1 Kaanankooɓe 1:5 - Dewtere Laamɗo Fulfulde Burkina Faso

^5-6 Wakkati oon, Adoniya ɓii Daawda mo Haagita rimani ɗum gaɗa Absalom, gorko ŋarɗuɗo sanne, mawninkini de na wi'a: — Wo miin laatoto kaananke! O heɓi torkooru e pucci e worɓe 50 doggooɓe yeeso torkooru makko. Ammaa abada Baabiiko Daawda felaay mo, ƴamaay mo ko saabi de imo waɗa noon.

1 Kaanankooɓe 1:5 ပူးပေါင်းရင်းမြစ်များ

2 Samuwiila 15:1

Caggal ɗuum, Absalom heɓi torkooru e pucci e worɓe 50 doggooɓe yeeso torkooru makko.

2 Samuwiila 3:4

Nayaɓo wo Adonija mo o rimdi e Haggit. Njoyaɓo wo Sepatiya mo o rimdi e Abital.

1 Kaanankooɓe 1:11

Ndeen Natan wi'i Batseeba inna Suleymaana: — Yalla a nanii Adoniya ɓii Haagita waɗitake kaananke de joomii'en Daawda faamaay naa?

1 Kaanankooɓe 1:4

Abiisaga wo debbo jom ŋari sanne. O gollani kaananke, o ndaarani haajuuji muuɗum. Ammaa kaananke Daawda fukkodaaki e makko.

1 Kaanankooɓe 2:13

Nyannde gomma Adoniya ɓii Haagita wari to Batseeba inna Suleymaana. Batseeba ƴami mo wi'i: — Kori jam waddi ma? Adoniya jaabii wi'i: — Ayyo, jam tan.

1 Kaanankooɓe 2:15

O wi'i: — Aɗa anndi wo miin jeynoo laamu, yimɓe Israa'iila fuu na ndaardannoo kam mi kaananke muɓɓen. Ammaa ɗum waylitake; sakiike am Suleymaana laamake sabo wo kanko Joomiraaɗo fodanii ɗum.

1 Kaanankooɓe 2:24

Mi hunorake Joomiraaɗo buurɗo, tabintinɗo kam dow jooɗorgal laamu baaba am Daawda, kokkuɗo kam lenyol hono no fodorinoo, hannden pay yonki Adoniya ittetee!

1 Kabaaruuji Laamiiɓe 28:5

Wooɗi Joomiraaɗo barkinirii kam ɓiɓɓe worɓe ɗuuɗɓe, de hakkunde ɓiɓɓe am ɓeen du, o suɓake Suleymaana faa jooɗoo dow jooɗorgal laamu makko, laamoo dow Israa'iila.

1 Kabaaruuji Laamiiɓe 29:1

Kaananke Daawda wi'i jamaare Israa'iila fuu: — Ɓiyam Suleymaana, mo Laamɗo suɓii oon na sunɗi, wooɗi du na lokkiɗi tafon. Ammaa gollal ngaal na mawni sanne sabo suudu nduun wanaa suudu ɓii-Aadama, ammaa wo suudu Laamɗo Joomiraaɗo.

1 Kabaaruuji Laamiiɓe 3:2

Tataɓo makko wo Absalom, innam na wi'ee Maaka ɓii Talmay, kaananke Gesur. Nayaɓo makko wo Adoniya, innam na wi'ee Haagita.

Wurtagol 9:17

Faa joonin a selaay toownude hoore maaɗa, a jaɓaay yoofude yimɓe am ndilla.

Banndi 16:18

Mawnitaare ardii halkere, manngu becce du ardii saamugol.

Banndi 18:12

Manngu becce na wadda halkere, leeƴinkinaare kaa, na wadda teddeengal.

Luuka 14:11

Sabo mawninkiniiɗo fuu, leeƴinte, leeƴinkiniiɗo du teddinte.

Luuka 18:14

Miɗo wi'a on: kanko hooti wo o jaafaaɗo, wanaa ooto. Sabo mawninkiniiɗo fuu leeƴinte, leeƴinkiniiɗo du toownete.

Ardiiɓe 9:2

— Njehee kaaldon e yimɓe Sikem fuu, ƴamon ɗum'en ko ɓurani ɗum'en. Yalla ɓiɓɓe Yeruba'al 70 ɓeen fuu laamoo on naa neɗɗo gooto laamoo on? Katin du, paamee en fuu wo en ɓanndu wooturu e ƴiiƴam gootam.