Tuifakamaau 7:8 - Tosi Tapu

⁸ Na too loa a nea kai a le kakai mo ana fakatagi pupusi. Ti na kakau loa e Seteone a tagata fuli o Iselaele ke tasi ano ki lona falela, kae na taofi loa e ia a kau tagata e tino lelau tolu. Na tuu loa le nofolaga tau o Matiane i lalo o Seteone i le vaivailiua.

Tuifakamaau 7:8 ပူးပေါင်းရင်းမြစ်များ

Uluaki tosi ki le kau Kolinto 15:52

i se temi e tasi, i le kemo o le mata, i le pupusi o le fakatagi fakamuli. E tagi loa le fakatagi pupusi, ti e toe tuuake loa le kau mate i ni tino lee pala, ti ko tatou, e tou fetogi loa.

Esaia 27:13

I le aso lena, e pupusi loa le fakatagi pupusi lasi, Ti e toe liliu mai loa latou ala na ave popula ki Asilia, Pe na sosola ki Esipito ; Ti e lotou su loa ki le Eteleno, I le mauga maokioki, i Selusalemi.

Tuifakamaau 6:33

Na fakatasi loa Matiane, mo Amaleke, ti mo le kakai leia nofo falela i le Esite, ti na lotou fakalaka loa i le Solotane o fakatuu lolatou nofolaga tau i le vaivailiua o Siseleele.

Tuifakamaau 3:27

I lana kaku ki Seila, na pupusi loa e ia le fakatagi pupusi i le mauga o Efalaimi ke tanaki ai a fanau a Iselaele ki le tau. Ti na nofo loa a ia ko lolatou pule, ti na lotou ifo loa mei le mauga.

Sosue 6:20

Na pupusi loa a fakatagi pupusi o fakaloaloa, ti ko le kakai na logo loa ki tagi fakaloaloa o fakatagi pupusi. I le temi lena, na fakamapa loa e le kakai se kalaga tau makeke, ti na siga loa le kaua takai o le kolo ki lalo. Ti na pale loa le kakai ki le kolo, o tasi ano fakasako i ona mua. Ti na lotou too loa le kolo.

Sosue 6:4

E ano loa a tagata faisakilifisio e toka fitu mo ni fakatagi pupusi, ko tagata e fitu i mua o le aleka. I le fitu o aso, ke kotou fai loa le foli takatakai o le kolo o tua fitu, ti ke pupusi loa e tagata faisakilifisio a fakatagi pupusi.

Numelo 10:9

I lokoutou fenua, ka kotou ano loa o tau ki le fili leia na osoi ia koutou, e kotou pupusi fakamakeke loa a fakatagi pupusi, ti e manatui loa koutou e le Eteleno, ko lokoutou Atua, ti e saofaki loa e ia koutou mei okoutou fili.

Levitiko 25:9

I le aso kau agafulu o le masina fitu, e ke fakatatagi loa le leo makeke o le fakatagi pupusi ; i le aso lasi o le fakamalie, e kotou pupusi loa le fakatagi pupusi i le fenua katoa.

Levitiko 23:24

Masau ki fanau a Iselaele, o pati kia latou : I le fitu o masina, i le uluaki aso o le masina, e kotou taupau loa se aso malolo, leia e fakasa loa ki ni fakatagi pupusi, ti e kotou fai loa se fakatasi tapu.

Tuifakamaau 7:7

Na pati loa le Eteleno kia Seteone : E kau saofaki loa koutou ki tino lelau e tolu ana na epo ia le vai, ti e kau tuku atu loa Matiane ki ou lima. Ke tasi ano loa le toega fuli o le kakai ki lona kaiga.

Tuifakamaau 7:9

Na pati loa le Eteleno kia Seteone i le po lena : Tuu ki aluga, ti ke ifo ki le nofolaga o Matiane, talie kua kau tuku atu a ia ki ou lima.