1 Kaanankooɓe 2:32 - Dewtere Laamɗo Fulfulde Burkina Faso

³² Joomiraaɗo wartiran ƴiiƴam makko dow hoore makko, sabo o wardiino worɓe ɗiɗo kaafaahi, ɓurɓe mo fonnditaare e wooɗude, tawi baaba am Daawda faamaay. O warii Abineer ɓii Neer, hooreejo sordaasiiɓe Israa'iila, e Amaasa ɓii Yeter, hooreejo sordaasiiɓe Yahuuda.

1 Kaanankooɓe 2:32 ပူးပေါင်းရင်းမြစ်များ

Fuɗɗoode 4:11

Joonin a huɗaama, a riiwaama dow leydi njarndi ƴiiƴam minya ndiin.

Fuɗɗoode 42:22

Ruben wi'i ɓe: — Wanaa mi wi'iino on taa ngaɗon suka oon ko boni naa? De on njaɓaay. Ndelle joonin, ƴiiƴam makko ina woni dow meeɗen.

Fuɗɗoode 9:6

Barɗo ɓii-Aadama fuu kam du warete. Sabo Laamɗo tagirii ɓii-Aadama e alhaali muuɗum.

2 Samuwiila 1:16

Daawda du wi'ii mo: — Ƴiiƴam maaɗa wonu dow hoore maaɗa. Hunnduko maa seedanake ma nde mbiiɗaa a warii cuɓaaɗo Joomiraaɗo.

2 Samuwiila 17:25

Tawi Absalom waɗii Amasa hooreejo dow sordaasiiɓe, loomtini Yo'ab. Amasa wo ɓii Isma'ileejo bi'eteeɗo Itira. Dee Amasa wo Abigayil ɓii Nahas. Sakiike Abigayil debbo wo Seruya inna Yo'ab.

2 Samuwiila 3:29

Feloore ƴiiƴam ɗaam saama dow hoore Yo'ab e dow suudu bammum. Lenyol Yo'ab laatoo ngol hunngataako jom ɓuuye borɗuɗe naa ceppinɗo naa tuugotooɗo naa bardaaɗo kaafaahi naa dafaaɗo, faa abada.

2 Samuwiila 3:37

Ndelle sordaasiiɓe fuu e Israa'iila'en fuu paamii nyannde ndeen wareede Abineer ɓii Ner ƴuuraay e yamiroore kaananke Daawda.

2 Samuwiila 3:39

Miin wo mi lokkaajo hannden, fay si mi kaananke bujaaɗo nebbam. Yo'ab e Abisay, ɓiɓɓe Seruya worɓe ɓeen, ina catti sanne faa mi waawaa haɗude ɗum'en. Joomiraaɗo yoɓu bonɗo bonanda muuɗum.

2 Samuwiila 4:11

Sakko bonɓe waruɓe neɗɗo ponnditiiɗo ley suudu muuɗum e dow leesom! Wanaa miɗo jeyi yomnitaade ƴiiƴam muuɗum e juuɗe mooɗon de mi halka on e adunaaru naa?

1 Kaanankooɓe 2:44

Aɗa anndi ley ɓernde maaɗa bonandaaji ɗi ngaɗunoɗaa baaba am Daawda. Ndelle Joomiraaɗo wartiran bonanda oon fuu dow hoore maaɗa.

1 Kaanankooɓe 2:5

Faa hannden, aɗa anndi ko Yo'ab ɓii Seruya waɗi kam, no wardi Abineer ɓii Neer e Amaasa ɓii Yeter hooreeɓe sordaasiiɓe Israa'iila. O warii ɓe, o rufii ƴiiƴam maɓɓe hono ley wolde de wo ɗum wakkati jam. Noon o tuuniniri kaɓɓorgol makko e paɗe makko ƴiiƴam.

1 Kaanankooɓe 8:32

aan Joomiraaɗo, kettindoɗaa gilla dow kammu toon de caroɗaa hakkunde maccuɓe maaɗa ɓeen. Njukkoɗaa jom feloore oon, njukkoɗaa feloore oon de ndimɗinaa ponnditiiɗo oon du, mbarjoɗaa ɗum fodde fonnditaare muuɗum

Ester 1:19

Ndelle si nii kaananke yardake; deekum Wasti haɗee warude yeeso muuɗum faa abada. Ndeen kaananke filanee debbo ɓurɗo Wasti wooɗude, loomta lunnde muuɗum, laatoo dee kaananke, de ɗum tabintinee wo ɗum yamiroore laamiiɗo wootere e ley jamirooje Persi e Mediya nde fay gooto waawaa ittude.

Limle 32:23

Ammaa si on ngaɗaay noon fu, on ngaɗi hakke yeeso Joomiraaɗo, wooɗi du paamon hakke mon oon saaman dow ko'e mooɗon.

Ardiiɓe 9:24

Laamɗo waɗi ɗum faa yomnitoo bonanda mo ɓiɓɓe Yeruba'al ngaɗaa oon, faa ƴiiƴam maɓɓe jokka sakiike maɓɓe Abimelek barɗo ɓe oon, wooɗi du, faa ɗam jokka yimɓe Sikem saabe ko mballi Abimelek wari sakiraaɓe muuɗum ɗuum.

Ardiiɓe 9:57

Laamɗo waɗi bonanda yimɓe Sikem fuu warti, saami dow ko'e muɓɓen. Haala Yotam ɓii Yeruba'al kaan tabiti dow maɓɓe.

1 Samuwiila 15:28

De Samuwiila wi'i mo: — Joomiraaɗo seekii laamu Israa'iila e maa hannden, de hokki ngu gooto hakkunde ɗakkiiɓe maaɗa, to neɗɗo ɓurɗo ma.