1 Samuwiila 12:12 - Dewtere Laamɗo Fulfulde Burkina Faso

¹² Wakkati njiinoɗon Nahas kaananke yimɓe Amon ina wara faa haɓa e mooɗon ndeen on mbi'ii kam, «A'aa, miɗen njiɗi kaananke laamoo min». On ngaɗiri noon fay si Joomiraaɗo, Laamɗo mooɗon woni kaananke mooɗon.

1 Samuwiila 12:12 ပူးပေါင်းရင်းမြစ်များ

Fuɗɗoode 17:7

Mi tabintinan amaana hakkunde am e maaɗa e ƴuwdi maaɗa ley jamaanuuji muɓɓen fuu. O laatoo amaana duumotooɗo faa abada. Mi laatoto Laamɗo maaɗa, aan e taaniraaɓe maa caggal maaɗa.

Limle 23:21

O yi'aay fuu ko boni e Yaakuuba, O taykaaki feloore e Israa'iila. Joomiraaɗo, Laamɗo makko na wondi e makko. Wo to makko duko kelle laamu nanetee.

Ardiiɓe 8:23

De Gedeyon wi'i ɓe: — Miin, mi laamataako on. Ɓiyam du laamataako on. Wo Joomiraaɗo, kam laamotoo on.

Ardiiɓe 9:18

Ammaa hannden, on muurtanii suudu baaba am. On ngaɗii mo ko boni, ko mbarɗon ɓiɓɓe makko worɓe 70 fuu dow hayre wootere, de ngaɗɗon Abimelek ɓii korɗo makko debbo oon kaananke mooɗon ɗuum saabe wo sakiike mooɗon.

1 Samuwiila 10:19

Joonin kaa on calake Laamɗo mooɗon, kisinoowo on e baasiiji e torraaji fuu. On mbi'ii, «A'aa, Joƴƴin kaananke dow amin!» Jonle ɓattitoɗon Joomiraaɗo ley lenyi mooɗon e cuuɗi mooɗon.

1 Samuwiila 8:3

Ammaa ɓe njokkaay laawol baabiiɓe, ɓe mbosii ngol. Ɓe pilii tino, ɓe njaɓi njeenaari jamba, ɓe oonyi sariya.