1 Kaanankooɓe 9:3 - Dewtere Laamɗo Fulfulde Burkina Faso

³ Laamɗo wi'i o: — Mi nanii du'aaw e ŋaarnde nde ngaɗuɗaa yeeso am. Mi senirii suudu ndu nyibuɗa nduun e innde am faa abada. Gite am e ɓernde am fuu ngonnan dow mayru faa abada.

1 Kaanankooɓe 9:3 ပူးပေါင်းရင်းမြစ်များ

1 Kaanankooɓe 8:29

Gite maaɗa tiima suudu ndu jemma e nyalooma, ley nokkuure nde mbiiɗaa: Wo ɗoo tabintinanmi innde am. Kettindoɗaa du'aaw mo miin maccuɗo maaɗa ngaɗammi nde kuccitinmi nokkuure ndee fuu.

2 Kaanankooɓe 20:5

Yecca de mbi'aa Hesekiya ardiiɗo yimɓe am oon: Inan ko Joomiraaɗo, Laamɗo maammaa Daawda wi'i. Mi nani du'aare maaɗa, mi yi'i gonɗi maaɗa du. Ndelle mi dannete. Ley balɗe tati a waawan hewtoyde suudu Joomiraaɗo.

2 Kaanankooɓe 21:7

O waɗi leggal tooru Asera de o darni ngal ley suudu Joomiraaɗo ndu wi'unoo Daawda e ɓiyum Suleymaana: — Ley suudu ndu, nder galluure Urusaliima nde cuɓiimi hakkunde lenyi Israa'iila fuu, wo ɗoon tabintinanmi innde am faa abada.

Isira 6:12

Laamɗo tabintinɗo innde muuɗum ley suudu Dewal Mawndu wonndu Urusaliima oon, sankita laamu leydi maa kaananke fuu jiɗuɗo halkude ndu. Miin Daariyus kaananke, mi waɗii ɗum yamiroore. Na tilsi neɗɗo fuu reena nde faa wooɗa.»

Wurtagol 20:11

Sabo ley balɗe jeegom miin Joomiraaɗo ngaɗumi kammu e leydi e maayo e ko woni ley muɓɓen fuu. Saabe ɗuum mi barkinii nyannde jeɗɗaɓerde, mi seninii nde.

Wurtagol 29:44

Mi seninan hukum am ceniiɗo oon e sakkirde ndeen fuu. Mi seninan Haaruuna e ɓiɓɓe muuɗum faa ɓe ngollana kam gollal almaamaaku.

Matta 6:9

Onon le, inan no ndu'ortoɗon: Baaba amin gonɗo dow kammuuli, innde maa laatoo seniinde.

Yuhanna 11:42

Miin kaa, miɗo anndi nyannde fuu aɗa jaabanoo kam. Ammaa wo saabe yimɓe fiiliiɓe kam ɓeen waɗi de kaaldirmi ni, faa ɓe ngoonɗina aan nuli kam.

Golle Nelaaɓe 10:31

wi'i: «Korneliyus, Laamɗo jaabanake ma du'aawuuji maa e sadakaaji maa.

Fillitagol 11:12

Leydi ndiin wo ndi Joomiraaɗo, Laamɗo mooɗon haybanta, ndi gite muuɗum ndaarata wakkati fuu gilla puɗɗam hitaande faa timmoode muuɗum.

Fillitagol 12:11

wo ley nokkuure nde o suɓoytoo faa o tabintina innde makko ndeen ngaddoton ko njamirmi on ɗuum fuu. Ɗum woni kirsamaaji buleteeɗi e sadakaaji e jakkaaji e dokke ko artii ɓenndude e gese mon e sadakaaji mooɗon cuɓaaɗi saabe aadi fuu.

Fillitagol 12:21

Si nokkuure nde Joomiraaɗo, Laamɗo mooɗon suɓoytoo faa tabintina innde muuɗum ndeen na woɗɗondiri e galluure mooɗon fu, oɗon mbaawi hirsude daabaaji mon mawɗi e pamari ɗi Joomiraaɗo hokki on fuu fodde no njamirmi on noon. Oɗon mbaawi nyaamude ɗum ley galluuje mon no kaajoraɗon fuu.

Fillitagol 12:5

Ammaa wo ley nokkuure nde Joomiraaɗo, Laamɗo mooɗon suɓoytoo hakkunde lenyi mooɗon faa waɗa joonde muuɗum de tabintina innde muuɗum ndeen tan njahoton pilowoɗon ɗum.

Fillitagol 16:11

Ceyoɗon yeeso Joomiraaɗo, Laamɗo mooɗon ley nokkuure nde suɓoytoo faa tabintina innde muuɗum ndeen. Ceyodoɗon e ɓiɓɓe mon worɓe e rewɓe e maccuɓe mon e horɓe mon e Lewinkooɓe jooɗiiɓe ley galluuje mon e jananɓe e atiime'en e rewɓe ɓe goriraaɓe muɓɓen maayi wonɓe hakkunde mooɗon.

1 Yuhanna 5:14

Eɗen njogii hoolaare to makko: si en ndu'orake huunde haddi muuyɗe makko, o jaabanto en.