1 Samuwiila 1:22 - Dewtere Laamɗo Fulfulde Burkina Faso

²² Hanna kaa yahaay. O haaldii e goriiko, o wi'i: — Wakkati suka oon entaa fu, mi yaaran mo to Joomiraaɗo, mi halfina ɗum mo. O wuura toon faa abada.

1 Samuwiila 1:22 ပူးပေါင်းရင်းမြစ်များ

Wurtagol 21:6

sey joomiiko oon yaara o yeeso Laamɗo. Caggal ɗuum, takka o e dammbugal naa sera muuɗum de tufira nowru makko kural. Ndeen o gollana joomiiko oon haddi nguurndam makko fuu.

Lewinkooɓe 25:23

Taa gese leydi ndiin connee hono ko jeytataake katin sabo wo miin jeyi ndi. Onon le, wo on weerɓe am, on jananɓe jooɗiiɓe ɗoon tan.

Luuka 2:22

Nde balɗe laaɓugol Mariyama yottinoo, hono no Tawreeta Muusaa yamiri, ɓe njaari suka oon Urusaliima faa ɓe kalfina mo Joomiraaɗo.

Fillitagol 16:16

Worɓe leydi mon fuu kawrita yeeso Joomiraaɗo, Laamɗo mooɗon ley nokkuure nde suɓoytoo ndeen kile tati ley hitaande fuu. Ɓe njaha toon wakkati iidi Buuruuje ɗe njillaaka rabilla e iidi Jeɗɗiije e iidi Tenndeeje. Taa ɓe njaha yeeso Joomiraaɗo juuɗe ɓole.

Yoosuwa 4:7

njaaboɗon ɓe, mbi'on: «Ndiyam Urdun ɗaam darakeno yeeso keesuwal Amaana Joomiraaɗo wakkati min njaari ngal de min peƴƴiti gooruwol ngool.» Kaaƴe ɗeen laatanto yimɓe Israa'iila maande (miccinoore) faa abada.

1 Samuwiila 1:11

hunanii ɗum, wi'i: — Joomiraaɗo Jom Kammu e Leydi, si a ndaarii mettorgal korɗo maaɗa, si a miccitake kam, si a yeggitaay kam miin korɗo maaɗa de kokkuɗaa kam suka gorko fu, miin mi hokkete aan Joomiraaɗo suka oon haddi nguurndam muuɗum fuu. Hoore makko femmbataake abada.

1 Samuwiila 1:28

Ndelle miin du, mi hokkan Joomiraaɗo suka oon. O halfinaama Joomiraaɗo haddi nguurndam makko fuu. Ndeen o sujidani Joomiraaɗo toon.

1 Samuwiila 13:13

Samuwiila wi'i Sawulu: — A waɗii puuyndam! A jokkaay yamiroore nde Joomiraaɗo, Laamɗo maaɗa hokki ma ndeen. Si a waɗiino ɗum fu, o joƴƴinanteno laamu maaɗa dow Israa'iila faa abada.

1 Samuwiila 2:11

Elkaana hootii wuro Rama. Suka oon kaa heddii na gollana Joomiraaɗo ɗakkol almaami Eli.

1 Samuwiila 2:18

Samuwiila na golla yeeso Joomiraaɗo, wo o suka ɓornaaɗo saaya almaamaaku ŋarɗuka.

1 Samuwiila 28:2

Daawda jaabii, wi'i: — Wooɗi, a faaman ko miin maccuɗo maaɗa mbaawmi waɗude. Akis jaabii, wi'i: — Wooɗi, mi waɗan faa laatoɗaa doomoowo ɓanndu am haddi nguurndam maa fuu.

1 Samuwiila 3:1

Samuwiila, suka gorko oon, na gollana Joomiraaɗo ɗakkol Eli. Konngol Joomiraaɗo ɗuuɗaa wakkatiiji ɗiin, holleede ley koyɗol heɓataake law.