1 Kaanankooɓe 8:9 - Dewtere Laamɗo Fulfulde Burkina Faso

⁹ Faa'e walaano ley keesuwal ngaal si wanaa alluuje kaaƴe ɗiɗi ɗe Muusaa njippodinoo waamnde Sinayi ɗeen. Muusaa wattiino ɗe ley maggal wakkati Joomiraaɗo haɓɓidinnoo e Israa'iila'en amaana nde ɓe mburtinoo leydi Misira ndeen.

1 Kaanankooɓe 8:9 ပူးပေါင်းရင်းမြစ်များ

1 Kaanankooɓe 8:21

Mi moƴƴinanii keesuwal gondungal Amaana mo Joomiraaɗo waddi e maamiraaɓe meeɗe nde wurtinnoo ɗum'en leydi Misira ndeen.

Wurtagol 13:21

Nyalooma fuu Joomiraaɗo ina ardorii ɓe ruulde nanndunde e bimmbeere faa holla ɓe laawol. Jemma du imo ardoroo ɓe iilde yiite nanndunde e bimmbeere faa yaynana ɓe. Ɗum waɗi de iɓe mbaawi yaade jemma e nyalooma fuu.

Wurtagol 14:24

Nde ɓadinoo weetude fu, Joomiraaɗo heddii faa dow iilde yiite e ruulde nannduɗe e bimmbeeje toon. O ndaari konunkooɓe Misira, o jiiɓi ɗum'en.

Wurtagol 16:10

Wakkati Haaruuna haaldannoo e jamaare Israa'iila fuu ndeen, ɓe njeeƴorii faro ladde yoornde de teddeengal Joomiraaɗo ɓangi nder ruulde.

Wurtagol 16:33

Ndeen Muusaa wi'i Haaruuna: — Hooƴu fayennde, ngattaa manna, de ndesaa ɗum yeeso Joomiraaɗo faa ɗum heddoo saabe ƴuwdi mooɗon ley jamaanuuji garooji.

Wurtagol 25:16

Ndesaa ley keesuwal ngaal alluuje amaana ɗe kokkammaami ɗeen.

Wurtagol 25:21

Omtaa ommboode ndeen de ngattaa alluuje amaana ɗe kokkammi ma ɗeen ley keesuwal ngaal.

Wurtagol 40:20

Ndeen o hooƴi alluuje amaana ɗeen, o watti ley keesuwal Amaana ngaal. O soorni cabbi ɓantirɗi ɗiin e jawe maggal de o ommbiri ngal ommboode.

Lewinkooɓe 16:2

Joomiraaɗo wi'i Muusaa: — Kaaldaa e sakiike maaɗa Haaruuna mbi'a ɗum taa naata wakkati fuu faa ley Nokkuure Ɓurnde fuu Senaade gaɗa ridoo yeeso keruba'en huuruɓe keesuwal Amaana ngaal. Noon waɗta taa o maaya sabo miɗo ɓanga nder ruulde dow ommboode ndeen.

Limle 17:10

Mboɗɗee ɓe sabo mi halkan ɓe fuu ley maƴƴaango yitere. Muusaa e Haaruuna kippii e leydi.

Limle 9:15

Nyannde hukum keesuwal Amaana oon darnanoo ruulde suddi ɗum. Noon ruulde ndeen heddorii dow hukum oon na yayna hono yiite faa weeti.

Fillitagol 31:26

Njaɓee dewtere jamirooje ndee, ngatton ɗakkol keesuwal Amaana Joomiraaɗo, Laamɗo mooɗon. Nde heddoo ɗoon, nde laatoo seedee golleeji mon bonɗi,

Fillitagol 4:13

O holli on amaana mo o waddata e mooɗon, mo o yamiri kaybanon, ɗum woni jamirooje sappo ɗe o winndi dow alluuje kaaƴe ɗiɗi ɗeen.

Ibraninkooɓe 9:4

Ley mayru urirde waɗiraande kaŋŋe e keesuwal Amaana mooytiraangal kaŋŋe ngonnoo. Ley keesuwal ngaal ina woodi loongel kaŋŋe goodungel nyaamdu wi'eteendu «manna», kam e sawru Haaruuna wilitinnoondu nduun e alluuje ɗe amaana oon winndaa e muɓɓen ɗeen.

Holleede 15:8

Suudu nduun heewi cuurki saabe annoora Laamɗo e baawɗe muuɗum. Fay gooto waawaa naatude ley mayru, si wanaa nde masiibaaji jeɗɗi ɗi maleyka'en njeɗɗo ngaddi ɗiin timmi.