1 Kaanankooɓe 2:5 - Dewtere Laamɗo Fulfulde Burkina Faso

⁵ Faa hannden, aɗa anndi ko Yo'ab ɓii Seruya waɗi kam, no wardi Abineer ɓii Neer e Amaasa ɓii Yeter hooreeɓe sordaasiiɓe Israa'iila. O warii ɓe, o rufii ƴiiƴam maɓɓe hono ley wolde de wo ɗum wakkati jam. Noon o tuuniniri kaɓɓorgol makko e paɗe makko ƴiiƴam.

1 Kaanankooɓe 2:5 ပူးပေါင်းရင်းမြစ်များ

2 Samuwiila 17:25

Tawi Absalom waɗii Amasa hooreejo dow sordaasiiɓe, loomtini Yo'ab. Amasa wo ɓii Isma'ileejo bi'eteeɗo Itira. Dee Amasa wo Abigayil ɓii Nahas. Sakiike Abigayil debbo wo Seruya inna Yo'ab.

2 Samuwiila 18:12

Ammaa gorko oon wi'i Yo'ab: — Fay si goɗɗo watti ley junngo am buuɗi cardi 1.000, junngo am meemataa ɓii kaananke gorko oon. Sabo en fuu en nanii kaananke na yamire, aan e Abisay e Itayi, «Ngaɗiree heese e Absalom jokolle oon saabe am.»

2 Samuwiila 18:14

Yo'ab wi'i: — Haya, mi bonnataa wakkati am e maaɗa. O hooƴi cabbi cettaaɗi tati, o yuwi ɗi e ɓernde Absalom gilla wo buurɗo, na ɓilii e lekki mawki kiin.

2 Samuwiila 18:5

Kaananke yamiri Yo'ab e Abisay e Itayi, wi'i: — Ngaɗanon Absalom jokolle oon heese saabe am. Yimɓe ɓeen fuu nanii ko kaananke yamiri hooreeɓe ɓeen fuu dow Absalom.

2 Samuwiila 2:13

Wakkati oon fu, Yo'ab ɓii Seruya ardii sordaasiiɓe Daawda. O yaari ɓe faa ɓe kawra e sordaasiiɓe Isboset to weendu Gibiyon, ɓee keedi senngo ngo (ga), ɓee du keedi senngo ngo to.

2 Samuwiila 2:18

Wooɗi, ɓiɓɓe Seruya tato na toon – Yo'ab e Abisay e Asahel. Tawi Asahel wo baaƴiɗinɗo hono lewla ladde.

2 Samuwiila 20:10

Ammaa Amasa taykaaki kaafaahi ngonki e junngo Yo'ab nano. Wakkati oon Yo'ab yuwi mo reedu faa teketti makko njoorii e leydi. Nii Amasa maayri, walaa ko o yuwa ɗum ɗiɗaɓerde. Ndeen Yo'ab e sakiike mum Abisay ndiiwi Seba ɓii Bikiri oon.

2 Samuwiila 3:27

Nde Abineer wartunoo Heberon ndeen, Yo'ab yaadi e makko sera to naatirde ngalluure ndeen hono wo yiɗu yiidude e makko. Toon o yuwi laɓi e reedu Abineer faa maayi, sabo Yo'ab na yiɗi yomnitaade ƴiiƴam sakiike mum Asahel.

2 Samuwiila 3:39

Miin wo mi lokkaajo hannden, fay si mi kaananke bujaaɗo nebbam. Yo'ab e Abisay, ɓiɓɓe Seruya worɓe ɓeen, ina catti sanne faa mi waawaa haɗude ɗum'en. Joomiraaɗo yoɓu bonɗo bonanda muuɗum.

1 Kaanankooɓe 1:7

O dawridi e Yo'ab ɓii Seruya e almaami Abiyatar. Ɓeen mballi Adoniya de ndaranii ɗum.

1 Kaanankooɓe 2:32

Joomiraaɗo wartiran ƴiiƴam makko dow hoore makko, sabo o wardiino worɓe ɗiɗo kaafaahi, ɓurɓe mo fonnditaare e wooɗude, tawi baaba am Daawda faamaay. O warii Abineer ɓii Neer, hooreejo sordaasiiɓe Israa'iila, e Amaasa ɓii Yeter, hooreejo sordaasiiɓe Yahuuda.

Matta 3:4

Yaayaa ina ɓornii kaddungal canyiraangal leeɓi geelooɗi, ina haɓɓii kaɓɓorgol nguru. Nyaamdu makko wo baɓɓatti e njuumndi ladde.

Fillitagol 27:24

Kuddi woodana barduɗo goɗɗo cuccukka. Ndeen yimɓe fuu njaaboo mbi'a: «Aamiina.» —