1 Kaanankooɓe 8:16 - Dewtere Laamɗo Fulfulde Burkina Faso

¹⁶ «Gilla nyannde mburtinnoomi yimɓe am leydi Misira ndeen, mi suɓaaki galluure hakkunde lenyi Israa'iila to innde am nyiɓantee suudu. Wooɗi du, mi suɓaaki gorko faa laatoo kaananke yimɓe am Israa'iila'en ɓeen. Ammaa mi suɓake Daawda faa laatoo hooreejo yimɓe am Israa'iila'en.»

1 Kaanankooɓe 8:16 ပူးပေါင်းရင်းမြစ်များ

1 Kaanankooɓe 11:36

Mi hokkan ɓii Suleymaana lenyol gootol faa jayngol maccuɗo am Daawda heddoo yeeso am faa abada ley Urusaliima galluure nde cuɓiimi faa mi tabintina innde am.

1 Kaanankooɓe 8:29

Gite maaɗa tiima suudu ndu jemma e nyalooma, ley nokkuure nde mbiiɗaa: Wo ɗoo tabintinanmi innde am. Kettindoɗaa du'aaw mo miin maccuɗo maaɗa ngaɗammi nde kuccitinmi nokkuure ndee fuu.

2 Kaanankooɓe 23:27

Joomiraaɗo wi'i mi riiwan Yahuuda yeeso am, hono no ndiiwirmi Israa'iila noon. Mi yoppan galluure Urusaliima nde cuɓiimi, kam e suudu ndu mbi'unoomi, innde am tabitan e muuɗum nduun.

1 Kabaaruuji Laamiiɓe 17:3

Ley jemma oon konngol Laamɗo wari e Natan de wi'i ɗum: —

1 Kabaaruuji Laamiiɓe 28:4

De e noon fuu, Joomiraaɗo, Laamɗo Israa'iila oon suɓake kam hakkunde suudu baaba am faa waɗa kam kaananke Israa'iila de ƴuwdi am laamoo faa abada. O suɓake Yahuuda laatoo ardiiɗo. O suɓake suudu baaba am hakkunde cuuɗi Yahuuda fuu. Hakkunde ɓiɓɓe baaba am du, wo miin o suɓii faa o waɗa kam laamiiɗo dow Israa'iila fuu.

Nehemiya 1:9

Ammaa si on njeccake ɗo am, on njogake jamirooje am, on njaɓi wadde ko mbiimi on ngaɗon ɗum fu, mi hawrondinan on. Fay si tawi on cankitaama njaaraɗon faa keerol duuniyaaru, mi hawrondinan on to tawaɗon fuu, de mi wadda on nokkuure nde cuɓiimi faa innde am teddinee.»

Fillitagol 12:11

wo ley nokkuure nde o suɓoytoo faa o tabintina innde makko ndeen ngaddoton ko njamirmi on ɗuum fuu. Ɗum woni kirsamaaji buleteeɗi e sadakaaji e jakkaaji e dokke ko artii ɓenndude e gese mon e sadakaaji mooɗon cuɓaaɗi saabe aadi fuu.

Fillitagol 12:5

Ammaa wo ley nokkuure nde Joomiraaɗo, Laamɗo mooɗon suɓoytoo hakkunde lenyi mooɗon faa waɗa joonde muuɗum de tabintina innde muuɗum ndeen tan njahoton pilowoɗon ɗum.

1 Samuwiila 16:1

Joomiraaɗo wi'i Samuwiila: — Faa ndey ɓernde maa selata sunanaade Sawulu? Sabo miin, mi salake laamu makko dow Israa'iila. Hebbin luwal maaɗa nebbam de njahaa. Miɗo nele to gorko bi'eteeɗo Yesa jeyaaɗo wuro Baytilaama, sabo mi suɓanake hoore am kaananke e hakkunde ɓiɓɓe makko.