Tito 3:13 - Tosi Tapu

¹³ Ke ke tokaga o tokoi ki le folau a Senasi, ko le toketa o le lao, ti mo Apolosio, ke aua na puli se nea kia laua.

Tito 3:13 ပူးပေါင်းရင်းမြစ်များ

Mateo 22:35

ti na fai loa e se tasi o latou, ko se toketa poto, le vesili leinei kia Sesu, ke asiasii ai a ia :

Luka 10:25

Na tuu loa ki aluga se toketa o le lao o pati kia Sesu, ke asiasii ai a ia : Pule, kolea le nea e tonu ke kau fai ke maua ai le mauli lee gato ?

Luka 11:45

Na masau loa se tasi o le kau toketa o le lao, o pati kiate ia : Pule, i lau masau fenaaki, e ke toe valoki ai foki matou.

Luka 11:52

Malaia kia koutou, kau toketa o le lao ! Talie na kotou too le kalavi o le poto ; na leaise kotou ulu a koutou totonu, ti na kotou tapui ke ulu latou ala na fia ulu ki ai.

Luka 14:3

Na masau loa Sesu, o vesili ki le kau toketa o le lao mo le kau faliseo : Pe taga ke fakamauli se tasi i le aso o le sapato, pe leai ?

Luka 7:30

kae ko le kau faliseo mo le kau sekelipa, na lotou fakanoai le finegalo o le Atua kia latou, i lalatou fakafiti ke papitema latou e Soane.

Gaoi 15:3

I le oki o lolatou tuku ake e le Ekelesia, na lotou soko atu loa lolatou fanoga i Fenisia mo Samalia, o fakamatala ki fetaina le tafoki o le kau pagani, ti na lotou fiafia lasi ai.

Gaoi 18:24

Ti na nake loa ki Efeso se tagata Sutea, na igoa ko Apolosio, na tupu i Alekasia, ko se tagata na poto masau, ti na toe poto lasi i le Tosi tapu.

Gaoi 19:1

I le koi nofo a Apolosio i Kolinito, na kaku loa Paulo ki Efeso, i le oki o lana fakalaka i fenua o Asia. I lana felavei mo ni iki o le kau tisipulo, na pati loa a ia kia latou :

Gaoi 21:5

Kae, i le oki o aso ana e fitu, na motou ano loa, ke soko atu lamatou folau, ti na lotou au fuli loa mo olatou avaga ti mo olatou fanau, o ave matou o tuku ki le tua kolo. Na motou tuutuli loa i le mata tai, o faikole.

Gaoi 28:10

Na lasi ai lalatou fai nea alofa kia matou ; ti i lamatou mavae, na lotou soli mai loa kia matou a nea fuli ala na aoga kia matou.

Loma 15:24

E kau amanaki e kau felavei loa mo koutou i laku fanoga ki Sepania, ti e kotou ave ai loa au, mo ka katoa loa loku fimalie i se ga temi mo koutou.

Uluaki tosi ki le kau Kolinto 16:11

Ke aua na nukinuki se tasi kiate ia. Ke kotou tokoi kiate ia ke folau mai kiate au i le tokamalie, talie e kau talitali kiate ia mo fetaina.

Uluaki tosi ki le kau Kolinto 16:12

O uiga mo le taina ko Apolosio, na kau kole makeke kiate ia ke natu kia koutou mo fetaina, kae na leaise loto a ia ke natu i le temi nei ; koi natu loa a ia mo ka maua loa e ia se faigamalie.