Tito 3:2 - Tosi Tapu

² ke aua na lotou lauveli ki se tasi, ke lotou fakatokatoka, mo fakapotopoto, mo apele i le agamalu ki tagata fuli.

Tito 3:2 ပူးပေါင်းရင်းမြစ်များ

Lua tosi a Samuele 22:36

E ke soli mai kiate au le paletau o lau fakamauli, Ti e kau liliu o lasi i lou agamalie.

Pesalemo 140:11

Ke laku kia latou ni malala kaka ! Ke ti latou ki le afi, Ki vanu, ala e leaise mafai ke lotou toe tuu ake i ai !

Taagapati 19:19

Ko le tagata itaita e tonu ke tuku ki ai se tua ; Talie kapau e ke tuku a ia ke lauatea, e tonu loa ke ke toe liliu ki muli.

Taagapati 25:24

E malie ake le nofo i se tuliki o le fale i fafo, I le nofo mo se fafine fefele i loto o se fale.

Taagapati 6:19

Mo le tagata fakamaoki loi leia e fakasa ia ni loi, Ti mo leia e fakatupu ia ni fefele i fetaina.

Esaia 40:11

Ofaipe se tagata tausi manu, e fagai loa e ia lana kau manu, E too loa e ia a akeno i ona lima, Ti e luluku loa e ia latou i lona fatafata ; E taki loa e ia a ovi fafine ala e fakau olatou uviki.

Mateo 11:29

Kotou amo laku laakau taki, ti kotou tali aku akonaki, talie e kau agamalu mo loto fakataulalo ; ti e kotou maua loa le malolo ki okoutou laumalie.

Gaoi 23:5

Ti na pati loa Paulo : Na leaise kau iloa, fetaina, ko le pule faisakilifisio a ia ; talie e tuu i le tosi : E leaise ke masau veli loa ki le pule o lou kakai.

Uluaki tosi ki le kau Kolinto 6:10

mo le kau tagata fia fafine, mo le kau tagata fai tagata, mo le kau kaia, mo le kau manumanu koloa, mo le kau faakona, mo le kau lauveli, mo le kau kaia tagata, e leaise lotou ulu loa ki le puleaga o le Atua.

Uluaki tosi ki le kau Kolinto 9:19

Talie, e logo ai loku lauatea mei tagata fuli, kae kua kau liliu ko se tagata fakasausau ki tagata fuli, o tupu ke maua ai se kakai toka api ake.

Lua tosi ki le kau Kolinto 10:1

Ko au Paulo, e kau kole atu kia koutou, i le agamalu mo le agamalie o Kilisito, a au leia e mata gaegae i okoutou mua mo ka kau nofo mo koutou, ti e apele i le loto toa kia koutou mo ka kau nofo mamao.

Lua tosi ki le kau Kolinto 12:20

Talie e kau i na leaise kau maua koutou, i laku tau atu, ofaipe le nea leia e kau loto ki ai, ti ke kotou maua au ofaipe le nea leia e leaise kotou loto ki ai. E kau tuania na i ai ni fefele, mo ni finenonofo, mo ni masau lalasi, mo ni fefiliaki, mo ni fatufatu, mo ni lauveli, mo ni fia nealasi, ti mo ni maveuveu.

Kalate 5:22

Kae ko le fua o le Laumalie, ko le alofa, mo le fiafia, mo le tokamalie, mo le kataki fualoa, mo le agamalie, mo le fakataulalo, mo le agatonu, mo le agamalu, mo le loto lolomi ;

Kalate 6:1

Fetaina, kapau e maua atu se tasi kua sala, ko koutou ala e fakalaumalie, kotou fakatonutonu a ia i se loto agamalu. Tokaga kiate koe totonu, talie ke aua na toe fakasalai foki mo koe.

Kalate 6:10

Koia, i le koi tou maua ia le faigamalie, tou fai le nea leia e malie ki tagata fuli, kae tafito ki fetaina i le tui.

Efeso 4:2

i le loto fakataulalo mo le agamalu katoa, mo le kataki fualoa, o kotou fekatakiaki i le alofa,

Efeso 4:31

Ke puli ia koutou a manatu kona fuli, mo loto veli, mo itaita, mo kalaga, mo fatituu, ti mo agaveli fuli.

Filipe 4:5

Ke iloa lokoutou agamalie e tagata fuli, kua ofi le Aliki.

Uluaki tosi ki le kau Tesalonika 2:7

kae na motou apele i le agamalu i loto malie o koutou, io ofaipe se fafine taupau toe leia e tokaga malie ki ana fanau :

Uluaki tosi kia Timoteo 3:11

E tatau foki mo fafine, ke lotou aga fakaapaapa, mo sala fatufatu, mo fakapotopoto, ti mo agatonu i nea fuli.

Uluaki tosi kia Timoteo 3:3

E tonu ke aua na inu kava a ia, pe agamakeke, kae ke agamalu, mo fakatokatoka, ti ke aua na manumanu paaga.

Sakopo 3:17

Ko le poto mei aluga, e fuafuaki mea a ia ; ti lua e tokamalie a ia, mo agamalu, mo loto malie, mo apele i le manavaalofa ti mo fua malilie, mo mea mei le fakapalatasi ti mo le malualoi.

Sakopo 4:11

Fetaina, ke aua na kotou masau veli, a la ki la. Ko leia e masau veli ki se taina, pe fakamaaui ia lona taina, e masau veli a ia ki le lao ti e fakamaaui e ia le lao. Ti kapau e ke fakamaaui ia le lao, e leaise ko se tagata loa a koe leia e fai ia le lao, kae ko lona tui fakamaau.

Uluaki tosi a Petelo 2:1

Koia kotou tiaki ai a agaveli fuli, mo kaka fuli, mo malualoi, mo finenonofo, ti mo fatufatu fuli,

Uluaki tosi a Petelo 3:10

Talie kapau e loto se tasi ke alofa ki le mauli, Ti ke tio ki ni aso manuia, Ke taofi e ia lona alelo i le veli, Mo ona laugutu i masau kaka,

Uluaki tosi a Petelo 3:8

Tie fakaoki loa, ke kotou maua fuli ni manatu tatau, mo ni manatu loto tatau ; ke kotou apele i le alofa fakatautaina, mo le loto alofa, ti mo le fakataulalo.

Uluaki tosi a Petelo 4:4

Koia e lotou punamauli ai i leia e leaise koi kotou feoso mo latou ki fakavalevale o le mauli fakalialia lena, ti e lotou lau veli kia koutou.

Lua tosi a Petelo 2:10

tafito latou ala e makape i muli o le kanofi i se oli fakakelekele, ti e nukinuki ki le pule a le Atua. E lotou agamakeke mo loto fefeka, e leaise lotou i fuai i le lauveli ki le kau pule fakakololia o le lagi,

Suta 1:10

Kae ko latou ana, e lotou masau veli ki le nea leia e leaise lotou matala ki ai ; ti ko le nea leia e lotou iloa fakakanofi, ofaipe ni manu kaikivao, e fakakelekele ia latou.

Suta 1:8

Logo ai le nea lena, ko tagata foki ana e fai nea tatau : e lotou maua ni tio ala e taki ia latou ke lotou fakakelekele olatou tino, ti e lotou nukinuki ki le pule a le Aliki, ti e lotou lauveli ki kololia i le lagi.