Tito 1:9 - Tosi Tapu

⁹ ti ke pipiki a ia ki le folafola maoki ofaipe lona akonaki atu, o tupu ke mafai foki e ia lana ekenaki mo lana valoki ki le akonaki totonu latou ala e fakafesagai.

Tito 1:9 ပူးပေါင်းရင်းမြစ်များ

Sopo 2:3

Na pati loa le Eteleno kia Satana : Pe na ke tokagai laku tagata fakasausau ko Sopo ? E leaise tatau fua se tasi mo ia i le malama nei ; ko se tagata saosaoa mo agatonu, mo i ki le Atua, ti mo fakamamao mei le veli. Koi tuu makeke a ia i lona agatonu, kae na ke ekenaki au ke fakapuli a ia kae leai sona tupuaga.

Sopo 27:6

E kau loto ke kukumi tukupau loku maokioki, e leaise kau toe gaegae loa ; E leaise fakalakasala au e loku loto i se nea fua e tasi o loku mauli.

Taagapati 23:23

Totogi le maoki, ti aua na ke fakatau a ia, Mo le poto, mo le akonaki, ti mo le atamai.

Gaoi 18:28

talie na taui fakamakeke e ia le kau Sutea i ganea apiapi, o fakasa mei le Tosi tapu ko Sesu ko le Kilisito.

Uluaki tosi ki le kau Kolinto 14:24

Kae kapau e kotou kikite fuli, kae e ulu mai loa se tasi leia e lee tui, pe ko se tagata leia e fia logo, e lave loa akoutou masau i lona loto, ti e fakamaaui loa a ia e koutou fuli,

Uluaki tosi ki le kau Tesalonika 5:21

Kae kotou sivisivi a nea fuli ; kotou taofi le nea leia e malie ;

Lua tosi ki le kau Tesalonika 2:15

Koia, fetaina, kotou tuu makeke, ti kotou taofi a akonaki ala kua kotou tali, pe i lamatou folafola, pe i lamatou tosi.

Uluaki tosi kia Timoteo 1:10

ki le kau fai feauaki, mo le kau fakalialia, mo le kau kaia tagata, mo le kau gutu loiloi, mo le kau fakamaoki loi, ti mo nea fuli ala e fakafesagai ki le akonaki totonu,

Uluaki tosi kia Timoteo 1:15

Ko se folafola maoki ti mo gali ke tali, na au Sesu-Kilisito ki malama nei o fakamauli le kau agasala, ti ko au ko le uluaki o latou.

Uluaki tosi kia Timoteo 1:19

o ke taupau le tui, ti mo se atamai malie, leia kua tiaki e ni iki, o tupu ai le maumau o lalatou tui.

Uluaki tosi kia Timoteo 4:9

Ko se folafola maoki lena, ti e gali katoa a ia ke tali.

Uluaki tosi kia Timoteo 6:3

Kapau e fai e se tasi ni akonaki loi, kae leaise pipiki a ia ki folafola maoki o lotatou Aliki ko Sesu-Kilisito ti mo le akonaki leia e mulimuli ki le aga fakaatua,

Lua tosi kia Timoteo 1:13

Too mau i le tui mo le alofa leia ia Sesu-Kilisito, le faifaitaki o masau maoki ala na ke tali meiate au.

Lua tosi kia Timoteo 2:2

Ti ko le nea leia na ke logo meiate au i mua o ni kau fakamaoki toka api, tuku a ia ki ni kau tagata agatonu, ala e mafai ia lona toe ako foki ki ni iki ake.

Lua tosi kia Timoteo 2:25

e tonu ke fakatonutonu e ia i le agamalu latou ala e agatuu, na saga e soli loa e le Atua kia latou le fakasemala ke lotou tui ai ki le maoki,

Lua tosi kia Timoteo 3:14

Kae ko koe, ke ke nofo mau i nea ala kua ke ako ia, ti kua ke iloa totonu e maoki, talie e ke iloa leia na ke ako mei ai :

Lua tosi kia Timoteo 4:3

Talie e soko mai loa se temi leia e leaise koi kataki loa e tagata le akonaki totonu ; kae, i lalatou maua le mageo ke logo ki ni nea malilie, e lotou fakatupu loa ni kau fai akonaki toka api o fakatatau ki olatou oli.

Tito 1:11

Ti e tonu ke tapono olatou gutu. E lotou kakai ni famili katoa, o akonaki le nea leia e leaise tonu ke akonaki o tupu ko se totogi fakalumaluma.

Tito 2:1

Kiate koe, fakasa a nea ala e gali mo le akonaki totonu.

Suta 1:3

Alofaina, na kau oli lasi ke fai tosi atu kia koutou o uiga mo lotatou saofaki fakatasi, kae na kau logoi se fakamaua ke kau fai atu kia koutou le tosi leinei ke ekenaki ai koutou ke tau ki le tui leia kua tuku tua tasi ki le kau sagato.

Apokalipisi 2:25

Kae ke kotou taofi mau le nea leia e kotou maua, o kaku ki laku au.

Apokalipisi 3:11

E kau au vave. Taofi le nea leia e ke maua, o tupu ke aua na too lou pala e se tasi.

Apokalipisi 3:3

Koia ke ke manatui ai pe na feaki lau tali mo lau logo ki le folafola, ti ke ke kukumi a ia, ti ke ke fakasemala. Kapau e leaise ke tokaga, e kau au loa ofaipe se tagata kaia, ti e leaise ke iloa loa pe ko le ola fea leia e kau au ai loa o fakamauatoka a koe.