1 Samuwiila 13:7 - Dewtere Laamɗo Fulfulde Burkina Faso

⁷ Woɓɓe maɓɓe du peƴƴitii maayo Urdun kewti leydi Gat e leydi Galaad. Sawulu heddii wuro Gilgal. Yimɓe jokkuɓe ɗum ina ndiwna kulol.

1 Samuwiila 13:7 ပူးပေါင်းရင်းမြစ်များ

Lewinkooɓe 26:17

Mi ummanto on de wayɓe mon njaaloo on. Wanyuɓe on ɓeen ndawranan on de ndoggon fay si on ndiiwaaka.

Fillitagol 20:8

Mawɓe ɓeen keddoo na kaalda e sordaasiiɓe ɓeen na mbi'a: — Moy wondi e kulol? Moy faamata ɓernde muuɗum na diwna? Joomum hoota taa bonnu ɓerɗe sakiraaɓe muuɗum heddiiɓe hono no muuɗum noon.

Fillitagol 28:25

Joomiraaɗo accan wayɓe mon njaaloo on. On puntiran e maɓɓe laawol gootol ammaa on ndoggiran laabi jeɗɗi. Nde laamuuji keddiiɗi nji'owi ɗuum fu haaynde e kulol manngol nanngan ɗum'en.

Fillitagol 3:12

Wakkati oon, njeytuɗen leydi ndiin. Kokkumi ndi yimɓe Ruben e ɓe Gad gilla Aro'er yaade gooruwol Arnon e feccere baamle Galaad e galluuje gonnooɗe toon fuu.

Yoosuwa 13:11

Katin du ɓe kokkaa Galaad, e leydi Gesurinkooɓe e Makatinkooɓe, dow waamnde Hermon fuu e leydi Baasan fuu faa yottoo Salka.

Yoosuwa 13:8

Feccere lenyol Manasa wootere e lenyol Ruben e Gad keɓiino ndongu muɓɓen e junngo Muusaa maccuɗo Joomiraaɗo. Kanko hokki ɓe leydi ngonndi lettugal Urdun.

Ardiiɓe 7:3

Ndelle, joonin sey njahaa mbi'aa yimɓe ɓeen, diwnoowo kulol fuu jippoo waamnde Galaad, hoota. Ndeen yimɓe 22.000 kooti, yimɓe 10.000 tan keddii.

1 Samuwiila 13:8

O munyi balɗe jeɗɗi, balɗe ɗe Samuwiila hokkunoo ɗeen. Ammaa Samuwiila waraay Gilgal. Caggal ɗuum yimɓe Sawulu na cankitoo.

1 Samuwiila 17:11

E ley ko Sawulu e Israa'iila'en fuu nani haalaaji Filistiyankeejo oon ɗiin, nesi maɓɓe taƴi, ɓe kuli sanne.

1 Samuwiila 31:7

Nde Israa'iila'en wonɓe gere ooto naɗɗol ngool e wonɓe gere ooto maayo Uurdun ngoon njiinoo sordaasiiɓe Israa'iila na ndogga, wooɗi, ko Sawulu e ɓiɓɓe mum maayi ɗuum fu, ɓe ndoggi, ɓe njoppi gure maɓɓe. Filistiyankooɓe ɓeen ngari de njooɗii ley gure ɗeen.