1 Kaanankooɓe 8:53 - Dewtere Laamɗo Fulfulde Burkina Faso

⁵³ Sabo aan Laamɗo Joomiraaɗo, a ittii ɓe hakkunde lenyi adunaaru fuu faa ɓe laatoo ndongu maaɗa, hono no mbiiruɗaa e hunnduko maccuɗo maaɗa Muusaa wakkati mburtinnoɗaa maamiraaɓe amin leydi Misira noon.

1 Kaanankooɓe 8:53 ပူးပေါင်းရင်းမြစ်များ

2 Samuwiila 20:19

Ngalluure amin nde laatake jam e hoolnaare. Aan kaa, aɗa yiɗi halkude ngalluure laatiinde inna ley Israa'iila. Ko waɗi aɗa yiɗi moɗude ndongu Joomiraaɗo?

Wurtagol 33:16

Si a yaadaay e amin noy faamirtee ko a ndaardii min hinney miin e yimɓe maaɗa. Ndelle sanaa njaadaa e amin sabo wo ɗuum hollata miin e yimɓe ma ɓeen miɗen ceedi e lenyi adunaaru keddiiɗi fuu.

Limle 23:9

Miɗo yi'a dow tefaaje, Miɗo haccoo dow baamle, yimɓe wuuruɓe feere muɓɓen, yimɓe ɓe kawritataa e lenyi goɗɗi.

Efeesunkooɓe 1:18

Miɗo ŋaaroo Laamɗo uddita ɓerɗe mooɗon faa tannyoron cakitte mooɗon ɗe o noddiri on ɗeen, paamon no moƴƴereeji desanaaɗi seniiɓe ɗiin keewiri e no teddiri,

Fillitagol 14:2

Taa ngaɗon noon sabo wo on lenyol ceniingol yeeso Joomiraaɗo, Laamɗo mooɗon. Wo onon o suɓii hakkunde lenyi adunaaru fuu faa laatoɗon jeyal makko korsungal.

Fillitagol 32:9

Sabo ngeɗu Joomiraaɗo wo yimɓe muuɗum, Yaakuuba woni ndongu muuɗum.

Fillitagol 4:34

Yalla woodii alla ennduɗo warude hooƴira lenyol hakkunde lenyol gonungol ley torraaji e maandeeji e kaayeefiiji e konu e semmbe mawɗo e kujje mawɗe kulɓiniiɗe, hono no Joomiraaɗo, Laamɗo mooɗon waɗiri ley leydi Misira e gite mooɗon noon naa?

Titus 2:14

Kam hokkitiri yonki muuɗum saabe meeɗen, faa rimɗina en e ko boni fuu, laamna en, laatoɗen lenyol muuɗum, tinniingol e gollude golleeji lobbi.

1 Piyeer 2:9

De onon kaa, wo on lenyol cuɓaangol, wo on almaami'en gollanooɓe Kaananke oon, wo on lenyol ceniingol, wo on yimɓe ɓe Laamɗo suɓanii hoore muuɗum. O suɓake on faa kaalon kabaaru moƴƴuki makko, kanko nodduɗo on ƴuuwde e nimre warude e annoora makko kaayniiɗo oon!