Tito 2:5 - Tosi Tapu

⁵ ti ke lotou fakapotopoto, mo mea, mo tokaga ki gaoi fakalotofale, mo agamalie, mo fakataulalo ki olatou avaga, o tupu ke aua na lauvelii le folafola a le Atua.

Tito 2:5 ပူးပေါင်းရင်းမြစ်များ

Senesi 18:9

Ti na lotou pati loa kiate ia : Kofea lou avaga ko Sala ? Na tali loa a ia : Ko leia i le falela.

Senesi 3:16

Ti na pati loa a ia ki le fafine : E kau fakalasi loa le mamae o ou tinae, ti e ke fanau loa i le mamae, ti e ano loa ou oli ki lou avaga, kae e pule loa a ia kiate koe.

Lua tosi a Samuele 12:14

Kae ko leinei, o tupu kua ke fai se nea leia ke lauveli ai a fili o le Eteleno, e mate loa le vosa leia kua tupu kiate koe.

Pesalemo 74:10

Pe kaku loa kiafea, ei Atua, le lauveli a le tagata fakaveliveli, Le gologolo tuumau a le fili ki lou suafa ?

Taagapati 7:11

Na gutu logoa a ia mo matasoka ; Na leaise nofo mau ona vae i lona fale ;

Gaoi 9:36

Na nofo i Sope, i le kau tisipulo, se fafine na igoa ko Tapita, ko lona uiga i le fakakeleka ko Tolokasi ; na fai e le fafine lena ni gaoi malilie lasi ai mo ni nea alofa.

Gaoi 9:39

Ti na tuu ake loa Petelo o ano mo laua. I lana kaku atu ki ai, na taki loa a ia ki le kogafale i fata. Ti na takatakai loa a ia e fafine lokonui fuli, o tagi mo fakasa ake kia Petelo a kofu mo taupulupulu ala na fai e Tolokasi i lana koi nofo mo latou.

Loma 14:16

E leaise tonu ke liliu le nea e malie kia koutou ko se nea ke fakatupu lauveli ki ni iki ake.

Loma 2:24

Talie kua lauvelii le suafa o le Atua i le kau pagani o tupu ko koutou, ofaipe lona tuu i le Tosi.

Uluaki tosi ki le kau Kolinto 11:3

Kae e kau loto ke kotou iloa ko Kilisito ko le pule a ia o tagata fuli ; ti ko le tagata ko le pule a ia o le fafine ; ti ko le Atua ko le pule a ia o Kilisito.

Uluaki tosi ki le kau Kolinto 14:34

ke fakalologo fafine i fakatasi, talie e leaise taga ke lotou masau i ai ; kae ke lotou fakataulalo, ofaipe lona fakasa foki e le lao.

Efeso 5:33

E kau fakaoki atu loa : ke tasi alofa le tagata ki lana avaga ofaipe kiate ia totonu, ti ke fakaapaapa le fafine ki lona avaga.

Kolose 3:18

Fafine avaga, kotou fakataulalo ki okoutou avaga, talie e malie le nea lena i le Aliki.

Uluaki tosi kia Timoteo 5:10

ti ke iloa a ia o tupu ko ana gaoi malilie : ke tausi malie a ia ki ana fanau, mo fakatalitali kaiga matapule, mo fufulu a vae o le kau sagato, mo tokoi ki le kau masaki, ti mo fai ia a gaoi malilie fuli.

Uluaki tosi kia Timoteo 6:1

Ke tio latou fuli ala e nofo i le popula ki olatou pule ofaipe ni tagata e gali mo le fakaapaapa katoa, o tupu ke aua na lauvelii le suafa o le Atua mo le akonaki.

Tito 2:4

o tupu ke lotou ako ki le kau fafine tupulaga ke alofa ki olatou avaga mo alatou fanau,