1 Piyeer 5:6 - Dewtere Laamɗo Fulfulde Burkina Faso

⁶ Ndelle, leeƴinkinanee Laamɗo jom semmbe oon, faa toowna on si wakkati cuɓaaɗo oon yottake.

1 Piyeer 5:6 ပူးပေါင်းရင်းမြစ်များ

1 Kaanankooɓe 21:29

— Yalla a yi'i no Ahabi leeƴiniri hoore muuɗum yeeso am naa? Saabe o leeƴini hoore makko yeeso am, mi waddataa jukkungo mbonngo ngoon ley balɗe makko. Ammaa ley balɗe ɓiyiiko gorko, ndeen ngaddammi jukkungo ngoon dow saare makko.

2 Kaanankooɓe 22:19

Mi nani haala ma, sabo ɓernde ma hecciɗii de leeƴinɗaa hoore maaɗa, ceekuɗaa kaddule maaɗa mbulluɗaa yeeso am, nde mbi'unoomi mi waɗan nokkuure ndeen laatoo winnde huɗaande, kayre e jooɗiiɓe e mayre fuu. Nii Joomiraaɗo wi'i.

Ayuuba 36:22

Paamaa, Laamɗo wo jom manngu golliroowo baawɗe. Moy woni ekintinoowo hono muuɗum?

Wurtagol 10:3

Muusaa e Haaruuna njehi to Fira'awna, mbi'i ɗum: — Inan ko Joomiraaɗo, Laamɗo Ibraninkooɓe ƴami: «Ko saabii aɗa heddii e salaade leeƴinde hoore maa yeeso am? Accu yimɓe am ndilla faa ɗowtanoo kam.

Wurtagol 3:19

Ammaa miɗo anndi kaananke Misira jaɓataa njahon sanaa wo doolɗa.

Wurtagol 32:11

Muusaa ŋaarii Joomiraaɗo, Laamɗo muuɗum, wi'i: — Yaa Joomiraaɗo, saabe ɗume tikkere maaɗa ummanii yimɓe maaɗa de wo aan wurtiniri ɗum'en leydi Misira e semmbe maaɗa e manngu maaɗa?

Banndi 29:23

Mawnitaare neɗɗo famɗinan ɗum, leeƴinɗo hoorem kaa, heɓan teddeengal.

Lewinkooɓe 26:41

Miin du, mi hollan ɓe nganyaandi am, mi yaaran ɓe leydi wayɓe maɓɓe. Nde ɓerɗe maɓɓe mawninkininooɗe ɗeen ngarowi kecciɗi de ɓe njoɓi hakkeeji maɓɓe ɗiin fu,

Matta 23:12

Toownuɗo hoore muuɗum fuu, leeƴinte. Leeƴinɗo hoore muuɗum fuu, toownete.

Luuka 1:52

O saamdinii kaanankooɓe e laamuuji muɓɓen, o toownii leeƴuɓe.

Luuka 14:11

Sabo mawninkiniiɗo fuu, leeƴinte, leeƴinkiniiɗo du teddinte.

Luuka 18:14

Miɗo wi'a on: kanko hooti wo o jaafaaɗo, wanaa ooto. Sabo mawninkiniiɗo fuu leeƴinte, leeƴinkiniiɗo du toownete.

Romankooɓe 5:6

Sabo ley wakkati mo Laamɗo suɓii oon, nde tawanoo en ngalaano semmbe ndeen, Almasiihu maayani en, enen luttuɓe Laamɗo.

1 Korintunkooɓe 10:22

Naa umminde tikkere Joomiraaɗo kiroowo oon njiɗuɗen naa? Yalla en miilii eɗen ɓuri mo semmbe naa?

Fillitagol 32:35

Miin woni joɓtotooɗo, miin woni kiitotooɗo, nyannde ɓe tuytuytata dow laabi maɓɓe. Nyalaande halkere maɓɓe ndeen ɓadake hewtaade ɓe, kiite maɓɓe na doggana ɓe.

1 Timote 2:6

Kam hokkiti hoore muuɗum faa rimɗina yimɓe fuu. Ley wakkati mo Laamɗo darnunoo, ɗum laatake seedaaku kolloowu Laamɗo na yiɗi yimɓe fuu kisa.

Titus 1:3

Nde sarɗi makko oon yottinoo ndeen, kanko Laamɗo kisinoowo en oon, o ɓangini konngol makko, katin du o yamirii mi halfinee waajaade ngol.

Yaakuuba 4:10

Leeƴinkinee yeeso Joomiraaɗo, ndeen toownan on.

Yaakuuba 4:7

Ndelle, njaɓanee Laamɗo. Calanoɗon Ibiliisa, ndeen dillan to mooɗon law.

Yaakuuba 5:10

Sakiraaɓe, miccitee annabaaɓe haaldunooɓe e innde Joomiraaɗo ɓeen. Munyal maɓɓe ley torra ina laatanii on alhaali, faa onon du munyiron noon.