucce e na'i, daabaaji payɗi e ɓiɓɓe baali. Ko wooɗi e kulle ɗeen fuu ɓe njiɗaa harminde. Ko yawni e ko wooɗaa tan ɓe kalki.

1 Samuwiila 16:1

Joomiraaɗo wi'i Samuwiila: — Faa ndey ɓernde maa selata sunanaade Sawulu? Sabo miin, mi salake laamu makko dow Israa'iila. Hebbin luwal maaɗa nebbam de njahaa. Miɗo nele to gorko bi'eteeɗo Yesa jeyaaɗo wuro Baytilaama, sabo mi suɓanake hoore am kaananke e hakkunde ɓiɓɓe makko.

1 Samuwiila 8:6

Ko ɓe mbi'i «kokkoraa min kaananke laamoo min» ɗuum, metti Samuwiila de ŋaarii Joomiraaɗo.