1 Piyeer 2:23 - Dewtere Laamɗo Fulfulde Burkina Faso

²³ Nde ɓe njennunoo mo ndeen, o yennitaaki ɓe. Nde ɓe torrunoo mo ndeen, o yomnitaaki ɓe e haala. O heɗorake ɓe Laamɗo carortooɗo laaɓal oon.

1 Piyeer 2:23 ပူးပေါင်းရင်းမြစ်များ

Fuɗɗoode 18:25

A'aa! A wanaa ngaɗoowo iri ɗuum! A halkidataa ponnditiiɗo e oonyiiɗo. Abada a fonndataa njoɓdi ponnditiiɗo e ndi bonɗo! Aan carotooɗo adunaaru fuu oon, a sarorto dartaare!

Luuka 23:41

Enen, jukkungo meeɗen wo goonga jaati, sabo ko foti e ko ngolluɗen tan njoɓeteɗen. De kanko kaa, o waɗaay fay huunde ko boni.

Luuka 23:46

Iisaa feekii feekaango manngo, wi'i: — Baaba, mi wattii yonki am ki ley junngo maa. Gaɗa o haalii ɗum, o seedi e yonki.

Luuka 23:9

O ƴami ɗum ƴamɗe keewɗe, de Iisaa jaabaaki fay huunde.

Golle Nelaaɓe 17:31

Sabo o waɗii nyannde nde o sarotoo adunaaru ndu e fonnditaare. O sarortoo ɗum e neɗɗo mo o suɓii oon. O hollii yimɓe fuu ɗum wo goonga nde o ummintinnoo neɗɗo oon e maayde.

Golle Nelaaɓe 4:29

Joonin Joomiraaɗo, ndaar gidi maɓɓe ɗiin. Kokkaa gollooɓe maa waajoraade haala maa e cuusal manngal.

Golle Nelaaɓe 7:59

Wakkati mo ɓe limnata Etiyen kaaƴe oon, du'ii, wi'i: — Iisaa Joomiraaɗo, inan yonki am, jaɓu ki!

Golle Nelaaɓe 9:1

Sool ina heddii na haala haalaaji kulɓiniiɗi dow taalibaaɓe Joomiraaɗo ɓeen, na wi'a o waran ɗum'en. O yehi to Almaami Mawɗo.

Romankooɓe 2:5

Ammaa ko a joorɗo ɓernde, a caliiɗo tuubude ɗuum, aɗa waddana hoore maa tikkere Laamɗo nyannde Laamɗo ɓanginta tikkere muuɗum e sariya mum ponnditiiɗo oon.

Efeesunkooɓe 6:9

Onon joomiraaɓe, ngorree hono noon e maccuɓe mooɗon. Taa kulɓinee ɓe. Anndon Joomii on, onon e maɓɓe fuu, ina woni dow kammu, de kam kaa ɓurdintaa yimɓe.

2 Tesaloniyankooɓe 1:5

Ɗum fuu na holla sariya Laamɗo na fonnditii. Laamɗo na waɗa on faa laatoɗon fotuɓe naatude laamu muuɗum. Wo saabe maggu de oɗon torree.

2 Timote 1:12

Ɗuum waɗi de miɗo torree du. Ammaa mi semtaay, sabo miɗo anndi mo ngoonɗinmi oon. Miɗo tannyori du imo waawi reenude kam, ko kalfinmi mo hoore am ɗuum faa nyannde gartol makko.

2 Timote 4:8

Gilla joonin miɗo resanaa mbarjaari fonnditaare ndi Joomiraaɗo carotooɗo ponnditiiɗo oon hokkata kam nyannde darngal. Wanaa miin tan hokketee, de wo miin e heppuɓe gartol makko ɓeen fuu.

Ibraninkooɓe 12:3

Ɗum le, miiloɗon mo, kanko munyanɗo nganyaandi luttuɓe. Miiloɗon mo faa taa on tampu, taa ɓerɗe mooɗon njoppa hoolaare muɓɓen.

1 Piyeer 3:9

Taa njomnitoɗon ko boni, taa njennitee jennuɗo on. Ammaa mbarkinon joomum, sabo wo ɗuum Laamɗo noddiri on, faa hokka on barke.

1 Piyeer 4:19

Ndelle si wo nii ɗum worri, neɗɗo fuu torraaɗo ley muuyɗe Laamɗo halfina hoorem e Taguɗo koolniiɗo oon, heddoo e waɗude ko wooɗi.

Holleede 19:11

Caggal ɗuum, nji'umi kammu ina omtii, de puccu ndaneewu ɓangi. Baɗɗiiɗo ngu oon ina wi'ee Koolniiɗo, ina wi'ee Goongante. Wo e fonnditaare o sarortoo, e fonnditaare du o honirta.