Tito 3:5 - Tosi Tapu

⁵ kua saofaki e ia tatou, o leaise tupu ko gaoi o le faitotonu ala na tou fai, kae o mulimuli ki lona manavaalofa, ki le maanu o le tupu foou mo le fakafoou a le Laumalie Maokioki.

Tito 3:5 ပူးပေါင်းရင်းမြစ်များ

Sopo 15:14

Kolea le tagata, ke ke pati ai e mea a ia ? Pe feala ke faitotonu leia na tupu mei le fafine ?

Sopo 25:4

Pe feaki loa ke agatonu le tagata i mua o le Atua ? Pe feaki loa ke mea leia na tupu i le fafine ?

Sopo 9:20

Kapau e kau agatonu, kae fakalakasala loa au e loku gutu totonu ; kapau e kau saosaoa, kae e fakamaoki loa a ia ki loku fakalakasala.

Pesalemo 130:7

Iselaele, tuku lau amanaki malie ki le Eteleno ! Talie e maua le manava alofa i tafa o le Eteleno, Ti e maua foki le totogi i ona tafa.

Pesalemo 143:2

Aua na ke fakamaaui lau tagata fakasausau ! Talie e leaise agatonu se tagata mauli i ou mua.

Pesalemo 51:10

Ke ke fakasa mai kiate au le nekenekea mo le fiafia, Ti e fiafia loa a ivi ala na ke fatifatii.

Pesalemo 62:12

Na masau le Atua o tua tasi ; Na kau logo tua lua ki le nea leinei : Ko le makeke a le Atua a ia.

Pesalemo 86:15

Kae ko koe, Aliki, ko se Atua manava alofa mo agamalie a koe, Leia ke taofi fualoa lou sausau, e ke mou koloa i le agamalie mo le agatonu ;

Pesalemo 86:5

Aliki, talie e ke agamalie, e ke fakamolemole, Ti e ke apele i le alofa kia latou fuli ala e tagi kiate koe.

Esaia 57:12

E kau fakasa loa lou anoaga totonu, Ti e leaise aoga loa au gaoi kiate koe.

Esekiele 36:25

E kau liligi loa kia koutou se vai mea, ti e kotou mea loa ; e kau fakamea loa koutou i akoutou aga fakalialia fuli mo okoutou taulaatua fuli.

Mikea 7:18

Ko le Atua fea leia e tatau mo koe, Leia e fakamolemole ia le agaveli, leia e galoi ia agasala O le toetoega o lou tofiga ? E leaise taupau e ia lona sausau o lee gato, Talie e fiafia a ia i le manava alofa.

Mateo 3:11

Ko au, e kau papitema koutou ki le vai o uiga mo le fakasemala, kae ko ia loa leia e olo mai kiate au e makeke ake iate au, ti e leaise kau gali ke kapa ki ona taka. Ko ia leia e papitema ia loa koutou ki le Laumalie Maokioki ti mo le afi.

Luka 1:50

Ti e mafola lona manavaalofa i le tautupu ki le tautupu Kia latou ala e i kiate ia.

Luka 1:54

Na tokoi a ia ki Iselaele, lana tagata fakasausau, Ti na manatui e ia lona manavaalofa,

Luka 1:72

E fakasa e ia i ai lona manavaalofa ki otatou tamana, Ti e manatui e ia lana sai maokioki,

Luka 1:78

O tupu ko le manavaalofa mo le agamalie o lotatou Atua, Leia na mu ai le laa kia tatou mei aluga,

Loma 11:14

E kau fakaamu ke fakatupu i ai, mo kapau e feala, le finenonofo o latou o loku lanu, ti ke saofaki ai ni iki.

Loma 11:6

Ti kapau na filifili i le kalasia ti e leaise koi filifili loa i gaoi ; talie kapau e leaise fenaaki, ko le kalasia e leaise ko se kalasia loa. Ti kapau na filifili i gaoi ti e leaise ko se kalasia loa, talie kapau e leaise fenaaki, ko le gaoi e leaise ko se gaoi loa.

Loma 12:2

Aua na kotou fakatatau ki le sekulo nei, kae ke fetogi koutou e le fakafoou o le loto, o tupu ke kotou iloa le finegalo o le Atua : le nea leia e malie, mo aoga, ti mo saosaoa.

Loma 3:20

Talie e leaise fakamatatonu loa se tasi i mua o le Atua e gaoi o le lao, talie e tupu mei le lao le iloa o le agasala.

Loma 3:28

Talie e tou tuku e fakamatatonu le tagata i le tui, sala mo gaoi o le lao.

Loma 4:5

kae ka tuku ata e se tagata, sala mo fai ia se gaoi, lana tui ki le Atua, leia e fakamatatonu ia le tagata agasala, e lau e le Atua lana tui ko se faitotonu kiate ia.

Loma 9:11

(talie na leikiaise tupu a toe ti na leikiaise fai fua e laua se nea e malie pe ko se nea e veli, kae o tupu ke tuumau le fakatuutuu a le Atua o mulimuli ki le filifili leia e leaise fakalogo ki gaoi kae ki leia e kalagai ia),

Loma 9:16

Koia loa, e leaise fakalogo le nea lena ki leia e loto, pe ki leia e makape, kae ki le Atua leia e manavaalofa.

Loma 9:30

Kolea loa ke tou pati ? Ko le kau pagani, ala na leaise afa ia le faitotonu, kua maua ia le faitotonu, le faitotonu leia e au mei le tui,

Uluaki tosi ki le kau Kolinto 6:11

Ti na fenaaki ni iki ia koutou i mua. Kae kua fufulu koutou, kua fakamaokioki koutou, kua fakamatatonu koutou i le suafa o le Aliki ko Sesu-Kilisito ki le Laumalie o lotatou Atua.

Kalate 2:16

Kae, i le iloa e leaise fakamatatonu le tagata i mua o le Atua ki gaoi o le lao, kae ki le tui kia Sesu-Kilisito, ko tatou foki kua tou tui kia Sesu-Kilisito, o tupu ke fakamatatonu tatou ki le tui kia Kilisito kae leai ki gaoi o le lao, talie e leaise fakamatatonu loa se tasi ki a gaoi o le lao.

Efeso 2:4

Kae ko le Atua, leia e mou koloa i le manavaalofa, o tupu ko le alofa lasi leia na alofa ai a ia kia tatou,

Efeso 4:23

kae ke kotou fakafoou i le laumalie o lokoutou atamai,

Efeso 5:26

o tupu ke fakatapui a ia, mo fakamea a ia, ti mo fufulu a ia ki le vai o le folafola,

Tetelonome 9:5

Leai, e leaise se tupu ai ko lou maokioki mo le agatonu o lou loto leia e ke ulu ai loa o maua tofiga lolatou fenua ; kae e tupu ko le agaveli o puleaga ana leia e kapu ai latou e le Eteleno, lou Atua, i ou mua, ti ke fakamaoki ai le folafola leia na fakapapau e le Eteleno ki ou tamana, kia Apalaamo, mo Isaake, mo Sakopo.

Kolose 3:10

ti kua kotou kofu le tagata foou leia e fakafoou i le poto o mulimuli ki le paaki o leia na fakatupu ia a ia.

Lua tosi kia Timoteo 1:9

leia kua fakamauli ia tatou, ti kua kalagai ia tatou ke tou liliu ko lona kakai maokioki, o leaise tupu ko atatou gaoi, kae o mulimuli ki lana fakatuutuu totonu, ti mo le kalasia leia kua soli mai kia tatou ia Sesu-Kilisito i mua o le kamataaga o sekulo.

Tito 3:4

Kae i le oki o le fakasa o le agamalie o le Atua ko lotatou Fakamauli ti mo lona alofa ki le tagata,

Epelo 10:22

Koia ke tou fakafeofi ai i se loto maoki, mo se amanaki makeke o le tui, ti mo ni loto kua fakamea mei se atamai veli, ti mo le tino kua fufulu ki se vai mea.

Epelo 4:16

Koia ke tou fakafeofi ai i le tui makeke ki le agaiaga o le kalasia, o tupu ke tou maua ai le manavaalofa ti ke tou tali ai le kalasia, ke tokoi ai kia tatou i nea ala e aoga kia tatou.

Epelo 6:6

kae na vivilo, e leaise mafai ai ke toe fakafoou latou, ti ke toe aumai latou ki le fakasemala ; talie na lotou toe kulusifiko le Alo o le Atua ti mo toe tuku a ia ki lauveli.

Uluaki tosi a Petelo 1:3

Ke fakafetai ki le Atua ko le Tamana o lotatou Aliki ko Sesu-Kilisito, leia kua tuku ia kia tatou se mauli foou, o fakatatau ki lona manava alofa lasi, ki se amanaki mauli i le toe tuuake a Sesu-Kilisito mei le kau mate,

Uluaki tosi a Petelo 2:10

koutou ala na leaise ko se kakai i mua, kae kua liliu i le temi nei ko le kakai o le Atua, koutou ala na leaise maua ia lona manava alofa, kae kua kotou maua a ia i le temi nei.

Uluaki tosi a Petelo 3:21

Ko le vai lena ko le fakatata o le papitema, leia e leaise ko le fakamea o kelekele o le tino, kae ko le fakapapau a se atamai mea ki le Atua, leia foki e saofaki ia koutou i le temi nei ki le toe tuuake o Sesu-Kilisito ;