1 Samuwiila 1:8 - Dewtere Laamɗo Fulfulde Burkina Faso

⁸ Goriiko Elkaana na wi'annoo mo: — Hanna, ɗume mboyataa? Ko waɗi a nyaamataa? Ko saabii de ɓernde maa na metti? Wanaa miɗo ɓurani maa ɓiɓɓe worɓe sappo naa?

1 Samuwiila 1:8 ပူးပေါင်းရင်းမြစ်များ

2 Kaanankooɓe 8:12

Ndeen Hajayel ƴami mo wi'i: — Nelaaɗo Laamɗo, ɗume mboyataa? Elisey jaabii mo wi'i: — Bone mo ngaɗoyta Israa'iila'en oon nji'umi. A wulan galluuje maɓɓe cemmbiɗinɗe, a wardan jokolɓe maɓɓe kaafaaje, a niisan ɓikkoy maɓɓe wooɗi du a seekan deedi rewɓe maɓɓe reeduɓe.

Ayuuba 6:14

Torreteeɗo na haani yigoo mum holla ɗum hinney, si waɗaay noon fu na holla yoppii kulol Jom Baawɗe.

Yuhanna 20:13

Maleyka'en ɓeen mbi'i mo: — Banndam debbo, ɗume mboyataa? O jaabii ɓe, o wi'i: — Ɓe ittii Joomam ɗo, de mi anndaa fuu to ɓe ngattowi ɗum.

Yuhanna 20:15

Iisaa wi'i mo: — Banndam debbo, ɗume mboyataa? Moy pilotoɗaa? Mariyama miilii wo golloowo nokku oon haaldata e muuɗum, wi'i mo: — Joomam, si aan itti mo ɗo, haalanam ɗo ngattuɗaa mo, faa mi hooƴa mo.

1 Tesaloniyankooɓe 5:14

Miɗen nyaagoo on, sakiraaɓe, cappanon jaayɓe, mbaaltinon ɓerɗe hulɓe, mballon lokkaaɓe, tawdeɗon e munyal hakkunde yimɓe fuu.

Ruttu 4:15

Cukalel ngeel waylitan nguurndam maaɗa, ngel heyɗintinan duuɓi maaɗa, ngel jogoytee nder nayeewu maaɗa. Sabo wo esa debbo jiɗɗo ma sanne oon rimani ma ngel. Imo ɓurani ma worɓe njeɗɗo.

1 Samuwiila 1:7

Hitaande fuu nii yaarannoo. Wakkati mo Hanna yahata suudu Joomiraaɗo fu, nawliiko oon torran mo faa o woya, o nyaamataa du.