Tito 1:7 - Tosi Tapu

⁷ Talie e tonu ke lee sala le epikopo, ofaipe se tagata taupau koloa a le Atua ; ke aua na fia nealasi a ia, mo itaita, mo inu kava, mo agamakeke, mo manumanu ki koloa fakalumaluma,

Tito 1:7 ပူးပေါင်းရင်းမြစ်များ

Senesi 49:6

Ke aua na kau loku laumalie ki ala fono fakafufu. Ke aua na fakatasi loku laumalie ki ala fakatasiga, talie na la tamate ni tagata i lola ita, Ti na la tutuuti a vae o pipi i lola agaveli.

Taagapati 14:17

Ko leia e itaita vave e fai ia ni sala valea, Ti e tupu le vesia ki le tagata leia e apele i manatu veveli.

Taagapati 15:18

E fakatupu e se tagata itaita ni fefele, Kae ko le tagata kataki e lolomi ia ni felega.

Taagapati 16:32

Ko leia e ita tuvai e malie ake i le tagata toa, Ti ko leia e loto lolomi e malie ake i leia e malo i se kolo.

Ekelesiasi 7:9

Aua na ke ita vave i lou loto, talie e nofo le ita i le fatafata o le kau vale.

Esaia 28:7

Kae ko latou foki, kua lotou sisiga i le vino, Ti kua lotou ninimo o tupu ko kava makeke ; Kua sisiga a tagata faisakilifisio mo polofeta i kava makeke, Kua pule le vino kia latou ; Kua lotou maua ni ninimo o tupu ko kava makeke ; Kua lotou sisiga i le faikikite, Kua lotou matuletule i le fai fakamaau.

Esekiele 44:21

E leaise inu loa e se tagata faisakilifisio se vino mo ka ulu a ia ki le malae loto.

Levitiko 10:9

Aua na ke inu loa se vino, pe ko se kava, e koe mo ou vosa, i mua o lakotou ulu ki le falela tapu, ti e leaise kotou mamate loa : e kotou tausi loa le lao lena, e koutou mo akoutou fanau i temi fuli.

Mateo 24:45

Ko ai loa le tagata fakasausau agatonu mo poto, leia kua fakanofo e lona aliki ke pule ki ana kakai, mo tufa ia kia latou le nea kai i lona temi totonu.

Luka 12:42

Ti na pati loa le Aliki : Ko ai loa le tagata taupau koloa agatonu mo poto leia e fakanofo loa e lona pule ke tokaga ki ana tagata gaoi, ti ke soli kia latou le nea kai leia e aoga i lona temi ?

Efeso 5:18

Aua na kotou kona i le vino, ko le mauli fakavale a ia ; kae ke kotou apele i le Laumalie.

Filipe 1:1

Paulo mo Timoteo, ko tagata fakasausau a Sesu-Kilisito, ki le kau sagato fuli ia Sesu-Kilisito ala i Filipe, ki le kau epikopo, ti mo le kau tiakono :

Tito 1:5

Na kau tuku a koe i Kelete, o tupu ke ke fakatokatoka le nea leia koi toe ke fakatokatoka, ti ke ke fakanofo, o mulimuli ki aku fakatotonu, ni fakamatuatua i kolo taki tasi,

Tito 2:3

Fakasa ki fafine matutua, e tonu foki ke lotou maua se aga leia e gali mo le maokioki, ti ke aua na lotou fatufatu, pe fakavalevale ki le kava ; kae e tonu ke lotou tuku ni tokoi malilie,

Uluaki tosi a Petelo 4:10

Ofaipe ni tagata taupau koloa malie o kalasia kesekese o le Atua, ke kotou tasi fakaaoga kia koutou le nea alofa leia kua kotou maua.

Uluaki tosi a Petelo 5:2

Kotou fagai le kau ovi a le Atua leia kua tuku atu ke kotou tausi, o leai i le fakatotoso, kae i le loto malie, o mulimuli ki le finegalo o le Atua ; o leai i le oli ke maua se paaga, kae i le mafi o le alofa ;

Lua tosi a Petelo 2:10

tafito latou ala e makape i muli o le kanofi i se oli fakakelekele, ti e nukinuki ki le pule a le Atua. E lotou agamakeke mo loto fefeka, e leaise lotou i fuai i le lauveli ki le kau pule fakakololia o le lagi,