1 Kaanankooɓe 13:18 - Dewtere Laamɗo Fulfulde Burkina Faso

¹⁸ Annabaajo oon jaabii mo wi'i: — Miin du wo mi annabaajo hono maaɗa. Maleyka Joomiraaɗo haaldi e am konngol Joomiraaɗo, wi'i mi hoodda e maaɗa wuro am faa nyaama wooɗi njaraa. Ammaa wo o fenu.

1 Kaanankooɓe 13:18 ပူးပေါင်းရင်းမြစ်များ

1 Yuhanna 4:1

Sakiraaɓe am horsuɓe, waajotooɓe wi'ooɓe Ruuhu Laamɗo ina woni e muɓɓen, taa ngoonɗinee ɗum'en fuu, ammaa koron ɓe yalla Ruuhu Laamɗo jaati woni e maɓɓe naa wanaa. Sabo annabaaɓe fewreeɓe heewɓe caakake e adunaaru ndu.

Matta 7:15

— Tinnee e annabaaɓe fewreeɓe. Si ɓe ngarii to mooɗon fu, iɓe nga'i hono baali, de si goonga, wo ɓe cuuli jolbuɗi.

2 Piyeer 2:1

No annabaaɓe fewreeɓe ngorrunoo e ley lenyol Israa'iila ngool ni, hono noon waajotooɓe fewreeɓe ngorroyta e ley mooɗon. Ɓe cornan e ley mooɗon jannde fewreere halkoore. Ɓe njeddan fay Joomii ɓe cooduɗo ɓe oon. Hono noon ɓe pooɗiranta ko'e maɓɓe halkere yaawunde.

Limle 22:35

Ammaa maleyka Joomiraaɗo oon wi'i mo: — Njaadaa e worɓe ɓee, ammaa taa kaalaa faa'e si wanaa ko kaalanmaami. Ndeen Balaama wittodii e nelaaɓe Balak ɓeen.

2 Korintunkooɓe 11:3

Ammaa miɗo hula taa hakkillooji mooɗon mbonnee, nanndon e Hawwaa mo mboddi ƴoƴundi hiili oon, de celon jokkude Almasiihu e laaɓal e ɓernde wootere.

Romankooɓe 16:18

Sabo yimɓe wa'uɓe hono noon ngollantaa Joomiraaɗo meeɗen Almasiihu. Ko ɓe ngollanta dey, wo deedi maɓɓe. Wo e haalaaji maɓɓe belɗi e manooje maɓɓe jaayɗe ɓe majjinirta hakkillooji yimɓe ɓe anndaa ɓeen.

Holleede 19:20

Ndaabaawa ngaan nanngaa, kanga e annabaajo fewreejo gaɗannooɗo kaayeefiiji yeeso magga oon. E kaayeefiiji ɗiin o hiildunoo heɓuɓe maande ndaabaawa ngaan ɓeen, sujidannooɓe tooru nanndundu e magga ɓeen. Ɓe ɗiɗo fuu, ɓe paɗɗaa iɓe mbuuri e weendu yiite huɓɓirteendu sitti nduun.

Matta 24:24

Sabo almasiihu'en fewreeɓe e annabaaɓe fewreeɓe ɓangowan, ngaɗa maandeeji mawɗi e kaayeefiiji faa majjina fay suɓaaɓe ɓeen, si na laatoo.

Ardiiɓe 13:3

Nyannde gomma, maleyka Joomiraaɗo ɓangani debbo oon, wi'i ɗum: — Aan wo a dimaro, abada a rimaay. Ammaa a heɓan reedu, a riman ɓiɗɗo gorko.

Galaatiyankooɓe 1:8

De si neɗɗo waajake on ko seedi e Kabaaru Lobbo mo min mbaajii on oon, fay si wo minen, naa maleyka ƴuuruɗo dow kammu, wo kuddi wonu e joomum.

1 Timote 4:1

Ruuhu Ceniiɗo haalii faa laaɓi, wi'i ley cakitte jamaanuuji woɓɓe njoppan goonɗinal de ɗowtanoo ginnaaji majjinooji, e ko ginnaaji njannginta.

1 Timote 4:2

Wo fenooɓe cankitirta jannde nde e naafikaaku muɓɓen. Ɓerɗe muɓɓen njoornaama, ɗe mbaylitataako, ɗe maatataa pelooje.

1 Kaanankooɓe 13:19

Ndelle Nelaaɗo Laamɗo oon yeccodii e annabaajo oon wuro muuɗum, o nyaami, o yari.

1 Kaanankooɓe 20:35

Annabaajo gomma haaldi e jaado muuɗum e konngol Joomiraaɗo, wi'i: «Fiyam!» Ammaa jaado makko oon salii fiyude mo.

Banndi 12:19

Hunnduko goongalaaho nduumoto, ammaa ko penoowo ɓooyataa fey.

Banndi 12:22

Fewooɓe ina nyiddinii yeeso Joomiraaɗo, imo welnana jogotooɓe amaana.

Banndi 19:5

Seedeejo fewreejo hisataa kiite, kaaloowo pene kam du daɗataa.

Fuɗɗoode 3:13

Laamɗo Joomiraaɗo wi'i debbo oon: — Ɗume woni ko ngaɗuɗaa ɗuum? Debbo oon jaabii, wi'i: — Wo mboddi hiili kam de nyaamumi ɗum.

Fuɗɗoode 27:24

Isiyaaka wi'i: — Yalla goonga fuu a ɓiyam Isuwa naa? O jaabii, o wi'i: — Ayyo wo miin!

1 Kaanankooɓe 22:22

Joomiraaɗo ƴami mo, noy kiildataa mo? Ruuhu oon jaabii, wi'i: — Mi wurtoto, mi laatoo ruuhu penoowo de mi watta fewre ley kunnduɗe annabaaɓe makko. Joomiraaɗo wi'i mo: — A gaynan! Ndelle njahaa de kiilaa o.