Tito 1:16 - Tosi Tapu

¹⁶ E lotou pati kua lotou iloa le Atua, kae e lotou fakafiti kiate ia i alatou gaoi : talie e lotou aga fakalialia, mo patigataa, ti e leaise lotou mafai ia fua se gaoi malie e tasi.

Tito 1:16 ပူးပေါင်းရင်းမြစ်များ

Sopo 15:16

Ti e feaki ake loa le lasi o le fakalialia mo le kelekele o le tagata, Leia e inu ia le agasala ofaipe le vai ?

Taagapati 30:12

E i ai se tautagata leia e pati e mea, kae e leikiaise fufulu e ia lona kelekele.

Esaia 29:13

Koia e pati ai le Aliki : Ka fakafeofi mai le kakai leinei kiate au, E fakamauiga e ia au i lona gutu mo ona laugutu ; Kae e mamao lona loto iate au, Ti ko le i leia e maua e ia kiate au Ko se pelesepeto o le talatisio a le tagata.

Esaia 48:1

Kotou fakalogo mai ki le nea leinei, fale o Sakopo, Koutou ala e igoa ki le igoa o Iselaele, Koutou ala na ulu mei vai o Suta ; Koutou ala e fakapapau i le suafa o le Eteleno, Ti e faikole ki le Atua o Iselaele, Kae puli ai le maoki mo le loto sako !

Esaia 58:2

I aso fuli e lotou afa au, E lotou fia iloa oku ala ; Ofaipe se puleaga leia na fai ia le faitotonu Ti na leaise tiaki ia le lao o lona Atua, E lotou kole mai kiate au ni fakamaau faitotonu, E lotou oli ke fakafeofi ki le Atua.

Esaia 59:13

Io, na motou agasala ti na motou agatuu ki le Eteleno, Na motou tiaki lomatou Atua ; Na motou masau ki le agamakeke mo le agatuu, Na motou faufau mo fakakaukaui i omatou loto ni masau loi ;

Selemia 12:2

Na ke to latou, ti kua lotou tauaka ; E lotou lalasi, e lotou fua ; E ke ofi ki lolatou gutu, Kae e ke mamao i lolatou loto.

Selemia 5:2

Tatau aifai pe lotou pati : E mauli le Eteleno ! E lotou fai se fakamaoki loi.

Selemia 6:30

E fakaigoa latou ko se siliva veli, Talie kua tiaki latou e le Eteleno.

Esekiele 33:31

Ti e lotou au toka api kiate koe, ti e tonatona loku kakai i ou mua ; e lotou fakalogo ki au folafola, kae e leaise lotou fai fuai latou, talie e kakata olatou gutu ki ai, ti e manumanu koloa olatou loto.

Numelo 24:16

Ko leinei le folafola a leia e logo ki folafola a le Atua, A leia e iloa ia a fakatuutuu loloto a le Taualuga, A leia e tio ki le tio a le Mafimafi, A leia e punou kae mavaa ona mata.

Loma 1:28

O tupu na leaise lotou loto ke iloa le Atua, kua tuku latou e le Atua ki olatou loto fakapouli ke lotou fai ni nea ala e leaise gali mo latou.

Efeso 5:6

Ke aua na kakai koutou e se tasi ki ni masau vaiga ; talie ko nea ana na tupu ai le ifo o le sausau o le Atua ki fanau patigataa.

Uluaki tosi kia Timoteo 1:9

e tou iloa papau na leaise fakatupu le lao ki le tagata agatonu, kae ki le kau agaveli ti mo le kau patigataa, ki le kau lee tui ki le Atua ti mo le kau agasala, ki le kau lee fakaapaapa ki le Atua mo nea taputapu, ki le kau tukipo tamana mo tinana ti mo tagata fuli,

Uluaki tosi kia Timoteo 5:8

Kapau e leaise tokaga se tasi kia latou o lona fale, kae tafito latou o lona famili, kua tiaki e ia le tui, ti e veli ake a ia i se pagani.

Lua tosi kia Timoteo 3:17

o tupu ke katoa le tagata a le Atua, ti ke katoa lona teuteui ki gaoi malilie fuli.

Tito 3:1

Fakamanatu kia latou ke lotou fakataulalo ki le kau takitaki mo le kau pule, ke lotou fakalogo kia latou mo nofo teuteu ki gaoi malilie fuli ;

Tito 3:3

Talie ko tatou foki, na tou valelea i mua, mo patigataa, mo sese, mo popula ki olioli noa mo manumanu fuli, na tou mauli i le agaveli mo le loto veli, ti na tou vesia ti na vesia mai foki kia tatou.

Uluaki tosi a Soane 2:4

Ko leia e pati : Kua kau iloa a ia, kae e leaise fai e ia ana fakatotonu, ko se tagata gutu loiloi a ia, ti e leaise nofo le maoki iate ia.

Suta 1:4

Talie kua ulu fakatolotolo mai kia koutou ni tagata, ala kua fualoa le tosi fakatomua o olatou tautea, ko ni tagata agaveveli ala kua fetogi ia le kalasia o lotatou Atua ki le mauli fakalaluvale, ti kua lotou fakafiti ki lotatou Pule e tasi mo Aliki ko Sesu-Kilisito.

Apokalipisi 21:27

Ti e leaise ulu loa ki ai se nea kelekele, pe ko se tasi leia e fai nea fakalialia, pe ko se tasi leia e loi ; kae e ulu loa ki ai latou ala kua tosi i le tosi o le mauli a le Akeno.

Apokalipisi 21:8

Kae ki le kau manava veli, mo le kau tui gataa, mo le kau aga fakalialia, mo le kau tukipo, mo le kau fai feauaki, mo le kau fai nea fakatalatupua, mo le kau tausi taulaatua, ti mo le kau gutu loiloi fuli, e tuku loa lolatou vaega i le tai kaka o le afi mo le sulifa, leia ko le lua mate.

Uluaki tosi a Samuele 15:22

Na pati loa Samuele : Pe maua e le Eteleno se fiafia i failaulau mo sakilifisio, ofaipe lana maua leia i le fakalogo ki le leo o le Eteleno ? Ko leinei, e malie ake le fakalogo i sakilifisio, ti e malie ake le fai o lana folafola i le gako o ovi tagata.

Uluaki tosi a Samuele 15:24

Ti na pati loa Saulo kia Samuele : Kua kau agasala, talie kua kau maumaui le fakatotonu a le Eteleno, ti na leaise kau fakalogo ki au masau ; na kau i ki le kakai, ti na kau fakalogo ki lona leo.