1 Kaanankooɓe 3:3 - Dewtere Laamɗo Fulfulde Burkina Faso

³ Suleymaana na yiɗi Joomiraaɗo na jokkii jamirooje bammum Daawda, ammaa wo dow nokkuuje cakkirɗe o wulananno Joomiraaɗo kirsamaaji e ure.

1 Kaanankooɓe 3:3 ပူးပေါင်းရင်းမြစ်များ

1 Kaanankooɓe 11:34

Ammaa mi teetataa laamu nguun e nguurndam makko. Mi accidan mo e baawɗe faa timmoode balɗe makko saabe maccuɗo am Daawda mo cuɓiimi, jokkuɗo jamirooje am e sariyaaji am.

1 Kaanankooɓe 11:38

Hettinda huunde fuu ko njamirammaami, njokka laabi am, ngaɗaa ko wooɗi yeeso am, ɗowtanoɗaa sariyaaji am e jamirooje am hono no maccuɗo am Daawda waɗanno noon. Si a waɗii noon, mi wondan e maaɗa, mi tabintinan laamu maaɗa hono no ngaɗirmi e Daawda, mi hokkete Israa'iila.

1 Kaanankooɓe 11:4

Nde kaananke Suleymaana naywunoo fu, rewɓe muuɗum oonyi ɓernde muuɗum faa rewi tooruuji. O yiɗiraay Joomiraaɗo, Laamɗo makko e ɓernde makko fuu hono no baabiiko Daawda noon.

1 Kaanankooɓe 11:6

Suleymaana waɗi ko boni yeeso Joomiraaɗo, o ɗowtanaaki Laamɗo e laaɓal hono no babiiko Daawda wa'arunoo noon.

1 Kaanankooɓe 14:23

Saabe nyiɓande ko'e maɓɓe nokkuuje cakkirɗe e bimmbeeje tooruuji e kujje diina Asera dow baamle toowɗe e ley leɗɗe bilitinɗe fuu.

1 Kaanankooɓe 14:8

Miin Joomiraaɗo teeti laamu Israa'iila e lenyol Daawda de hokki ma. Ammaa aan, a laataaki hono maccuɗo am Daawda ɗowtaniiɗo jamirooje am, jokkirɗo kam e ɓernde wootere, de waɗi ko fonnditii yeeso am oon.

1 Kaanankooɓe 15:11

Asa golli ko fonnditii yeeso Joomiraaɗo hono maamum Daawda.

1 Kaanankooɓe 15:14

Ammaa nokkuuje cakkirɗe kalkaaka. Fay e noon fuu Asa na woodi ɓernde laaɓunde yeeso Joomiraaɗo haddi nguurndam muuɗum fuu.

1 Kaanankooɓe 15:3

O jokkii hakkeeji ɗi baabiiko ngaɗannoo yeeso makko ɗiin. O yiɗiraay Joomiraaɗo, Laamɗo makko e ɓernde makko fuu hono no maamiiko Daawda noon.

1 Kaanankooɓe 15:5

Sabo Daawda waɗii ko wooɗi yeeso Joomiraaɗo, o luttaay jamirooje muuɗum haddi nguurndam makko fuu, si wanaa e kabaaru Uriya Hittiyankeejo oon.

1 Kaanankooɓe 22:43

O rewi laawol baabiiko Asa, o selaay ngol. O waɗi ko fotani Joomiraaɗo.

1 Kaanankooɓe 22:44

Ammaa nokkuuje cakkirɗe pusaakano. Ndelle yimɓe na keddii na mbula ure, na ngaɗa sadakaaji dow majje.

1 Kaanankooɓe 3:14

Si nii a jokkii laabi am, si a ɗowtanake sariyaaji am e jamirooje am, hono no bammaa Daawda waɗirno noon, mi juunnan balɗe maaɗa.

1 Kaanankooɓe 3:6

Suleymaana jaabii wi'i: — A hollii maccuɗo maaɗa baaba am Daawda njinngu koolniingu manngu sabo o ɗowtanake ma e hoolaare e fonnditaare e laaɓal ɓernde. A reenanii mo njinngu koolniingu ko kokkuɗaa mo ɓiɗɗo loomtuɗo mo dow jooɗorgal laamu makko, iɗum laatorii noon hannden.

1 Kaanankooɓe 8:25

Ndelle Joomiraaɗo, Laamɗo Israa'iila, ndeenaa ko aadaninoɗaa maccuɗo ma, baaba am Daawda ley ko mbiiɗaa: «Ƴuwdi maaɗa jooɗoto yeeso am dow jooɗorgal laamu Israa'iila faa abada si kakkilanii laabi muɓɓen de ɗowtanake sariyaaji am hono no aan ndewirɗaa laabi am noon.»

1 Kaanankooɓe 8:61

Ndelle accee ɓerɗe mooɗon ngonda e Joomiraaɗo, Laamɗo meeɗen tawee ɗe peccaaki, faa njokkon sariyaaji muuɗum, tiigoɗon jamirooje muuɗum, hono no worri hannden.

1 Kaanankooɓe 9:4

Aan du, si a tokkii laawol am hono no bammaa Daawda, a waɗirii ko njamirmi ma fuu e hoolaare e ɓernde laaɓunde faa ɗowtanoɗaa jamirooje am e sariyaaji am fuu,

2 Kaanankooɓe 12:3

Yowas waɗi ko darti yeeso Joomiraaɗo sabo imo jokkunoo tindinooje almaami Yehoyada.

2 Kaanankooɓe 12:4

Ammaa nokkuuje cakkirɗe pusaaka. Ndelle yimɓe na keddii na mbula ure, na ngaɗa sadakaaji dow majje.

2 Kaanankooɓe 14:3

O waɗi ko wooɗi yeeso Joomiraaɗo, ammaa o hewtaay maamiiko Daawda. O waɗi huunde fuu hono no baabiiko Yowas waɗirnoo.

2 Kaanankooɓe 14:4

Fay e noon nokkuuje cakkirɗe pusaaka. Ndelle yimɓe na keddii na mbula ure, na ngaɗa sadakaaji dow majje.

2 Kaanankooɓe 15:35

Ammaa fay e noon, nokkuuje cakkirɗe ɗeen pusaaka. Ndelle yimɓe na keddii na mbula ure, na ngaɗa sadakaaji dow majje. Wo kanko tafani dammbugal suudu Joomiraaɗo dowuwal ngaal ommboode.

2 Kaanankooɓe 15:4

Ammaa fay e noon, nokkuuje cakkirɗe pusaaka. Ndelle yimɓe na keddii na mbula ure, na ngaɗa sadakaaji dow majje.

2 Kaanankooɓe 18:22

Si on mbi'ii: «Wo Joomiraaɗo, Laamɗo amin min koolii,» wanaa kam woni mo Hesekiya fusi nokkuuje muuɗum cakkirɗe e kirsirɗe de yamiri yimɓe Yahuuda fuu ngara cujida yeeso sakkirde wonnde Urusaliima ndeen tan naa?

2 Kaanankooɓe 18:4

Wo kanko halki nokkuuje cakkirɗe, o heli bimmbeeje tooruuji, o soppi leggal tooru Asera ngaal. Katin, o sankiti mboddi ndi Muusaa waɗirnoo njamndi mboɗeeri ndiin, sabo wakkati oon tawii Israa'iila'en na mbulananno ndi ure. Innde mayri wo Nehusitan.

Lewinkooɓe 17:5

Ndelle na tilsi Israa'iila'en ngaddana Joomiraaɗo kirsamaaji ɗi cakkata fuu naarude Hukum Ceniiɗo yeeso almaami. Ɓe ngaɗana ɗi Joomiraaɗo sadaka dewral.

Matta 22:37

Iisaa jaabii mo, wi'i: — Yiɗir Laamɗo Joomiraaɗo maa e ɓernde maa fuu e yonki maa fuu e hakkillo maa fuu.

Yuhanna 14:15

— Si oɗon njiɗi kam, on njokkan jamirooje am.

Yuhanna 14:21

Neɗɗo fuu tiigiiɗo jamirooje am de jokki ɗe, kam woni jiɗɗo kam. Jiɗɗo kam, Baaba am yiɗan ɗum. Miin du, mi yiɗan ɗum, mi ɓanginanan ɗum hoore am.

Romankooɓe 8:28

Eɗen anndi Laamɗo ina gollira huunde fuu faa laatanoo yiɗuɓe ɗum ko wooɗi, ɓe o noddi fodde anniya makko.

1 Korintunkooɓe 8:3

Ammaa neɗɗo fuu jiɗɗo Laamɗo, Laamɗo ina anndi ɗum.

Fillitagol 10:12

Joonin le, onon Israa'iila'en, ɗume Joomiraaɗo, Laamɗo mooɗon haajaa to mooɗon? Si wanaa kulon ɗum de ndewon laabi muuɗum, njiɗon ɗum de ɗowtanoɗon ɗum e ɓerɗe mon e yonkiiji mon fuu.

Fillitagol 10:13

Njogitoɗon jamirooje muuɗum e sariyaaji muuɗum fodde no ekintiniranmi on hannden noon faa mbuuron e jam.

Fillitagol 11:13

Si on kakkilanii jamirooje ɗe kokkammi on hannden, on njiɗii Joomiraaɗo, Laamɗo mooɗon, on ɗowtanake mo e ɓerɗe mon e yonkiiji mon fuu,

Fillitagol 30:16

Ko njamirammi on woni njiɗon Joomiraaɗo, Laamɗo mooɗon, ndewon laabi muuɗum, ngaɗon ko jamirooje e sariyaaji e kiite muuɗum mbi'i. Si on ngaɗii noon fu, on mbuuran de ɗuuɗon, wooɗi du, o barkina on ley leydi ndi naatoton faa njeyton ndiin.

Fillitagol 30:20

Njiɗon Joomiraaɗo, Laamɗo mooɗon, kettindoɗon jamirooje muuɗum, kaɓɓondiron e muuɗum sabo wo kanko woni nguurndam e njuundam balɗe mon faa keɓon mbuuron ley leydi ndi o huninoo o hokka maamiraaɓe mooɗon Ibrahiima e Isiyaaka e Yaakuuba ndiin.

Fillitagol 30:6

Joomiraaɗo, Laamɗo mooɗon heyɗintinan ɓerɗe mon, onon e ƴuwdi mooɗon faa njiɗiron ɗum e ɓerɗe mon fuu, e yonkiiji mon fuu, de mbuuron e jam.

Fillitagol 6:5

Njiɗiraa Joomiraaɗo, Laamɗo maaɗa e ɓernde maa fuu e yonki maa fuu e semmbe maa fuu.

Yaakuuba 1:12

Barke woodanii neɗɗo fuu munyuɗo ley tiiɗallaaji ndaartindotooɗi ɗum. Sabo nde o ndaardaa o jarraaɗo ndeen, o teddinirte kufune mo Laamɗo aadii hokkude yiɗuɓe ɗum, ɗum woni nguurndam nduumiiɗam.

Yaakuuba 2:5

Sakiraaɓe am horsuɓe, kettindee! Talkaaɓe adunaaru ndu ɓeen, wanaa Laamɗo suɓake ɓe faa ɓe laatoo danyuɓe goonɗinal, ɓe naata e laamu Laamɗo mo Laamɗo aadii hokkude yiɗuɓe ɗum naa?

1 Samuwiila 9:12

Ɓeen njaabii ɓe, mbi'i: — Imo toon. Inani mo yeeso mooɗon seeɗa. Karee, o warii ngalluure ɗoon joonin sabo yimɓe na njogii kirsamaaji hannden dow nokkuure toownde.