1 Piyeer 2:6 - Dewtere Laamɗo Fulfulde Burkina Faso

⁶ Sabo Binndi ɗiin mbi'ii: «Mi yowan hayre joƴƴinirde ley Siyona, hayre suɓaande, horsunde. Katin du goonɗinɗo nde fuu semtintaake abada.»

1 Piyeer 2:6 ပူးပေါင်းရင်းမြစ်များ

Fuɗɗoode 49:24

Ammaa imo tiigii ɓaaru makko faa teeŋi, juuɗe makko na celli saabe ballal Laamɗo, junngo Jom Semmbe balloowo Yaakuuba oon, Duroowo laatiiɗo tefaare Israa'iila oon.

Matta 12:18

«Inan golloowo am mo cuɓiimi. Miɗo horsini mo, Imo wela ɓernde am. Mi jippinan Ruuhu am dow makko, o gooynanan lenyi laawol fonnditaare.

Marka 12:10

Yalla on njanngaay ko winndaa ley Binndi ɗiin ɗuum naa? «Hayre nde nyiɓooɓe ɓeen calii ndeen, wo kayre laatii hoore nyimngo ngoon.

Luuka 20:17

Iisaa ndaari ɓe, wi'i: — Ndelle, ɗume woni maanaa ko winndaa ɗuum: «Hayre nde nyiɓooɓe ɓeen calii ndeen, wo kayre laatii hoore nyimngo ngoon»?

Luuka 23:35

Yimɓe ndarii ɗoon ina ndaara. Hooreeɓe ɓeen du ndarii ina njalnoroo mo, ina mbi'a: — O hisinii woɓɓe, o hisina hoore makko si o Almasiihu, Cuɓaaɗo Laamɗo.

Yuhanna 7:38

Neɗɗo fuu goonɗinɗo kam, bubbirɗi ndiyam mbuurnoojam ilan ley ɓernde muuɗum, hono no winndiraa e Binndi ɗi ni.

Golle Nelaaɓe 1:16

— Sakiraaɓe, ina tilsi ko woni e Binndi ɗiin tabita dow Yahuuda, kolluɗo nannguɓe Iisaa laawol oon. Ruuhu Ceniiɗo haalii dow majjum e hunnduko Daawda.

Romankooɓe 10:11

Wo hono Binndi ɗiin mbiiri: «Goonɗinɗo mo fuu semtintaake.»

Efeesunkooɓe 1:4

Sabo fadde adunaaru ndu e joƴƴineede, Laamɗo suɓake en saabe Almasiihu, faa laatoɗen seniiɓe ɓe ngalaa feloore yeeso makko. Saabe njinngu makko

Efeesunkooɓe 2:20

On mahaama e dow ko nulaaɓe e annabaaɓe nyiɓi, Iisaa Almasiihu e hoore muuɗum woni hayre arandeere nyimngo ngoon.

2 Timote 3:16

Binndi ceniiɗi fuu ƴuurii e poofaali Laamɗo. Nafaa majji wo jannginde, e ɓanginde boofi, e dartinde e ekintinde neɗɗo dow laawol fonnditaare

1 Piyeer 2:4

Ngaree to Joomiraaɗo. Kanko woni hayre wuurnde nde yimɓe calii. Ammaa Laamɗo suɓake hayre nde, ina horsini nde.

1 Piyeer 2:8

Hayre ndeen na ferga yimɓe, na saabanoo ɗum'en boɓɓaade.» Iɓe pergoo e mayre sabo ɓe calake rewude konngol ngool. Wo noon ɓe podoranaa.

2 Piyeer 1:20

Aranel fuu, paamon ko winndaa ley dewte annabaaɓe ɗuum fuu ƴuuraay e ko'e muɓɓen.

2 Piyeer 3:16

Ley ɓataakiiji makko ɗiin fuu, imo winndira hono nii dow haala kaan. Ɓataakiiji makko ɗiin ina njogii haalaaji ɗi maanaa muɓɓen tiiɗi faamude, ɗi yimɓe famɗuɓe jannde e ɓe ngalaa semmbe ley goonɗinal mbaylitata maanaa muuɗum. Wo hono noon du ɓe ngaɗirta e nokkuuje goɗɗe ley Binndi ɗiin. Ɓe ngaddanan ko'e maɓɓe halkere.