Tito 2:15 - Tosi Tapu

¹⁵ Fakasa a nea ana, ekenaki, ti mo valoki i le makeke katoa. Ke aua na nukinuki se tasi kiate koe.

Tito 2:15 ပူးပေါင်းရင်းမြစ်များ

Mateo 7:29

talie na akonaki a ia ofaipe se tasi leia e nofo mo le pule o le Atua, kae e leaise faipe olatou sekelipa.

Maleko 1:22

Na lotou ofolele i lana akonaki ; talie na akonaki a ia ofaipe se tasi leia e nofo mo se pule, kae na leaise akonaki a ia ofaipe le kau sekelipa.

Maleko 1:27

Na lotou ofolele fuli i le nea lena, o pati : Kolea le nea leinei ? Ko se akonaki foou ! E masau a ia mo se pule ki laumalie veli foki, ti e lotou fakalogo kiate ia !

Luka 4:36

Na lotou i fuli loa, o lotou fepatiaki : Kolea le folafola leinei ? E lagiaki foki a ia i le pule mo le makeke ki laumalie veli, ti e lotou mavae !

Uluaki tosi ki le kau Kolinto 16:11

Ke aua na nukinuki se tasi kiate ia. Ke kotou tokoi kiate ia ke folau mai kiate au i le tokamalie, talie e kau talitali kiate ia mo fetaina.

Uluaki tosi kia Timoteo 5:20

Ko latou ala e agasala, valoki latou i mua o le Ekelesia katoa, o tupu ke i foki mo latou ake ala.

Lua tosi kia Timoteo 4:2

ke ke fakasa le folafola : too a faigamalie fuli, pe malie pe veli ; valoki, mo fakatonutonu, mo ekenaki, i le kataki fualoa katoa ti mo le akonaki.

Tito 1:13

E maoki le fakamaoki lena. Koia ke ke valoki fakamakeke ai latou, o tupu ke lotou maua se tui mea,

Uluaki tosi a Petelo 4:11

Kapau e masau se tasi, ke fakasa e ia a folafola a le Atua ; kapau e fai e se tasi se gaoi fakaatua, ke fai e ia a ia o mulimuli ki le makeke leia e soli e le Atua, o tupu ke tuku le kololia ki le Atua i nea fuli ia Sesu-Kilisito, leia e maua ia le kololia mo le mafimafi, i sekulo mo sekulo. Amene !