1 Piyeer 2:2 - Dewtere Laamɗo Fulfulde Burkina Faso

² No cukaloy keccoy muuyirta kosam enɗi inniraaɓe muɓɓen ni, hono noon onon du haani muuyiron konngol Laamɗo laaɓungol ngool, faa mawnon ley kisindam mon saabe maggol.

1 Piyeer 2:2 ပူးပေါင်းရင်းမြစ်များ

2 Samuwiila 23:5

Nii lenyol am du worri e Laamɗo. O waɗanii kam amaana tabitoowo faa abada, ponnditaaɗo, deenaaɗo faa wooɗi. Ndelle imo hisini kam e dow huunde fuu, Anniyaaji am lobbi fuu, imo wuurna ɗi, imo mawnina ɗi.

Ayuuba 17:9

Dartiiɗo selataa laawol muuɗum, laaɓuɗo ɓernde na yaara yeeso e hoolaare.

Banndi 4:18

Ammaa laawol fonnditiiɓe na nanndi e pooyngol, ingol ɓeydoo yaynude faa hakkunde nyalooma.

Matta 18:3

wi'i: — Goonga kaalanammi on: sini on mbaylitaaki faa nanndon e cukaloy, on naatataa ley laamu Laamɗo.

Matta 19:14

Ndeen Iisaa wi'i: — Accee cukaloy koy ngara to am. Taa kaɗee koy, sabo wo nannduɓe e makkoy ɓeen njeyi laamu Laamɗo.

Marka 10:15

Goonga kaalanammi on: mo jaɓiraay laamu Laamɗo hono no cukalel ni fuu, naatataa ɗum.

Luuka 18:17

Goonga kaalanammi on: mo jaɓiraay laamu Laamɗo hono no cukalel ni fuu, naatataa ɗum!

Romankooɓe 6:4

Ndelle, e ley lootagal batisima ngaal en maaydii e makko, en uwidaama e makko. Ndeen du, no Almasiihu iirtorii e hakkunde maayɓe saabe baawɗe Baabiiwo tedduɗe ɗeen, enen du en mbuurda noon nguurndam kesam.

1 Korintunkooɓe 14:20

Sakiraaɓe, taa laatoɗon hono cukaloy e ley hakkillooji mooɗon. Laatoɗon ɓe ngalaa bonanda hono cukaloy, ammaa e ley hakkillooji mon laatoɗon mawɓe.

Efeesunkooɓe 2:21

Saabe muuɗum, nyimngo ngoon fuu nanngunduri, faa ngo toowa ngo laatoo suudu Joomiraaɗo seniindu.

Efeesunkooɓe 4:15

Ko laatotoɗen dey, haalooɓe goonga e ley njinngu. Noon waɗata de mawnen e ley huunde fuu faro Almasiihu, laatiiɗo hooreejo oon.

2 Tesaloniyankooɓe 1:3

Sakiraaɓe, tilay min njetta Laamɗo wakkati fuu saabe mooɗon. Iɗum haani, sabo goonɗinal mooɗon ina ɓeyda yahude yeeso. Katin du njinngu hakkunde mooɗon on fuu na ɓeydoroo yeeso.

1 Piyeer 1:23

Laamɗo waɗi aawdi e mooɗon de ndimtaɗon kesum. Aawdi ndiin wanaa timmoori, ndi timmataa abada. Kayri woni konngol Laamɗo buurngol, duumiingol ngool.

2 Piyeer 3:18

Mawnon e anndude Joomiraaɗo men Iisaa Almasiihu kisinoowo en, mawnon e moƴƴuki muuɗum. Teddeengal woodan mo gilla joonin faa abada! Aamiina.