1 Piyeer 3:7 - Dewtere Laamɗo Fulfulde Burkina Faso

⁷ Onon worɓe du, ko ngondoton e deekiraaɓe mon fu, paamon debbo fotaa e gorko semmbe. Teddinee ɓe sabo onon e maɓɓe fuu on kawtu moƴƴere, ɗum woni nguurndam ngoongalajam. Ngaɗiron noon, taa fay huunde haɗa du'aawuuji mon njaabeede.

1 Piyeer 3:7 ပူးပေါင်းရင်းမြစ်များ

Ayuuba 42:8

Joonin, sanaa kooƴon ga'i jeɗɗi e jawɗi jeɗɗi, de njahon to maccuɗo am Ayuuba, cakkon ɗi, ɗi laatanoo on sadaka buleteeɗo. Ayuuba maccuɗo am waɗana on du'aare, miin du mi jaabanto mo du'aare makko taa mi jukkoroo on fodde puuyndam mon, sabo on kaalaay goonga dow am, hono no maccuɗo am Ayuuba noon.

Matta 18:19

Miɗo haalana on katin: si ɗiɗo mooɗon ndewrii ley adunaaru ga dow ko ŋaarotoo Laamɗo fuu, Baaba am gonɗo dow kammuuli waɗanan on ko ŋaariɗon ɗuum.

1 Korintunkooɓe 7:3

Gorko fuu wondira e deekum no haaniri, debbo du humtana gorum haaju muuɗum.

Efeesunkooɓe 3:6

Inan no sirri oon worri: saabe Kabaaru Lobbo oon, yimɓe ɓe nganaa Alhuudiyankooɓe ɓeen keɓii ngeɗu e moƴƴereeji desaaɗi ɗiin no Alhuudiyankooɓe ɓeen keɓiri ni. Katin du ɓe kawtii e muɓɓen ɓanndu wooturu, ɓe kawtii e muɓɓen amaana mo Laamɗo waɗi saabe kawtal maɓɓe e Iisaa Almasiihu.

Efeesunkooɓe 4:30

Taa mettinanee Ruuhu Laamɗo Ceniiɗo, sabo Laamɗo waɗi maande Ruuhu oon e mooɗon saabe nyalaande nde Laamɗo rimɗinta on ndeen.

Efeesunkooɓe 5:33

No waawi laatoraade fuu, gorko fuu yiɗira deekum no yiɗiri hoore muuɗum ni. Debbo du teddina gorum.

Efeesunkooɓe 6:18

Wakkati fuu ngaɗon du'aawuuji e nyaagundeeji e ballal Ruuhu Ceniiɗo. Kakkilee taa on celu waɗande seniiɓe ɓeen fuu du'aare.

Koloosiyankooɓe 3:19

Onon worɓe, njiɗee deekiraaɓe mooɗon, taa tinnanon ɓe.

1 Tesaloniyankooɓe 4:4

Imo muuyi mono e mooɗon fuu reena ɓanndu muuɗum, ekitoo reenirde ndu laaɓal e teddeengal,

Titus 3:7

O waɗirii ɗum faa o ndaarda en fonnditiiɓe saabe hinney makko, ndonen nguurndam nduumiiɗam ɗam keɗiɗen ɗaam.

Ibraninkooɓe 1:14

Ɗume woni maleyka'en? Ɓe fuu wo ɓe ruuhuuji gollanooji Laamɗo ɗi o nulata faa ngollana heɓooɓe kisindam ɓeen.

1 Piyeer 3:1

Hono noon onon rewɓe du, ɗowtanee goriraaɓe mooɗon. Ndeen si woɓɓe maɓɓe nganaa jokkuɓe konngol Laamɗo fu, golle mon ina waawi waylitinde ɓe, tawee fay haala waɗaay.