1 Kaanankooɓe 3:9 - Dewtere Laamɗo Fulfulde Burkina Faso

⁹ Ndelle miɗo ŋaare kokkaraa kam, miin maccuɗo maaɗa, ɓernde hakkilnde faa mi laamoroo yimɓe maaɗa, mi waawa senndude ko wooɗi e ko boni. Si wanaa noon, moy waawi laamaade yimɓe maaɗa tedduɓe ɓe?

1 Kaanankooɓe 3:9 ပူးပေါင်းရင်းမြစ်များ

2 Samuwiila 14:17

Ndeen miilumi, «Haala joomam kaananke kaan waaltinan ɓernde am.» Sabo aan joomam kaananke, aɗa nanndi e maleyka Joomiraaɗo cenndoowo hakkunde ko wooɗi e ko boni. Joomiraaɗo, Laamɗo maa wondu e maaɗa.

1 Kaanankooɓe 10:24

Yimɓe na ƴuura tatteeji adunaaru fuu, na piloo yi'ude mo faa kettindoo anndal ngal Laamɗo watti e makko.

1 Kaanankooɓe 3:10

Ko Suleymaana ŋaarii ɗuum weli Joomiraaɗo.

1 Kaanankooɓe 3:28

Israa'iila'en fuu nani kabaaru no Suleymaana taƴiri sariya oon. Ɓe fuu ɓe teddiniri mo kulol, sabo ɓe annditi imo saroroo hakkillo ƴuurungo to Laamɗo.

1 Kabaaruuji Laamiiɓe 22:12

Joomiraaɗo hokke hakkillo e paamal wakkati tabintinowi laamu maaɗa dow Israa'iila faa njogitoɗaa jamirooje muuɗum, kam Laamɗo maaɗa oon.

1 Kabaaruuji Laamiiɓe 29:19

Hokku ɓiyam Suleymaana oon ɓernde dartiinde faa jogitoo jamirooje e sariyaaji e ekintinooje maaɗa. O ɗowtanoo ɗe de o nyiɓa suudu mawndu ndu cegilaniimi nduun.

Banndi 14:8

Hakkillo caruɗo na holla ɗum to jeyi yahude, de puuyndam puuyɗo kaa, majjinan ɗum.

Banndi 16:16

Heɓude hakkillo ina ɓuri heɓude kaŋŋe, suɓaade paamal du ina ɓuri cardi.

Banndi 20:12

Nowru nanooru e gite ji'ooje, ɗum fuu Joomiraaɗo tagi ɗum.

Tindinoowo 7:11

Hakkilantaaku ina wooɗi hono ndongu laaɓungu, ina nafaa warooɓe ley adunaaru sorndu naange ndu.

Tindinoowo 7:19

Hakkilantaaku ina semmbinɗina joomum faa ɓura worɓe sappo ardiiɓe ngalluure.

Matta 3:11

Miin, ndiyam lootirammi on batisima faa hollita on tuubii. Ammaa garoowo caggal am oon, kam ɓuri kam baawɗe. Mi fotaay fay ɓortude ɗum paɗe muuɗum. Oon lootirta on batisima Ruuhu Ceniiɗo e yiite.

Matta 3:14

Ammaa Yaayaa muuyi salaade ɗum, wi'i mo: — Aan haani lootude kam. De noy ngardataa to am, miin, faa mi loote?

Yuhanna 5:30

Miin, walaa fuu ko mbaawumi gollude e hoore am. Ko nanumi ɗuum carotoomi. Sariya am ina dartii, sabo mi filataako muuyɗe am, wo muuyɗe Nulɗo kam oon pilotoomi.

2 Korintunkooɓe 2:16

To halketeeɓe ɓeen, wo min luumngol maayde jaaroowol ɗum'en to maayde, ammaa to hisinteeɓe ɓeen, wo min uurngol nguurndam jaaroowol ɗum'en to nguurndam. Moy foti gollude gollal ngaal?

2 Korintunkooɓe 3:5

Min ngalaa baawɗe faa min ngaɗa fay huunde e semmbe amin. Baawɗe amin wo to Laamɗo ƴuuri.

Efeesunkooɓe 5:17

Saabe ɗuum, taa laatee ɓe ngalaa hakkillo, ammaa piloɗon faamude ko woni muuyɗe Joomiraaɗo.

Filipiyankooɓe 1:10

faa mbaawon suɓaade ko ɓuri fuu moƴƴude. Ndeen on laatoto laaɓuɓe ɓe ngalaa feloore nyannde nde Iisaa Almasiihu wartowi.

Ibraninkooɓe 5:14

Ammaa nyaamdu tekkundu wo mawɓe njeyi. Ɓeen kaa marii hakkillooji muɓɓen, ɓe mboownii ko'e maɓɓe senndude ko wooɗi e ko boni.

Yaakuuba 1:5

Ndelle, si gooto mooɗon hakkillo muuɗum nyakii fu, ŋaaro Laamɗo, heɓan. Sabo Laamɗo wo kokkoowo yimɓe fuu faa wooɗa, tawa feldaay joomum ko ŋaarii ɗuum.

Yaakuuba 3:17

Ammaa hakkillo ƴuurungo to Laamɗo, arande fuu, wo ngo laaɓungo. Wooɗi du, ingo wadda jam. Ingo heewi heese, ingo heewi newaare, ingo heewi yurmeende, ingo rima ko wooɗi. Ngo ɓurdintaa yimɓe. Naafikaaku walaa e maggo.