1 Kaanankooɓe 15:5 - Dewtere Laamɗo Fulfulde Burkina Faso

⁵ Sabo Daawda waɗii ko wooɗi yeeso Joomiraaɗo, o luttaay jamirooje muuɗum haddi nguurndam makko fuu, si wanaa e kabaaru Uriya Hittiyankeejo oon.

1 Kaanankooɓe 15:5 ပူးပေါင်းရင်းမြစ်များ

1 Kaanankooɓe 14:8

Miin Joomiraaɗo teeti laamu Israa'iila e lenyol Daawda de hokki ma. Ammaa aan, a laataaki hono maccuɗo am Daawda ɗowtaniiɗo jamirooje am, jokkirɗo kam e ɓernde wootere, de waɗi ko fonnditii yeeso am oon.

Luuka 1:6

Ɓe ɗiɗo fuu ɓe fonnditiiɓe to Laamɗo. Iɓe njokki jamirooje Joomiraaɗo e sariyaaji muuɗum fuu. Feloore fuu walaa e maɓɓe.

1 Kaanankooɓe 9:4

Aan du, si a tokkii laawol am hono no bammaa Daawda, a waɗirii ko njamirmi ma fuu e hoolaare e ɓernde laaɓunde faa ɗowtanoɗaa jamirooje am e sariyaaji am fuu,

Golle Nelaaɓe 13:36

Daawda gollii ko Laamɗo muuyi golla e jamaanu muuɗum. Caggal ɗuum, o maayi. Ɓanndu makko hawrunduraa e maamiraaɓe makko, ndu nyoli.

Golle Nelaaɓe 13:22

Ndeen Laamɗo ɓorti Sawulu, hokki Daawda laamu. O haali kabaaru muuɗum, o wi'i: «Mi heɓii Daawda ɓii Yesa gorko belnoowo ɓernde am, gaɗoowo muuyɗe am fuu.»

2 Kaanankooɓe 22:2

O waɗi ko wooɗi yeeso Joomiraaɗo. O tokki laawol maamiiko Daawda. Fay nde wootere o seliraay nano maa nyaamo.

1 Kaanankooɓe 15:3

O jokkii hakkeeji ɗi baabiiko ngaɗannoo yeeso makko ɗiin. O yiɗiraay Joomiraaɗo, Laamɗo makko e ɓernde makko fuu hono no maamiiko Daawda noon.

Fillitagol 17:20

Noon waɗata taa o mawninkinoo, o sikka imo ɓuri sakiraaɓe makko de o selira laawol goonga ngool nano naa nyaamo. Si o waɗii noon fu, laamu makko juutan kanko e ɓiɓɓe makko fuu hakkunde Israa'iila.

1 Samuwiila 25:28

Miɗo ŋaare, njaafoɗaa woowre korɗo maaɗa, sabo sikke walaa Joomiraaɗo tabintinan suudu bammaa. Aɗa haɓa bolwole Joomiraaɗo, ammaa a waɗataa fuu ko boni haddi nguurndam maaɗa fuu.

1 Kaanankooɓe 3:3

Suleymaana na yiɗi Joomiraaɗo na jokkii jamirooje bammum Daawda, ammaa wo dow nokkuuje cakkirɗe o wulananno Joomiraaɗo kirsamaaji e ure.