1 Piyeer 4:7 - Dewtere Laamɗo Fulfulde Burkina Faso

⁷ Timmoode huunde fuu ɓadake. Ndelle, kakkilon, nanngitoɗon, faa keddoɗon e du'aare.

1 Piyeer 4:7 ပူးပေါင်းရင်းမြစ်များ

Fuɗɗoode 19:35

Jemma oon du, ɓe njarni baabiiɓe. Minyiiwo oon fukkodowii e makko. O maataay nde oon fukkii e nde ummii fu.

Fuɗɗoode 6:13

Laamɗo wi'i Nuuhu: — Timmoode ko tagunoomi ɗuum fuu yottake, sabo yimɓe kebbinirii adunaaru e bonde muɓɓen. Si goonga, mi fiɗɗan ɓe ley adunaaru ndu.

Tindinoowo 7:2

Yaade galle maayraaɗo ina ɓuri yaade galle jom fijo, sabo maayde wo cakitte neɗɗo fuu, sey buurɗo fuu miiloo ɗum e ley ɓernde mum.

Matta 24:42

Ndelle, kakkilon, sabo on anndaa wakkati mo Joomiraaɗo mon warata.

Matta 25:13

Iisaa sakitii wi'i: — Kakkilon ndelle, sabo on anndaa nyalaande naa wakkati mo Ɓii Neɗɗo wartata oon.

Luuka 21:34

— Ndeenee ko'e mon taa yidde fijo suloowo e sulargol doro e kaɓɓu-ko'u adunaaru njowoo dow ɓerɗe mon de nyannde ndeen juha on

Luuka 21:36

Ndelle, kakkilon wakkati fuu, ngaɗon du'aare, faa keɓon daɗude e kulle gaɗooje ɗeen fuu, mbaawon daraade yeeso Ɓii Neɗɗo.

Luuka 22:46

O wi'i ɓe: — Ko waɗi de oɗon ɗaanii? Ummee ndu'ee, faa taa naaton ley jarribe!

Romankooɓe 12:12

Mbeltee e ley jikke mooɗon, munyee torra, tinnee keddodoɗon e du'aare.

1 Korintunkooɓe 15:24

Ndeen timmoode waran. Almasiihu halkan kaanankaaku e baawɗe e semmbe fuu, de hokkita Laamɗo Baabiiwo laamu.

1 Korintunkooɓe 7:29

Sakiraaɓe, inan ko njiɗumi wi'ude: wakkati o na raɓɓiɗi. Joonin, ɓaŋuɓe ɓeen ngaɗa hono ɓaŋaay ni,

Efeesunkooɓe 6:18

Wakkati fuu ngaɗon du'aawuuji e nyaagundeeji e ballal Ruuhu Ceniiɗo. Kakkilee taa on celu waɗande seniiɓe ɓeen fuu du'aare.

Filipiyankooɓe 4:5

Yimɓe fuu nji'a heesindaare mooɗon. Joomiraaɗo ina ɓadii.

Koloosiyankooɓe 4:2

Ciinee e du'aare, tawee oɗon kakkilana ɗum, oɗon njetta Laamɗo.

2 Timote 4:5

Aan kaa, nanngitoɗaa e huunde fuu, munyaa torra, mbaajoɗaa Kabaaru Lobbo, njottinaa golle maa fuu faa laaɓa.

Titus 2:12

Inde ekintina en no celirten huunde fuu ko Laamɗo wanyi, kam e muuyɗe adunaaru ndu. Inde ekintina en katin no laatortoɗen nanngitiiɓe, fonnditiiɓe, hulɓe Laamɗo ley adunaaru ndu,

Ibraninkooɓe 10:25

Taa celen hawritinde no woɓɓe ngaɗata ni. Ammaa sanaa cemmbunduren ɓerɗe, sakko ko nji'oton nyalaande Joomiraaɗo ndeen ina ɓadoo warude.

Ibraninkooɓe 9:26

Si tawiino noon fu, Almasiihu torreteno kile keewɗe gilla e fuɗɗoode adunaaru faa joonin, ammaa ɗum laatoraaki noon. O ɓangii nde wootere tan faa abada faro timmoode wakkatiiji, faa o itta hakkeeji yimɓe saabe ko o hokkitiri hoore makko hono no kirsamaari ni.

1 Piyeer 1:13

Saabe majjum, pindinon hakkillooji mon faa cegilanoɗon golle, nanngitoɗon! Njowon jikke mooɗon fuu dow moƴƴere nde Laamɗo hokkoyta on nyannde Iisaa Almasiihu ɓangowi ndeen.

1 Piyeer 3:7

Onon worɓe du, ko ngondoton e deekiraaɓe mon fu, paamon debbo fotaa e gorko semmbe. Teddinee ɓe sabo onon e maɓɓe fuu on kawtu moƴƴere, ɗum woni nguurndam ngoongalajam. Ngaɗiron noon, taa fay huunde haɗa du'aawuuji mon njaabeede.

1 Piyeer 5:8

Ndeentee, kakkilon! Sabo ganyo mooɗon Ibiliisa ina waɗa yaha-warta hono no laddeeru yolbundu ni, ina filoo mo nyaama.

Holleede 16:15

Joomiraaɗo wi'i: — Kakkilee! Inani miɗo warda hono no gujjo ni. Barke woodanii doomuɗo kakkilɗo, ina tiigii kaddule muuɗum faa taa yaha ɓanndu ɓoldu de semta yeeso yimɓe.