Tito 1:6 - Tosi Tapu

⁶ mo kapau e maua i ai se tagata leia e lee sala, ko le avaga o se fafine e tasi, e tui ana fanau, ti e leaise valoki latou i le mauli fakalialia pe ko le patigataa.

Tito 1:6 ပူးပေါင်းရင်းမြစ်များ

Senesi 18:19

Talie kua kau filifili a ia o tupu ke fakatotonu e ia ki ona vosa mo lona fale i ona muli, ke lotou tausi le ala o le Eteleno, o fai le nea leia e totonu mo maokioki, o tupu ke fakasoko e le Eteleno kia Apalaamo a fakapapau ala na fai e ia kiate ia…

Taagapati 28:7

Ko leia e tausi ki le lao ko se vosa atamai, Kae ko leia e ano mo latou ala e aga fakalialia e fakalumaluma ki lona tamana.

Esekiele 44:22

E leaise lotou avaga loa mo se fafine lokonui, pe ko se fafine leia na kapu e lona avaga, kae e lotou avaga loa mo ni taine taupoou o le fale o Iselaele ; e feala foki ke lotou avaga mo se fafine lokonui, avaga o se tagata faisakilifisio.

Levitiko 21:14

E leaise too loa e ia se fafine lokonui, pe ko se fafine na kapu, pe ko se fafine faiaga, pe ko se fafine leia kua maumaui lona taupoou ; kae e avaga loa a ia mo se taine taupoou i lona kakai.

Levitiko 21:7

E leaise lotou avaga loa mo se fafine faiaga pe kua maumaui, e leaise lotou too loa se fafine leia kua kapu e lona avaga, talie e lotou maokioki ki lolatou Atua.

Malakia 2:15

Na leaise fai le nea lena e se tasi, mo ka na i ai sona ga poto. Ko le toka tasi na fai ia a ia, ti kolea lona tupuaga ? Talie na afa e ia le sakoga leia na fakapapau e le Atua kiate ia. Koia kotou tokaga ai kia koutou totonu, Ti ke aua na agatuu se tasi ki le avaga o lona temi tupulaga !

Luka 1:5

I le temi o Elote, sau o Sutea, na i ai se tagata faisakilifisio, na igoa ko Sakalia, mei le kalasi o Apia ; ti na au lana avaga mei taineliki o Alone, ti na igoa a ia ko Elisapeta.

Efeso 5:18

Aua na kotou kona i le vino, ko le mauli fakavale a ia ; kae ke kotou apele i le Laumalie.

Uluaki tosi ki le kau Tesalonika 5:14

E motou kole atu foki kia koutou, fetaina, ke kotou fakatonutonu latou ala e mauli maveuveu, mo kotou fakapelepelei latou ala e mamae, mo kotou tokoi kia latou ala e gagae, ti mo kotou kataki fualoa ki tagata fuli.

Uluaki tosi kia Timoteo 1:9

e tou iloa papau na leaise fakatupu le lao ki le tagata agatonu, kae ki le kau agaveli ti mo le kau patigataa, ki le kau lee tui ki le Atua ti mo le kau agasala, ki le kau lee fakaapaapa ki le Atua mo nea taputapu, ki le kau tukipo tamana mo tinana ti mo tagata fuli,

Uluaki tosi kia Timoteo 3:12

Ko le kau tiakono, e tonu ke lotou avaga mo se fafine e tasi, ti ke lotou taki malie alatou fanau mo olatou famili totonu ;

Tito 1:10

Talie e toka api latou, tafito i le kau silikosisio kua tafoki, ala e agatuu, mo masau noa, ti mo kaka :

Uluaki tosi a Samuele 2:11

Na ano loa Elekana ki lona fale i Lama, ti na tausi loa le fanau ki le Eteleno i mua o le tagata faisakilifisio ko Eli.

Uluaki tosi a Samuele 2:22

Kua matua ai Eli, ti na logo loa a ia ki le aga leia na fai e ona vosa ki le kakai katoa o Iselaele ; na iloa foki e ia na momoe ona vosa mo fafine ala na fakatasi i le matapa o le falela tapu.