1 Piyeer 2:9 - Dewtere Laamɗo Fulfulde Burkina Faso

⁹ De onon kaa, wo on lenyol cuɓaangol, wo on almaami'en gollanooɓe Kaananke oon, wo on lenyol ceniingol, wo on yimɓe ɓe Laamɗo suɓanii hoore muuɗum. O suɓake on faa kaalon kabaaru moƴƴuki makko, kanko nodduɗo on ƴuuwde e nimre warude e annoora makko kaayniiɗo oon!

1 Piyeer 2:9 ပူးပေါင်းရင်းမြစ်များ

Matta 4:16

yimɓe wonɓe e nimre nji'ii annoora mawɗo. Wuurɓe e ley leydi niɓɓundi nimre maayde, annoora yaynanii ɗum'en.»

Matta 5:16

Hono noon annoora mooɗon haani yaynirde yeeso yimɓe, faa nji'a golleeji lobbi ɗi ngaɗoton, de njetta Baaba mooɗon gonɗo dow kammuuli oon.

Luuka 1:79

faa yaynana wonɓe ley nimre e kulol maayde, de rewna koyɗe men dow laawol jam.

Yuhanna 17:19

Miɗo senira hoore am saabe maɓɓe, faa kamɓe du ɓe laatoo seniraaɓe goonga.

Golle Nelaaɓe 20:28

Ndeenee ko'e mooɗon, ndeenon coggal ngal Ruuhu Ceniiɗo halfini on faa kaybon ngaal. Laatoɗon durooɓe kawrital goonɗinɓe Laamɗo, ngal soodiri ƴiiƴam ɓiyum.

Golle Nelaaɓe 26:18

Mi nulete faa peertaa gite maɓɓe, ɓe ƴuwa e nimre, ɓe ngarta e annoora, ɓe ƴuwa e baawɗe Seyɗaani, ɓe ngarta e Laamɗo, ɓe keɓa yaafeede hakkeeji maɓɓe, ɓe ndonida e seniiɓe saabe ko ɓe goonɗini kam ɗuum.»

Golle Nelaaɓe 26:28

Agirippa wi'i Pool: — Aɗa miilii waɗude kam Almasiyankeejo law law hono nii naa?

Romankooɓe 9:24

Ɗum woni enen ɓe o noddi ɓeen. De wanaa e ley Alhuudiyankooɓe tan, wo e ley lenyi goɗɗi ɗiin du.

1 Korintunkooɓe 3:17

Ndelle, neɗɗo fuu kalkuɗo suudu Laamɗo nduun, Laamɗo halkan ɗum. Sabo suudu Laamɗo nduun wo seniindu. Wooɗi, onon ngoni suudu nduun.

Efeesunkooɓe 1:14

Ruuhu Ceniiɗo oon wo maande laaɓinanoore en en keɓan moƴƴereeji ɗi ndesanaɗen, faa wakkati mo Laamɗo rimɗinta en, enen jeyaaɓe muuɗum. Jettooje ngoodani Laamɗo saabe teddeengal muuɗum!

Efeesunkooɓe 1:6

faa o yettiree moƴƴere makko mawnde nde walaa kaaddi! O hokkii en moƴƴere ndeen saabe Ɓiyiiko korsuɗo oon.

Efeesunkooɓe 3:21

Wo teddeengal woodan mo ley kawrital goonɗinɓe, e saabe Iisaa Almasiihu ley jamaanuuji ɗiin fuu faa abada abadin! Aamiina.

Fillitagol 10:15

Wo e maamiraaɓe mooɗon tan Joomiraaɗo takkondiri de yiɗi ɗum'en, gaɗa muɓɓen du, wo onon taaniraaɓe muɓɓen ɓeen o suɓii hakkunde lenyi keddiiɗi fuu hono no worri hannden noon.

Fillitagol 14:2

Taa ngaɗon noon sabo wo on lenyol ceniingol yeeso Joomiraaɗo, Laamɗo mooɗon. Wo onon o suɓii hakkunde lenyi adunaaru fuu faa laatoɗon jeyal makko korsungal.

Fillitagol 18:2

Ɓe ngalaa ndongu hakkunde sakiraaɓe maɓɓe Israa'iila'en. Joomiraaɗo kam woni ndongu maɓɓe fodde no fodoranii ɓe noon.

Fillitagol 4:20

Ammaa onon kaa, Joomiraaɗo nanngii on wurtinii leydi Misira, duɗal taayinoowal njamndi ngaal faa laatoɗon ndongu muuɗum, yimɓe muuɗum, hono no laatoriɗon hannden ni.

Fillitagol 7:6

Saabe wo on lenyol ceniingol yeeso Joomiraaɗo, Laamɗo mooɗon, de kam du suɓii on faa laatoɗon jeyal muuɗum korsungal hakkunde lenyi adunaaru fuu.

Filipiyankooɓe 3:14

Miɗo doggira to fonndetee, faa mi heɓa mbarjaari dow kammu ndi Laamɗo noddiri en to muuɗum saabe Iisaa Almasiihu.

Koloosiyankooɓe 1:13

O wurtinii en e baawɗe nimre, de o nanni en e laamu Ɓiyiiko korsuɗo

2 Timote 1:9

Kam hisini en, noddi en faa laatoɗen yimɓe muuɗum seniiɓe. Wanaa saabe golle men o noddiri en, ammaa wo saabe anniya makko e hinney makko. O hokkirii en hinney oon e kawtal Iisaa Almasiihu gilla jamaanuuji puɗɗaay.

Titus 2:14

Kam hokkitiri yonki muuɗum saabe meeɗen, faa rimɗina en e ko boni fuu, laamna en, laatoɗen lenyol muuɗum, tinniingol e gollude golleeji lobbi.

1 Piyeer 1:2

Laamɗo Baaba meeɗen suɓake on, anniyake laatoɗon yimɓe muuɗum toon. Ruuhu muuɗum ina golla e mooɗon faa laatoɗon seniiɓe, faa ɗowtanoɗon Iisaa Almasiihu, laamnireɗon ƴiiƴam muuɗum mbiccaaɗam e mooɗon. Laamɗo ɓeydan on moƴƴere e jam.

1 Piyeer 2:5

Onon du oɗon nga'i hono no kaaƴe buurɗe nyiɓirteeɗe suudu seniindu ni. Wo on almaami'en seniiɓe, waddanooɓe Laamɗo sadakaaji teddinooji ɗum. Laamɗo na jaɓira ɗi saabe Iisaa Almasiihu.

1 Piyeer 4:11

Kaaloowo ley kawrital fuu, ina haani haalude haalaaji Laamɗo. Golloowo fuu, ina haani gollirde semmbe mo Laamɗo hokki ɗum oon. Ɗum fuu wo faa Laamɗo teddinee e ley huunde fuu, teddiniree saabe Iisaa Almasiihu. Wo teddeengal e baawɗe ngoodan Iisaa Almasiihu faa abada abadin! Aamiina.

Holleede 1:6

O hokki en laamu, o waɗi en almaami'en faa ngollanen Laamɗo Baabiiko oon! Teddeengal e baawɗe ngoodan Iisaa faa abada! Aamiina.

Holleede 20:6

Barke e senaare ngoodanii jeyaaɓe e ummital arandeyal ɓeen! Maayde ɗiɗaɓerde ndeen walaa ko waawani ɓe. Ɓe laatanto Laamɗo e Almasiihu almaami'en, ɓe laamodoo e Almasiihu duuɓi ujunere.

Holleede 5:10

A waɗii ɓe jeyaaɓe e laamu e almaami'en gollanooɓe Laamɗo meeɗen. Ɓe laamoto adunaaru.»

1 Samuwiila 12:22

Joomiraaɗo du muuyii waɗude on yimɓe muuɗum. O yeebataako on, saabe manngu innde makko.