1 Kaanankooɓe 20:1 - Dewtere Laamɗo Fulfulde Burkina Faso

¹ Ben-Hadad kaananke Siiriya hawrondini sordaasiiɓe muuɗum fuu. Kaanankooɓe 32 na ngondi e makko, kam'en e pucci muɓɓen e torkooji muɓɓen, na mballa mo. Ɓe njehi ɓe piilowi Samariya de ɓe kaɓdi e muuɗum.

1 Kaanankooɓe 20:1 ပူးပေါင်းရင်းမြစ်များ

1 Kaanankooɓe 15:18

Ndeen Asa hooƴi jawdi, ɗum woni cardi e kaŋŋe keddiindi ley keesuuje jawdi suudu Joomiraaɗo e ley laamordu muuɗum fuu de hokki ndi gollanooɓe muuɗum faa njaara ndi to Ben-Hadad ɓii Tabarimon, taan Hejoyon, kaananke Siiriya jooɗiiɗo Damas. O neli du oon wi'e:

1 Kaanankooɓe 22:31

Tawi kaananke Siiriya yamiriino hooreeɓe torkooji pucci muuɗum taa piloo sordaasiiɓe famarɓe naa mawɓe, ammaa piloo kaananke Israa'iila tan.

1 Kaanankooɓe 15:20

Ben-Hadad hettindanii kaananke Asa, neli hooreeɓe sordaasiiɓe muuɗum dow galluuje Israa'iila. Ɓe njaalii Iyon e Dan e Abel-Bayti-Ma'aka e Kinaret e leydi Naftali fuu.

Amos 1:4

Mi neldan yiite dow suudu Hajayel, nge nyaama laamordu Ben-Hadad.

Isira 7:12

«Miin Artajerjes kaananke laamiiɓe winndani ma, aan almaami Isira, jom anndal Tawreeta Laamɗo Toowɗo. Jam wonnda e maaɗa.

1 Kaanankooɓe 20:24

Sey ittaa kaanankooɓe jokkuɓe ma ɓeen de loomtinaa ɓe woɓɓe.

1 Kaanankooɓe 20:16

Hakkunde naange ɓe mburtanii wolde ndeen. Tawi wakkati oon Ben-Hadad na heddii na yara faa suloo ley tenddeeje huɗo toon, kam e kaanankooɓe 32 wallooɓe ɗum ɓeen.

1 Kaanankooɓe 16:24

O soodiri waamnde Samariya e junngo Semer, talantiiji cardi ɗiɗi (ɗum na hawra e kilooji 70). O nyiɓii wuro dow waamnde ndeen, o inndiri ngo Samariya, innde Semer jeynooɗo nde oon.

1 Samuwiila 13:5

Filistiya'en cegilake, kawriti faa kaɓa e Israa'iila. Iɓe ngondi e torkooji pucci ujunaaje tati, e waɗɗiiɓe pucci ujunaaje jeegom, e sordaasiiɓe hono njaareendi seeno. Ɓe ngari ɓe ndaaki wuro Mikmas lettugal wuro Bayti-Awen.

Ardiiɓe 4:3

Ina woodi torkooji pucci 900 gaɗiraaɗi njamndi ɓaleeri. O torri Israa'iilankooɓe torra naawɗo sanne faa waɗi duuɓi 20. Saabe majjum, ɓe mbullitii to Joomiraaɗo.

Ardiiɓe 1:7

Ndeen Adoni-Beejek wi'i: — Si goonga, ina woodunoo kaanankooɓe 70 ɓe taƴumi kolli juuɗe muɓɓen gori e kolli koyɗe muɓɓen gori fuu. Sanaa ɓe cuɓanoo ko'e maɓɓe ko ɓe nyaama ley taabawal am to nyaamammi. Laamɗo yomnitake kam ko ngaɗunoomi ɓe ɗuum fuu. Ɓe njaari mo Urusaliima, o maayi toon.

Fillitagol 28:52

Ɓe piiloto galluuje mon fuu faa kokuuji cembiɗinɗi deenirɗi on ɗi kooliɗon ɗiin fuu caama. Ɓe piiloto galluuje gonɗe ley leydi ndi Joomiraaɗo, Laamɗo mooɗon hokki on ndiin fuu.

Fillitagol 20:1

Nde njahoyɗon faa kaɓdon e wayɓe mon de njiiɗon pucci ɗuuɗɗi e torkooji ɗuuɗɗi e ori sordaasiiɓe ɓurɓe on fu, taa kulon sabo Joomiraaɗo, Laamɗo mooɗon burtinɗo on leydi Misira oon na wondi e mooɗon.

Lewinkooɓe 26:25

Mi neldan on kaafaahi njomnitantooki amaana am oon. Nde kawritinɗon ley galluuje mooɗon fuu, mi neldan on nyawu mbonngu ndaaɓoowu, wooɗi du, mi wattan on e juuɗe wayɓe mon.

Wurtagol 14:7

O hooƴi du torkooji pucci 600 ɓurɗi wooɗude ley torkooji pucci Misira fuu e mawɓe konunkooɓe dorbotooɓe ɗi.

1 Kaanankooɓe 20:2

O neli yimɓe njaha ley galluure ndeen, de mbi'a Ahabi kaananke Israa'iila:

2 Kaanankooɓe 6:8

Kaananke Siiriya na haɓdannoo e Israa'iila. O hawrondini yimɓe makko de ɓe ndabi toy e toy ɓe njoƴƴinta sordaasiiɓe maɓɓe.

2 Kaanankooɓe 8:5

Wakkati Gehaaji fillantonoo mo kabaaru no Elisey iirtiniri maayɗo ndeen, debbo mo ɓiyum iirtinaa oon yottii to maɓɓe faa ŋaaroo kaananke walla ɗum hewta suudu muuɗum e gese muuɗum. Ndeen Gehaaji wi'i: — Joomam kaananke, inani mo, kanko e ɓiyiiko mo Elisey iirtini oon!