Tito 2:8 - Tosi Tapu

⁸ ti mo se folafola maoki, mo lee sala, o tupu ke luma ai leia e fakafesagai, talie e leaise maua e ia se nea leia ke lauveli ai kia tatou.

Tito 2:8 ပူးပေါင်းရင်းမြစ်များ

Neemia 5:9

Ti na kau pati loa : Ko le nea leia e kotou fai e leaise malie. Pe na leaise tonu ke kotou saele i le i ki lotatou Atua, o tupu ke aua na lauvelii tatou e puleaga ala e fili mai kia tatou ?

Esaia 66:5

Kotou fakalogo ki le folafola a le Eteleno, Koutou ala e i ki lana folafola. Ko leinei le nea e pati ki ai okoutou fetaina, Ala e vesia kia koutou ti e fakalialia kia koutou O tupu ko loku suafa : Ke fakasa e le Eteleno lona kololia, Ti ke motou tio ki lokoutou fiafia ! Kae e lotou luma loa.

Maleko 12:17

Ti na pati loa a ia kia latou : Kotou liufaki kia Sesale le nea a Sesale, ti kotou liufaki ki le Atua le nea a le Atua. Ti na lotou ofolele ai kiate ia.

Maleko 12:28

Ko se tasi o le kau sekelipa, leia na fakalogo ki lalatou masau, ti na tio ki le malie o le tali a Sesu ki le kau Satuseo, na fakafeofi ake loa, o vesili kiate ia : Ko le fakatotonu fea e lasi oki i fakatotonu fuli ?

Maleko 12:32

Na pati loa le sekelipa kiate ia : E malie, ei pule ; kua ke fakasa ia le maoki ko le Atua e tasi, ti e leaise tasi ake Atua iate ia,

Maleko 12:34

I le iloa e Sesu lana tali poto, na pati loa a ia kiate ia : E leaise ke mamao i le puleaga o le Atua. Ti na leaise tasi fua na mafai ke toe fai ia ni vesili kiate ia.

Luka 13:17

I lana masau felaaki, na apele ona fili fuli i le luma, kae na fiafia le kakai ki nea fulumalilie fuli ala na fai e ia.

Lua tosi ki le kau Tesalonika 3:14

Ti kapau e leaise fakalogo se tasi ki le nea leia e motou fakasa atu i le tosi leinei, kotou fakamaumau a ia, ti aua na kotou toe fakatasi loa mo ia, o tupu ke luma ai.

Uluaki tosi kia Timoteo 5:14

Koia e kau loto ai ke avaga a fafine lokonui tupulaga, ke lotou maua ni alatou fanau, ke lotou takitaki olatou fale, o tupu ke aua na lotou tuku ki le fili se faigamalie ke lauveli ;

Uluaki tosi kia Timoteo 6:3

Kapau e fai e se tasi ni akonaki loi, kae leaise pipiki a ia ki folafola maoki o lotatou Aliki ko Sesu-Kilisito ti mo le akonaki leia e mulimuli ki le aga fakaatua,

Tito 3:14

E tonu ke ako e latou foki ala o tatou, ke lotou fai a gaoi malilie ala e aoga ki nea fakavilivili, o tupu ke lotou mauli aoga.

Uluaki tosi a Petelo 2:12

Kotou maua i lotolotoga o le kau pagani se mauli malie, o tupu, i le nea leia e lauvelii ai koutou ofaipe ni tagata veveli, ke lotou tio ki akoutou gaoi malilie, ti ke lotou fakafetai ki le Atua, i le aso leia e fakatele ai loa a ia kia latou.

Uluaki tosi a Petelo 2:15

talie ko le finegalo o le Atua, i lakotou fai ia le malie, ke kotou tapono a gutu o tagata valelea.

Uluaki tosi a Petelo 3:16

ti ke kotou maua se loto lauatea, o tupu, i le nea leia e lotou lau veli ai kia koutou ofaipe ni tagata agaveli koutou, ke lotou luma, latou ala e fai loi ki lokoutou mauli malie ia Kilisito.