1 Kaanankooɓe 1:34 - Dewtere Laamɗo Fulfulde Burkina Faso

³⁴ Ngaɗon almaami Sadok e annabi Natan njoora nebbam dow hoore makko, o laatoo kaananke Israa'iila. Ndeen puufon luwal, mbi'on: «Kaananke Suleymaana, njuutaa balɗe!»

1 Kaanankooɓe 1:34 ပူးပေါင်းရင်းမြစ်များ

2 Samuwiila 15:10

Ammaa Absalom nuli nelaaɓe e ley cuncukka hakkunde lenyi Israa'iila fuu, iɓe mbi'a: — Wakkati nanoyton duko luwal fu, mbi'on, «Absalom laatake kaananke ley Heberon!»

2 Samuwiila 2:4

Worɓe Yahuuda ngari toon, ɓe njoori hoore Daawda nebbam faa laatoo kaananke dow lenyol Yahuuda. Caggal ɗuum, Daawda humpitaa worɓe wuro Yabes-Galaad uwii Sawulu.

2 Samuwiila 5:3

Ndelle mawɓe Israa'iila ngari to Daawda ley Heberon, de Daawda waɗi amaana e maɓɓe ley Heberon yeeso Joomiraaɗo. Ndeen ɓe njoori nebbam e hoore Daawda faa o laatoo kaananke dow Israa'iila.

1 Kaanankooɓe 1:25

Sabo hannden, o jippake o hirsowi ga'i e baali e gorri payɗi ɗuɗɗi, o noddii ɓiɓɓe maaɗa worɓe e hooreeɓe sordaasiiɓe e almaami Abiyatar. Ɓe fuu iɓe ngoni toon, iɓe nyaama iɓe njara yeeso Adoniya, iɓe mbi'a: «Kaananke Adoniya, njuutaa balɗe!»

1 Kaanankooɓe 1:35

Caggal ɗuum njokkon gaɗa makko faa o wara o jooɗoo dow jooɗorgal laamu am, o loomta lunnde am. Mi tabintinii kanko laamoto dow Israa'iila e Yahuuda.

1 Kaanankooɓe 1:39

Toon almaami Sadok adi luwal keewngal nebbam ley hukum Joomiraaɗo de joori ɗam dow hoore Suleymaana. Ɓe puufi luwal de yimɓe fuu ƴeewnii mbi'i: — Kaananke Suleymaana, njuutaa balɗe!

1 Kaanankooɓe 19:16

Katin du, njooraa nebbam dow hoore Yehu ɓii Nimsi faa laatoo kaananke Israa'iila. Ngaɗiraa noon du e Elisey ɓii Safata mo Abel-Mihola faa laatoo annabaajo loomtoowo ma.

2 Kaanankooɓe 11:12

Ndeen Yehoyada wurtini ɓinngel kaananke ngeel, hippi ngel kufune laamu de watti ɗerewol amaana e junngo maggel. Nebbam jooraa dow hoore maggel de ngel waɗaa kaananke. Yimɓe na kella na mbi'a: — Kaananke, njuutaa balɗe!

2 Kaanankooɓe 11:14

O ndaari o tawi kaananke na darii dow bimmbeere to kaanankooɓe mboowi daraade. Hooreeɓe sordaasiiɓe e mawɓe leydi e fuufooɓe luwe na ndarii ɗakkol muuɗum. Yimɓe fuu na ceyoo de yimooɓe na puufa luwe. Ndeen Ataliya seeki kaddule muuɗum de ƴeewni wi'i: — Jamba! Jamba!

2 Kaanankooɓe 9:13

Nde ɓe nannoo haala kaan fu, ɓe karii ɓe mbeƴƴiti kaddule maɓɓe dow ƴeencirɗe suudu ɗo o yaaɓata ɗoon. Ɓe puufi luwal ɓe mbi'i: — Yehu woni kaananke!

2 Kaanankooɓe 9:3

Adaa jolloyel nebbam ngeel njoora dow hoore makko de mbi'aa mo: «Inan ko Joomiraaɗo wi'i: Mi suɓake ma faa laatoɗaa kaananke Israa'iila.» Caggal ɗuum, omtaa dammbugal de ndoggaa, taa ndaroɗaa.

2 Kaanankooɓe 9:6

Ndeen Yehu ummii naati ley suudu nduun. Jokolle oon rufi nebbam dow hoore makko de wi'i mo: — Inan ko Joomiraaɗo, Laamɗo Israa'iila wi'i: Mi suɓake ma faa laatoɗaa kaananke yimɓe am Israa'iila.

Golle Nelaaɓe 10:38

Oɗon anndi no Laamɗo suɓorii Iisaa Nasaraatuujo oon, no jippiniri e muuɗum Ruuhu Ceniiɗo e baawɗe. Oɗon anndi no Iisaa yiilorii e nokkuuje fuu ina golla golleeji lobbi, ina danna ɓe Ibiliisa jaalii na torra fuu, sabo Laamɗo ina wondi e muuɗum.

1 Samuwiila 10:1

Ndeen Samuwiila hooƴi jollooru nebbam, joori ɗam e dow hoore Sawulu, muccii ɗum, wi'i: — Nii Joomiraaɗo waɗiri ma hooreejo dow lenyol muuɗum cuɓaangol. Inan maande holloore ɗum:

1 Samuwiila 10:24

Samuwiila wi'i yimɓe fuu: — Yalla on nji'ii cuɓaaɗo Joomiraaɗo o naa? Potuɗo e makko walaa e ley yimɓe fuu! De yimɓe fuu ƴeewnii, mbi'i: — Kaananke, njuutaa balɗe!

1 Samuwiila 16:3

Silminir Yesa kirsamaari, de mi holle noy ngaɗirtaa. A jooran nebbam e hoore mo kollanmaami oon.