Tito 2:11 - Tosi Tapu

¹¹ Talie kua fakasa le kalasia o le Atua, matapuna o le mauli ki tagata fuli.

Tito 2:11 ပူးပေါင်းရင်းမြစ်များ

Pesalemo 67:2

Ke alofa le Atua kia matou ti ke tapuaki a ia kia matou, Ke fakagigila e ia ona mata kia matou. - Manava.

Pesalemo 84:11

E malie ake se aso e tasi i ou lotoa i ni aso e afe i tafa ; E malie ake kiate au laku tuu i le matapa o le fale o loku Atua, I laku nofo i falela o le agaveli.

Pesalemo 96:10

Kotou fakasa i le lotolotoga o atu puleaga : E sau le Eteleno ; Koia e tuu mau ai le malama nei, e leaise taugaoi a ia. E fakamaau e le Eteleno le kakai i le maoki.

Esaia 45:22

Kotou tafoki mai kiate au, ti e kotou mauli loa, Koutou fuli ala e nonofo i potupotu o le malama nei ! Talie ko au ko le Atua, e leaise tasi ake Atua.

Esaia 49:6

E pati a ia : Ko se nea noa ke ke liliu ko laku tagata fakasausau O toe lagai a faasiga o Sakopo, Ti mo toe aumai a toetoega o Iselaele : E kau fakanofo a koe ke liliu ko le malama o atu puleaga, Ke ave ia loku fakamauli o kaku ki potupotu o le malama nei.

Esaia 52:10

E fakasa e le Eteleno le lima o lona maokioki I mata o atu puleaga fuli ; Ti e tio loa a potupotu fuli o le malama nei Ki le fakamauli a lotatou Atua.

Sakalia 12:10

Ti e kau liligi loa ki le fale o Tavite ti mo le kakai o Selusalemi Se laumalie o le alofa ti mo le tagi, Ti e lotou tagaki loa olatou mata kiate au, leia na lotou sokai ki le tao. E lotou tagi mamae loa kiate ia ofaipe le tagi ki se vosa fuatasi, E lotou tagi mamae loa kiate ia ofaipe le tagi ki se vosa uluaki.

Sakalia 4:7

Ko ai a koe, mauga lasi ? E ke lapa loa i mua o Solopapele ! E teki loa e ia le fatu tafito i loto malie o ni kalaga fakafiafia : Kalasia, kalasia kiate ia !

Mateo 28:19

Kotou ano, kotou fai ni tisipulo i puleaga fuli, o papitema latou i le suafa o le Tamana, mo le Alo mo le Laumalie Maokioki,

Maleko 16:15

Ti na pati loa a ia kia latou : Kotou ano i le malama nei katoa, ti kotou fakamafola le logo malie ki tagata fuli.

Luka 24:47

ti e fakasa loa le fakasemala mo le fakamolemole o agasala i lona suafa ki puleaga fuli, o kamata mei Selusalemi.

Luka 3:6

Ti e tio loa a kanofi fuli ki le fakamauli o le Atua.

Soane 1:14

Ti na tupu tagata le folafola, ti na nofo a ia ia tatou, o apele i le kalasia mo le maoki ; ti na motou tio ki lona kololia, ko se kololia ofaipe le kololia o le Alo fuatasi na au mei le Tamana.

Soane 1:9

Ko le malama lena ko le malama maoki, leia na au ki le malama nei, ke fakamalama ia a tagata fuli.

Gaoi 11:23

I lana kaku ki ai, o tio ki le kalasia o le Atua, na fiafia loa a ia, ti na ako loa e ia latou fuli ke lotou pipiki mau ki le Aliki.

Gaoi 13:43

ti i le mavete o le fakatasi, na toka api ai ni Sutea mo ni poloselita tausi malie ki le Atua na muli loa ia Paulo mo Palenapa, ti na la masau loa kia latou, o fakalotoi latou ke pipiki ki le kalasia o le Atua.

Gaoi 13:47

Talie ko le fakatotonu a ia leia na tuku mai e le Aliki kia maua : Na kau fakanofo a koe ke liliu ko le malama o puleaga, Ke ave ia le fakamauli o kaku ki potupotu o le malama nei.

Gaoi 17:30

Kae na leaise fakaaoga e le Atua a temi ala na nofo ai a tagata i le fakapouli, kae kua fakasa e ia i le temi nei ki tagata fuli i ganea fuli, e tonu ke lotou fakasemala,

Gaoi 20:24

Kae e leaise kau tokaga fua ki loku mauli, o sakinake koi mauiga a ia kiate au, kae kese fua ke kau fakaoki i le fiafia laku makape, ti mo le gaoi leia kua kau tali mei le Aliki Sesu, ke fakasa le logo malie o le kalasia o le Atua.

Loma 10:18

Kae e kau pati : Pe na leaise lotou logo ? E io ! Kua taka olatou leo i le malama nei katoa, Ti kua kaku alatou folafola ki potupotu o le malama nei.

Loma 5:15

Kae e leaise tatau le sala mo le soli noa ; talie, kapau i le sala a se toka tasi na mamate ai se toka api, e toe feaki ake loa le lasi o le liligi ki se toka api o le kalasia o le Atua ti mo le soli noa o le kalasia, i se fa tagata e toka tasi, ko Sesu-Kilisito.

Loma 5:2

iate ia kua mafai ai i le tui ke tou ulu ki le kalasia lena, leia e tou tuu makeke i ai, ti e tou fiafia i le amanaki malie ki le kololia o le Atua.

Lua tosi ki le kau Kolinto 6:1

Talie e ma kaukau gaoi mo le Atua, e ma fakakolekole foki kia koutou ke aua na kotou tuku ke to noa le kalasia o le Atua.

Kalate 2:21

E leaise kau fakafiti ki le kalasia o le Atua ; talie kapau e maua le faitotonu i le lao, ti na leaise uiga o le mate o Kilisito.

Efeso 2:5

tatou ala na mamate i atatou patigataa, kua fakamauli e ia tatou fakatasi mo Kilisito (kua kotou mauli i le kalasia) ;

Efeso 2:8

Talie na fakamauli koutou i le kalasia, ki le tui. Ti e leaise au le nea lena meia koutou, ko le nea alofa a ia o le Atua ;

Kolose 1:23

mo kapau e kotou tuu mau i le tui, o leaise kotou maliu kese mei le amanaki malie o le Evaselio leia kua kotou logo ki ai, leia kua fakasa ki tagata fuli i le lalo lagi, ti kua fakanofo ai au, Paulo, ko lana tagata gaoi.

Kolose 1:6

Kua kaku atu a ia kia koutou, ti mo le malama nei katoa ; ti kua fua a ia, ti kua mafola a ia, o fai foki pe koutou, talu mei le aso leia na kotou logo ai mo iloa ai le kalasia o le Atua i le maoki,

Lua tosi ki le kau Tesalonika 2:16

Ko lotatou Aliki ko Sesu-Kilisito totonu, ti mo le Atua ko lotatou Tamana, leia na alofa kia tatou, ti na soli ia kia tatou i lona kalasia se fakapelepele lee gato ti mo se amanaki malie,

Uluaki tosi kia Timoteo 1:14

ti na lasi ai le kalasia o lotatou Aliki, mo le tui ti mo le alofa leia e maua ia Sesu-Kilisito.

Uluaki tosi kia Timoteo 2:4

leia e loto ke fakamauli tagata fuli, ti ke lotou kaku ki le iloa katoa o le maoki.

Lua tosi kia Timoteo 1:10

Kua fakasa le kalasia lena i le temi nei i le sa mai o lotatou Fakamauli ko Sesu-Kilisito, leia kua fakagato ia le makeke o le mate ti kua fakasa ia ki le malama le mauli mo le lee mate i le Evaselio.

Lua tosi kia Timoteo 4:17

Kae ko le Aliki leia na tuu mo au ti na fakamakeke ia au, o tupu ke kau fakasa le akonaki katoa ti ke logo ki ai le kau pagani fuli. Ti na fakamauli au mei le gutu o le laione.

Epelo 12:15

Ke kotou tokaga na tausala se tasi i le kalasia o le Atua, ti ke aua na i ai fua se aka kona, leia e somo ai ni uli mo fakatupu ia se mamae, ti ke kelekele ai se toka api.

Epelo 2:9

Kae ko leia na tuku i se ga temi ikiiki ki lalo o le kau aselo, Sesu, e tou tio kua fakapala a ia ki le kololia mo le fakamauiga, o tupu ko le mate leia na mamae ai ; talie ko le kalasia lena o le Atua ke mamae a ia ki le mate o tupu ko tagata fuli.