Tito 2:10 - Tosi Tapu

¹⁰ ke aua na lotou kaia, kae ke lotou fakasa tuumau se agatonu mo agamalie tuumau kia latou i nea fuli, o tupu ke lotou fakasa i nea fuli le kololia o le akonaki a le Atua ko lotatou Fakamauli.

Tito 2:10 ပူးပေါင်းရင်းမြစ်များ

Pesalemo 101:6

E tuku loa oku mata ki le kau agatonu o le fenua, O tupu ke lotou nonofo i oku tafa ; Ko leia e saele i se ala saosaoa e liliu loa ko laku tagata fakasausau.

Esaia 12:2

Ko leinei, ko le Atua ko loku fakamauli, E kau apele loa i le fanaki, ti e leaise kau tuania loa se nea ; Talie ko le Eteleno, ko le Eteleno ko loku makeke ti ko le tupuaga o aku sua fakafetai ; Ko ia leia na saofaki ia au.

Mateo 24:45

Ko ai loa le tagata fakasausau agatonu mo poto, leia kua fakanofo e lona aliki ke pule ki ana kakai, mo tufa ia kia latou le nea kai i lona temi totonu.

Mateo 5:16

Ke mu lokoutou malama i mua o tagata, o tupu ke lotou tio ki akoutou gaoi malilie, ti ke lotou fakakololia ki lokoutou Tamana leia e nofo i le atu lagi.

Luka 1:47

Ti e fiafia loku loto i le Atua, loku Fakamauli.

Luka 1:80

Ti na tupu le toe o lasi, ti na fakamakeke a ia i le laumalie. Ti na nofo loa a ia i toafa o kaku ki le aso leia na tuu ai loa a ia i mua o Iselaele.

Luka 16:10

Ko leia e agatonu i nea liliki e toe agatonu foki a ia i nea lalasi, ti ko leia e lee agatonu i nea liliki e toe lee agatonu foki a ia i nea lalasi.

Soane 12:6

Na pati a ia ki le nea lena, o leaise tupu na mamae a ia ki le kau mativa, kae tupu ko se tagata kaia a ia, ti e i lana taupau le kisi paaga, na tau too e ia le nea leia na tuku ki ai.

Uluaki tosi ki le kau Kolinto 4:2

Ti ko le nea foki leia e kole ki ni tagata tausi koloa, ke lotou tasi agatonu i lana gaoi.

Efeso 4:1

Koia e kau kole ai kia koutou, e au, ko le tagata pilisoni i le Aliki, ke kotou saele i se saele leia e gali mo le kalaga leia kua fai atu kia koutou,

Filipe 1:27

Koleia fua, kotou saele i se saele leia e gali mo le Evaselio o Kilisito, o tupu, pe kau natu o tio kia koutou, pe kau puli, ke kau logo e kotou tuu makeke i se loto e tasi, o tau i se laumalie e tasi ki le tui o le Evaselio ;

Filipe 4:8

Fakaoki loa, fetaina, kotou tokaga ki nea fuli ala e malilie ti mo gali i le fakavikiviki : tafito a nea fuli ala e maoki, mo fakaapaapa, mo totonu, mo mea, mo aloalofa, ti mo mata malie.

Uluaki tosi kia Timoteo 1:1

Ko au Paulo, apositolo a Sesu-Kilisito i le fakatotonu a le Atua lotatou Fakamauli ti mo Sesu-Kilisito lotatou amanaki malie,

Uluaki tosi kia Timoteo 5:17

Ko kau fakamatuatua ala e taki malie, ke tuku kia latou se fakaapaapa lasi, kae tafito latou ala e gaoi ki le folafola mo le akonaki.

Uluaki tosi kia Timoteo 6:1

Ke tio latou fuli ala e nofo i le popula ki olatou pule ofaipe ni tagata e gali mo le fakaapaapa katoa, o tupu ke aua na lauvelii le suafa o le Atua mo le akonaki.

Uluaki tosi kia Timoteo 6:3

Kapau e fai e se tasi ni akonaki loi, kae leaise pipiki a ia ki folafola maoki o lotatou Aliki ko Sesu-Kilisito ti mo le akonaki leia e mulimuli ki le aga fakaatua,

Tito 1:3

ti kua fakasa ia lana folafola i lona temi i le akonaki leia kua tuku mai kiate au o mulimuli ki le fakatotonu a le Atua ko lotatou Fakamauli,

Tito 3:4

Kae i le oki o le fakasa o le agamalie o le Atua ko lotatou Fakamauli ti mo lona alofa ki le tagata,

Uluaki tosi a Petelo 2:12

Kotou maua i lotolotoga o le kau pagani se mauli malie, o tupu, i le nea leia e lauvelii ai koutou ofaipe ni tagata veveli, ke lotou tio ki akoutou gaoi malilie, ti ke lotou fakafetai ki le Atua, i le aso leia e fakatele ai loa a ia kia latou.

Uluaki tosi a Petelo 3:16

ti ke kotou maua se loto lauatea, o tupu, i le nea leia e lotou lau veli ai kia koutou ofaipe ni tagata agaveli koutou, ke lotou luma, latou ala e fai loi ki lokoutou mauli malie ia Kilisito.

Lua tosi a Soane 1:9

Ko leia e leaise nofo i le akonaki a Kilisito, kae fanatu mamao, e leaise maua e ia le Atua. Ko leia e nofo i le akonaki lena e maua e ia le Tamana mo le Alo.

Uluaki tosi a Samuele 22:14

Na tali loa Asimeleke ki le sau : Ko ai i au tagata fakasausau fuli e feala ke fakatatau kia Tavite, tagata fakasausau agatonu, fugao o le sau, leia e alofa ki ana fakatotonu, ti e alofa ki ai lou fale ?

Uluaki tosi a Samuele 26:23

E totogi loa e le Eteleno ki le tagata taki toka tasi o mulimuli ki lana faitotonu mo lona agatonu ; talie na soli mai a koe e le Eteleno ki oku lima i le aso nei, kae na leaise kau loto ke mafao atu oku lima ki le filifiliia a le Eteleno.