1 Kaanankooɓe 16:9 - Dewtere Laamɗo Fulfulde Burkina Faso

⁹ Ammaa golloowo makko Simri, hooreejo feccere torkooji pucci makko, dabi warude mo. Wakkati oon Ela na wonnoo wuro Tirsa, imo sulii saabe o yarii doro ley suudu Arsa. Arsa oon wo hooreejo laamordu makko ley wuro ngoon.

1 Kaanankooɓe 16:9 ပူးပေါင်းရင်းမြစ်များ

Fuɗɗoode 15:2

Abram jaabii, wi'i: — Yaa Laamɗo Joomiraaɗo, ɗume kaajaɗaa hokkude kam? Inani kam, mi walaa ɓiɗɗo. Donoowo suudu am wo Eliyeser jeyaaɗo Damas.

Fuɗɗoode 24:10

Maccuɗo oon suɓii geelooɗi sappo hakkunde geelooɗi joomum, rimndi ɗi dokke feere feere mawɗe. Ndeen o adi laawol leydi Mesopotamiya faa o yaha wuro Nahor toon.

Fuɗɗoode 24:2

Nyannde gomma Ibrahiima haaldi e mawɗo maccuɓe muuɗum, kiilniiɗo jawdi muuɗum oon, wi'i: — Wattu junngo maa e busal am kunanoɗaa kam

Fuɗɗoode 39:4

Yuusufi heɓi hoolaare yeeso joomum oon. Oon ɓattini mo e muuɗum, waɗi o kayboowo ɓaade muuɗum e jawdi muuɗum fuu.

Fuɗɗoode 39:9

O ɓuraa kam teddeengal ley ɓaade nde. Walaa fuu ko o haɗi kam ley mayre, sanaa aan taan, sabo wo a jom suudu makko. Ndelle noy ngaɗiranmi bonanda mawɗo o, mi lutta Laamɗo?

1 Kaanankooɓe 15:27

Ba'asa ɓii Ahiya mo lenyol Isakar oon, na dawra faa waɗa kaananke Nadab oon ko boni. Ba'asa wari mo ley wuro Filistiyankooɓe wi'eteengo Gibeton. Tawi wakkati oon Nadab e Israa'iila'en na piilii wuro ngoon.

1 Kaanankooɓe 16:10

Simri naati, tappi mo faa o maayi, de loomti mo laamii. Ɗum fuu ɗum waɗii ley hitaande noogay e jeɗɗaɓerde laamu Asa kaananke Yahuuda.

1 Kaanankooɓe 16:8

Ela ɓii Ba'asa oon laamii dow Israa'iila ley wuro Tirsa, hitaande noogay e jeegaɓerde laamu Asa kaananke Yahuuda. Ela laamorii duuɓi ɗiɗi.

1 Kaanankooɓe 18:3

Ahabi noddi Obadiya hooreejo suudu laamordu. Obadiya oon, wo kuloowo Joomiraaɗo sanne.

1 Kaanankooɓe 20:12

Ben-Hadad humpitaa haala kan, tawi wakkati oon imo yardannoo e kaanankooɓe ley tenndeeje huɗo. O wi'i worɓe makko cegilano wolde. Ndeen ɓe cegilanii haɓdude e galluure ndeen.

1 Kaanankooɓe 20:16

Hakkunde naange ɓe mburtanii wolde ndeen. Tawi wakkati oon Ben-Hadad na heddii na yara faa suloo ley tenddeeje huɗo toon, kam e kaanankooɓe 32 wallooɓe ɗum ɓeen.

2 Kaanankooɓe 12:20

Kabaaru Yowas keddiiɗo e ko waɗi fuu na winndaa ley Dewtere Kabaaruuji Kaanankooɓe Yahuuda.

2 Kaanankooɓe 15:10

Ndeen Sallum ɓii Yabes jambii wari mo yeeso jamaare ndeen de loomti mo laamii.

2 Kaanankooɓe 15:25

Hooreejo sordaasiiɓe makko gooto na wi'ee Peka ɓii Remaliya hawriti e Galaadinkooɓe 50 de njammbii mbari mo kanko e Arigob e Ariye ley laamordu Samariya. Ndeen Peka loomti mo laamii.

2 Kaanankooɓe 15:30

Caggal ɗuum Hoseya ɓii Ela jammbi Peka, wari ɗum de loomti ɗum laamii hitaande noogayaɓerde laamu Yotam ɓii Ujjiya.

2 Kaanankooɓe 9:14

Yehu ɓii Yehosafat taan Nimsi anniyii jambaade Yoram. Tawi Yoram e Israa'iila'en fuu na paddinoo Ramot-Galaad faa kaɗa Hajayel kaananke Siiriya naatude galluure ndeen.

Banndi 31:4

Lemuwiila am, laamiiɓe kaanaa yarude bagi. Goonga, noon ardiiɓe ngoni kaandiraa yarude, ardiiɓe ngaɗanaaka njaram.

Luuka 21:34

— Ndeenee ko'e mon taa yidde fijo suloowo e sulargol doro e kaɓɓu-ko'u adunaaru njowoo dow ɓerɗe mon de nyannde ndeen juha on