1 Kaanankooɓe 8:12 - Dewtere Laamɗo Fulfulde Burkina Faso

¹² Ndeen Suleymaana wi'i: — Yaa Joomiraaɗo, a wi'ii a jooɗoto ley nimre tekkunde!

1 Kaanankooɓe 8:12 ပူးပေါင်းရင်းမြစ်များ

2 Samuwiila 22:10

O seeki kammu, o jippii, duule ɓaleeje na ngoni ley koyɗe makko.

1 Kaanankooɓe 8:11

Almaami'en mbaawaay daraade ley ruulde ndeen ngolla golleeji muɓɓen sabo teddeengal Joomiraaɗo heewii suudu Joomiraaɗo nduun.

Nehemiya 8:5

O omti dewtere ndeen yeeso yimɓe ɓeen, mono fuu na yi'a ngam imo darii dow to toowi.

Wurtagol 20:21

Yimɓe ɓeen ndarii to woɗɗi ammaa Muusaa ɓattitii ruulde niɓɓunde to Laamɗo woni toon.

Lewinkooɓe 16:2

Joomiraaɗo wi'i Muusaa: — Kaaldaa e sakiike maaɗa Haaruuna mbi'a ɗum taa naata wakkati fuu faa ley Nokkuure Ɓurnde fuu Senaade gaɗa ridoo yeeso keruba'en huuruɓe keesuwal Amaana ngaal. Noon waɗta taa o maaya sabo miɗo ɓanga nder ruulde dow ommboode ndeen.

Fillitagol 4:11

Nyannde majjum, ɓattiɗon ndariɗon tiinde waamnde ndeen. Yiite huuri waamnde ndeen fuu faa tukkowi kammu. Nimre ɓaleere waɗi, tawti ruulde nimre e nimre tekkunde.

Fillitagol 5:22

Wo haalaaji ɗii, Joomiraaɗo hokki jamaare Israa'iila dow waamnde hakkunde yiite e ruulde e nimre tekkunde. O haaliri ɗi e daande toownde, o ɓeydaay faa'e. O winndii ɗi dow alluuje kaaƴe ɗiɗi de o hokki kam.

Ibraninkooɓe 12:18

Onon, on ngaraay to huunde waawnde meemeede hono no yimɓe Israa'iila ngardunoo to waamnde Sinayi. Ɓeen kaa ngarii to yiite nyanngunge e to cuddi tekkundi e nimre e henndu mawndu.