Tito 3:3 - Tosi Tapu

³ Talie ko tatou foki, na tou valelea i mua, mo patigataa, mo sese, mo popula ki olioli noa mo manumanu fuli, na tou mauli i le agaveli mo le loto veli, ti na tou vesia ti na vesia mai foki kia tatou.

Tito 3:3 ပူးပေါင်းရင်းမြစ်များ

Senesi 38:9

Kae i le iloa e Onane e leaise ko lona sakoga loa a ia, na liligi loa e ia lona pulapula ki le kele i temi fuli ala na ano ai a ia ki le avaga o lona taina, o tupu ke aua na maua loa se sakoga ki lona taina.

Senesi 39:16

Ti na tuku loa e le fafine le kofu o Sosefo i ona tafa, o kaku ki le ulu ake o lona pule ki fale.

Pesalemo 36:2

E logo le masau veli a le tagata agaveli i loku loto. E leaise nofo le i ki le Atua i ona mua.

Taagapati 8:5

Kau valelea, kotou ako le tio fakapoto ; Kau sala atamai, kotou ako le tio iloa.

Taagapati 9:6

Kotou mavae i le valea, ti e kotou mauli loa ; Ti kotou saele i le ala o le atamai !

Esaia 44:20

E kai makona a ia ki le mugalafu, E fakasese a ia e lona loto fakapouli, Ti e leaise fakamauli loa e ia lona laumalie, ti e leaise pati loa a ia : Pe leaise ko se loi leinei e kau too i loku lima ?

Apetiasi 1:3

Na fakasese a koe e le fia nealasi o lou loto, A koe leia e nofo i pu o utu, Leia e ekeeke i potu taualuga, Leia e pati i lou loto : Ko ai e fakaifo ia loa au ki lalo ?

Mateo 21:29

Na tali loa a ia : E leaise kau loto ki ai. Ti oki, na fakasemala loa a ia, ti na ano loa a ia ki ai.

Luka 21:8

Na tali loa Sesu : Kotou tokaga na kakaai koutou. Talie e au loa le toka api i loku suafa, o pati : Ko au ko Kilisito, ti, kua ofi mai le temi. Aua na kotou muli ia latou.

Soane 8:34

Na tali loa Sesu kia latou : E maoki, e maoki, e kau pati atu kia koutou, ko leia e fai ia le agasala e popula a ia ki le agasala.

Loma 11:30

Ko koutou, i mua na kotou patigataa ki le Atua ; kae i le temi nei kua kotou maua le manavaalofa o le Atua, o tupu ko lolatou patigataa.

Loma 6:12

Ke aua na toe pule le agasala i lokoutou tino mate, ti ke aua na kotou fakalogo ki ona olioli.

Loma 6:17

Kae ke tuku a fakafetai ki le Atua, talie, i le oki o lokoutou popula ki le agasala, kua kotou fakalogo i le loto ki le lekula o le akonaki leia na tuku atu kia koutou.

Loma 6:22

Kae i le temi nei, i lokoutou lauatea mei le agasala, o popula ki le Atua, e kotou maua a fua o le maokioki ti mo le fakaokiaga ko le mauli lee gato.

Loma 6:6

o tou iloa na tutuki i le koluse lotatou tagata afea mo ia, o tupu ke puli le makeke o le tino o le agasala, ti ke aua na tou toe popula ki le agasala ;

Lua tosi ki le kau Kolinto 12:20

Talie e kau i na leaise kau maua koutou, i laku tau atu, ofaipe le nea leia e kau loto ki ai, ti ke kotou maua au ofaipe le nea leia e leaise kotou loto ki ai. E kau tuania na i ai ni fefele, mo ni finenonofo, mo ni masau lalasi, mo ni fefiliaki, mo ni fatufatu, mo ni lauveli, mo ni fia nealasi, ti mo ni maveuveu.

Kalate 6:3

Kapau e manatu se tasi ko se tasi a ia, kae ko se nea noa a ia, e kakai e ia a ia totonu.

Kolose 1:21

Ti ko koutou, ala na matapule mo fili i mua o tupu ko akoutou manatu mo akoutou gaoi veveli, kua fakatokatoka e ia koutou i le aso nei i lona mate i le tino o lona kanofi,

Kolose 3:7

ala na kotou saele ai foki i mua, i le temi leia na kotou mauli ai i agasala ana.

Lua tosi kia Timoteo 3:13

Kae ko tagata agaveli mo fakasala e asilisili veli loa mo asilisili sese loa, a latou totonu mo latou ala na lotou kakaai.

Lua tosi kia Timoteo 3:6

E i ai ni iki ia latou e ului ia a fale, ti e lotou fakapopulai ni fafine valelea, mo mafaia i agasala, ti mo nofoi e olioli fakatino kesekese,

Tito 1:16

E lotou pati kua lotou iloa le Atua, kae e lotou fakafiti kiate ia i alatou gaoi : talie e lotou aga fakalialia, mo patigataa, ti e leaise lotou mafai ia fua se gaoi malie e tasi.

Tito 2:12

E ako mai e ia kia tatou ke tiaki le aga lee fakaatua mo olioli fakamalama, kae ke tou mauli i le sekulo leinei o mulimuli ki le poto, mo le maokioki, ti mo le agamalie ki le Atua,

Sakopo 1:26

Kapau e manatu se tasi e tausi lotu a ia, kae e leaise taofi e ia lona alelo, mo kakai e ia lona loto totonu, e leaise aoga le lotu o le tagata lena.

Uluaki tosi a Petelo 1:14

Ofaipe ni fanau patigaofie, ke aua na kotou fakatatau koutou ki oli ala na kotou maua i mua, i le temi leia na kotou nonofo ai i le fakapouli.

Apokalipisi 12:9

Ti na ti loa ki fafo le gata lasi, le gata afea, leia na igoa ko Tiapolo mo Satana, leia na kakaai ia le malama nei katoa. Ti na ti loa a ia ki le kele, ti na ti foki ana kau aselo mo ia ki le kele.

Apokalipisi 13:14

Ti na kakaai e ia a kakai o le malama nei ki ana nea fakaofolele ala na soli ke fai e ia i mua o le uluaki manu fekai. Ti na pati a ia ki kakai o le malama nei ke fau se fakatata o le manu leia na lavea i le seleta ti na mauli.

Apokalipisi 18:2

Ti na kalaga leo lasi loa a ia, o pati : Kua vilo Papilone lasi, kua vilo a ia ! Kua liliu a ia ko se nofoaga o temonio, ko se tanakiaga o laumalie kelekele fuli, ko se tanakiaga o manu lele fuli e kelekele mo fakalialia,