1 Piyeer 4:14 - Dewtere Laamɗo Fulfulde Burkina Faso

¹⁴ Si on kuyfinaama saabe innde Almasiihu, barke na woodani on. Sabo Ruuhu tedduɗo, ɗum woni Ruuhu Laamɗo, ina woni dow mooɗon.

1 Piyeer 4:14 ပူးပေါင်းရင်းမြစ်များ

1 Kaanankooɓe 10:8

Gollooɓe maaɗa e heɓooɓe ndaroo ɗakkol maaɗa kettindoo hakkilantaaku ma wakkati fuu ɓeen, wo welɓe ko'e.

2 Kaanankooɓe 2:15

Taalibaaɓe annabaaɓe wonnooɓe Yeriko ɓeen kaccii mo yeeso muɓɓen imo wara de mbi'i: — Ruuhu Iliyaasa oon wartii e Elisey! Ɓe kawri e makko ɓe kippii e leydi yeeso makko ɓe njowti mo.

Matta 5:11

Barke woodanii on si yimɓe mbonkake on, torrii on, njowii on sii bonanda fuu saabe am.

Matta 5:16

Hono noon annoora mooɗon haani yaynirde yeeso yimɓe, faa nji'a golleeji lobbi ɗi ngaɗoton, de njetta Baaba mooɗon gonɗo dow kammuuli oon.

Luuka 6:22

Barke woodanii on si yimɓe mbanyii on, ndiiwii on, njennii on, mbonnii inɗe mon saabe Ɓii Neɗɗo.

Yuhanna 15:21

Ɓe ngaɗiranan on ɗum fuu saabe am, sabo ɓe anndaa Nulɗo kam oon.

Yuhanna 8:48

Alhuudiyankooɓe mbi'i mo: — Wanaa min kaalii goonga ko min mbi'i a Samariyanke, a gonduɗo e ginnaaru naa?

Yuhanna 9:28

Ɓe njenni mo, de ɓe mbi'i mo: — Aan woni taalibaajo makko! Minen kaa, min taalibaaɓe Muusaa.

Yuhanna 9:34

Ɓe mbi'i mo: — Aan le, a fuu ley hakkeeji ndimeɗaa! De aɗa waajoo min naa? Ɓe mburtini mo yaasin.

Golle Nelaaɓe 13:45

Ammaa nde Alhuudiyankooɓe ɓeen njiinoo jamaa oon ndeen, kiram naati ɓe. Iɓe njedda ko Pool waajotoo ɗuum, iɓe njenna ɗum.

Golle Nelaaɓe 18:6

Ammaa saabe ko ɓe calanii mo, iɓe njenna mo, o fiɗɗi kaddule makko, o wi'i ɓe: — Si Laamɗo jukkake on fu, wo feloore mooɗon! Miin kaa, mi walaa feloore. Gilla joonin mi yahan to ɓe nganaa Alhuudiyankooɓe.

Golle Nelaaɓe 28:22

Ammaa miɗen njiɗi kaalanaa min ko njiiɗaa e hakkillo maa, sabo miɗen anndi yimɓe nokkuuje fuu na njedda laawol ngol njokkuɗaa ngool.

Golle Nelaaɓe 5:41

Nulaaɓe ɓeen ndilli yeeso waalde Saahiiɓe ndeen. Ɓe ceyii sabo Laamɗo ndaardii ɓe iɓe poti huyfineede saabe innde Iisaa.

2 Korintunkooɓe 12:10

Ɗum waɗi de miɗo seyoroo lokkaaku e jennooje e saƴƴaaji e torraaji e ɓillaare fuu saabe Almasiihu. Sabo nde lokkiɗimmi fuu, wo ndeen ngoodumi semmbe.

2 Korintunkooɓe 4:10

Wakkati fuu, maayde Iisaa ina woni e ɓalli amin, faa nguurndam Iisaa du yi'ee e ley majji.

2 Korintunkooɓe 4:16

Ɗum waɗi de min tampataa. Fay si terɗe amin ɗeen na kalka, yonkiiji amin ɗiin ina keyɗintinee nyannde fuu.

Galaatiyankooɓe 1:24

Ndeen ɓe teddini Laamɗo saabe am.

Ibraninkooɓe 11:26

Imo hiisorii huyfineede saabe Almasiihu ɓuri woodde diina jawdi Misira ndiin, sabo hakkillo makko na woni dow mbarjaari ngaroori ndiin.

Yaakuuba 1:12

Barke woodanii neɗɗo fuu munyuɗo ley tiiɗallaaji ndaartindotooɗi ɗum. Sabo nde o ndaardaa o jarraaɗo ndeen, o teddinirte kufune mo Laamɗo aadii hokkude yiɗuɓe ɗum, ɗum woni nguurndam nduumiiɗam.

Yaakuuba 5:11

Eɗen mbi'a barke woodanii tinniiɓe ɓeen. On nanii haala tinnaare Ayuuba, wooɗi du on nji'ii e ley ɗum fuu no Joomiraaɗo fodoranii mo cakitte lobbe, sabo Joomiraaɗo wo keewɗo yurmeende, jom hinney.

1 Piyeer 2:12

Ngaɗee needi hakkunde yimɓe ɓe ngoonɗinaay ɓeen. Si on ngaɗii noon fu, fay si ɓe peldi on ko boni, ɓe nji'an golleeji mooɗon lobbi, de ɓe teddina Laamɗo nyannde ɓangani ɓe.

1 Piyeer 3:14

Ammaa si tawii on torraama saabe fonnditaare fu, barke na woodani on. Taa kulee yimɓe ɓeen, taa hakkillooji mooɗon mbemmboo.

1 Piyeer 3:16

Njaaboroɗon ɓe heese e yaage, tawee walaa fuu ko ɓerɗe mooɗon peldata on. Ndeen yimɓe buykooɓe golleeji mooɗon lobbi saabe Almasiihu ɓeen cemtan dow majjum.

1 Piyeer 4:16

Ammaa si gooto mooɗon torraama saabe wo Almasiyankeejo fu, taa semtira ɗum, njettee Laamɗo saabe innde ndeen.

2 Piyeer 2:2

Heewɓe njokkan e rafi semto maɓɓe ngoon. Saabe maɓɓe laawol goonga ngool mbonkete.