1 Piyeer 2:7 - Dewtere Laamɗo Fulfulde Burkina Faso

⁷ Onon goonɗinɓe, hayre ndeen ina horsi e mooɗon. Ammaa ɓe ngoonɗinaay ɓeen, Binndi ɗiin mbi'ii ɓe: «Hayre nde nyiɓooɓe ɓeen calii ndeen, wo kayre laatii hoore nyimngo ngoon.

1 Piyeer 2:7 ပူးပေါင်းရင်းမြစ်များ

Matta 21:42

Caggal ɗuum, Iisaa wi'i ɓe: — Yalla on njanngaay ko winndaa ley Binndi ɗiin ɗuum naa? «Hayre nde nyiɓooɓe ɓeen calii ndeen, wo kayre laatii hoore nyimngo ngoon. Ɗum wo golle Joomiraaɗo, wo ɗum haaynde e jiiɗe meeɗen!»

Luuka 2:32

Ɗam woni annoora jaynanoowo lenyi adunaaru fuu, annoora darjinoowo lenyol maa Israa'iila du.

Luuka 2:34

Simeyon barkini ɓe, wi'i Mariyama, inniiko: — Suka o warii faa laatoo sabaabu saamugol woɓɓe e ummagol woɓɓe ley Israa'iila. O laatoto maande nde yimɓe calotoo.

Luuka 20:17

Iisaa ndaari ɓe, wi'i: — Ndelle, ɗume woni maanaa ko winndaa ɗuum: «Hayre nde nyiɓooɓe ɓeen calii ndeen, wo kayre laatii hoore nyimngo ngoon»?

Yuhanna 4:42

Ɓe mbi'i debbo oon: — Joonin, wanaa saabe haalaaji maa ɗiin tan min ngoonɗiniri. Ko min ngoonɗiniri dey, minen e ko'e amin, min nanii konngol makko, min annditii kanko jaati woni Kisinoowo adunaaru.

Golle Nelaaɓe 26:19

Ndelle saabe majjum, kaananke Agirippa, mi salaaki ɗowtanaade ko nji'umi, ko ƴuurani kam dow kammu ɗuum.

Romankooɓe 10:21

Ammaa to Israa'iila, Laamɗo wi'ii: «Fajiri faa futuro miɗo filoo jaɓɓaade yimɓe saliiɓe, sattuɓe.»

Romankooɓe 15:31

Ŋaaroɗon Laamɗo danna kam e yimɓe ɓe ngoonɗinaay wonɓe Yahuudiya ɓeen, katin du seniiɓe wonɓe Urusaliima ɓeen njaɓɓoo ballal ngal njaaranammi ɗum'en ngaal.

2 Korintunkooɓe 2:16

To halketeeɓe ɓeen, wo min luumngol maayde jaaroowol ɗum'en to maayde, ammaa to hisinteeɓe ɓeen, wo min uurngol nguurndam jaaroowol ɗum'en to nguurndam. Moy foti gollude gollal ngaal?

Koloosiyankooɓe 2:10

Onon du, nguurndam mooɗon fuu hiɓɓii saabe kawtal mooɗon e Almasiihu. Kanko woni hooreejo laamu e baawɗe fuu.

Titus 3:3

Sabo arande enen du en famɗunooɓe hakkillo, salinooɓe, majjunooɓe. En laatakeno maccuɓe muuyɗe yonki keewɗe e ko weli terɗe fuu. Eɗen ngondunoo e nganyaandiiji e haasidaaku, eɗen mbanyanoo, eɗen mbanyundurnoo.

Ibraninkooɓe 11:31

Saabe goonɗinal, Rahabu debbo woykuuru oon daɗiri halkideede e luttuɓe Laamɗo ɓeen, sabo o jaɓɓake Israa'iilankooɓe horooɓe leydi makko ɓeen e dow jam.

Ibraninkooɓe 4:11

Ndelle, tilay tinnitoɗen no mbaawruɗen fuu faa naaten e fowtere Laamɗo ndeen taa fay gooto saamira no salaniiɓe Laamɗo ɓeen caamiri noon.

1 Piyeer 1:8

On nji'aay ɗum de oɗon njiɗi ɗum. On nji'ataa mo joonin, ammaa oɗon ngoonɗini mo. Ɗum hebbini on seyo manngo faltiingo haaleede.

1 Piyeer 2:4

Ngaree to Joomiraaɗo. Kanko woni hayre wuurnde nde yimɓe calii. Ammaa Laamɗo suɓake hayre nde, ina horsini nde.

1 Piyeer 2:8

Hayre ndeen na ferga yimɓe, na saabanoo ɗum'en boɓɓaade.» Iɓe pergoo e mayre sabo ɓe calake rewude konngol ngool. Wo noon ɓe podoranaa.